१ कोरिन्‍थी 14:16 - जिरेल

¹⁶ था सिइना, ख्‍योकोनगी परमेश्‍वर आत्‍मेकी खेराङ आत्‍माला कोता ओता च्‍योकराङ खाईन खेराङ आत्‍मेकी परमेश्‍वरते जय जय खासुङ सासीन थे बात खोराङ मोखोकान्‍ते थेरू ओताते ज्‍येनगी चुक खाला खुई साबा च्‍योकराङ ओङस्‍यीत सिन आमेन सिरा थुप्‍कीते?

१ कोरिन्‍थी 14:16 ပူးပေါင်းရင်းမြစ်များ

मत्ती 15:36

थेरूई थेकी थे स्‍योबेन दुईनताङ ङ्यातेबा लाःक्‍तु लाकीन परमेश्‍वरला धन्‍यवाद बिन्‍गीन सिन्‍नामेकी स्‍योबेनतेबा च्‍य्‌वाकीन थेमे ङ्यातेबा टुक्रा जोइन मिओनला गोला बिन सिन चेलातेबाला तेरगीन खासुङ। चेलातेबेकीङ मि गाङेला गोकीन बिन्‍सुङ।

मत्ती 28:20

थेमे ङे ख्‍योकोनला खि सिन गोमामेई थातासाक लोप्‍कीन वाबाते बात गाङे थेबालाङ लाप्‍ला थोकराङ खि सिन लोप। ख्‍योकोन छ्याःङ ज्‍यीबा माकेत। च्‍यिला सासीन ङा ख्‍योकोनला नोमुङ मोतोङो, दि जुग सिन सिनसाकराङ ङा ख्‍योकोनताङ ङ्योम्‍बुराङ देत्‍क्‍यो,” सिन बात खासुङ।

मत्ती 6:13

थेमे मेलेबा काम खित्‍से छ्य्‌वापेई ङ्योकोनला जोए खाला नाङ। मिला मेलेबा खित्‍कान्‍ते शैतान लाःक्‍तुकीङ खुईराङ जोए खाला नाङ। गाङेपा गाङेला राज्‍य खित्‍कान्‍ते खोराङ ईन। खोत्ताङ छ्येज्‍यीक शक्ति ओत। खुईते सधैँभरि जय जय ओङस्‍यीत। आमेन,’ सिन सि।

मर्कूस 16:20

थोक खाईन थे स्‍वर्गने गाल्‍नामेकी चेलातेबेकी गाङेपा गाल्‍गीन गा लाङच्‍येते बात मिओनला लोपाला स्‍यूसुङ। थोक खित्‍जीन प्रभु येशूकी थेबाला स्‍येतताङ बुद्धि बिन्‍सुङ। थेमे थेबेकी लापाते बात सत्‍यते ईन सिन मिओनगी छ्या स्‍येस्‍यीत सिन थेकी थेबाला अचम्‍बते कामओन खित च्‍युत्‍सुङ। आमेन।

यूहन्‍ना 21:25

येशूकी खाबाते काम थोरूम ज्‍येन ज्‍येनोङ काल्‍बेई ओत। ङालानी थेकी खाबाते काम रेरेते किताब टिसीन ज्‍य्‌वाबाला दि सा लुङबादु ठाउँराङ ओङच्‍या मेतान सिराच्‍योक लाङगीदुक।

यूहन्‍ना 7:15

थेकी थोक लेमु खाईन थे बात लापा थोकीन यहूदीओनते छ्ये छ्ये मि छक्‍क परे खिन “आबिई, धर्मे गुरूओनगी च्‍योक खाईन परमेश्‍वर बात नोमुङ पढे माक्‍याबाते ईन्‍सीनोङ दिकी दि बाततेबा चुक खाईन छ्या स्‍येताका?” सिन बात खिताला स्‍यूसुङ।

शक्ति काम 4:13

पत्रुसताङ यूहन्‍नेकी छ्याःङ ज्‍यीबाराङ मिक्‍किता खाईन बात खिता थोङनामेई थेमे थेबा ङिबो खोपरोङ च्‍योक पढे खाबाते मि मेन्‍गीन ज्‍येन मि च्‍योकराङ दुका सिन छ्या स्‍येनामेई थे छ्ये छ्ये मितेबा छक्‍क परे खासुङ। थेबा ङिबो गोमा येशूताङ देत्‍कीन ख्‍याम्‍गीन खाबाते दुका सिनोङ थेबेकी छ्या स्‍येसुङ।

१ कोरिन्‍थी 11:24

थेमे थे स्‍योबेन लाईदु परमेश्‍वरला धन्‍यवाद बिन्‍गीन सिन्‍नामेकी थे च्‍याक्‍ला चेलातेबाला तेरगीनकामा “दि ङे जीउ ईन। ङा ख्‍योकोन लाईदु ङाराङ ज्‍यानराङ बिन्‍ला स्‍यिइओ। ङा ख्‍योकोन लाईदु स्‍याप्‍ते बात सम्‍झे खिताला ख्‍योकोनगीङ बेला बेलाला दोकराङ खाला स्‍योबेन च्‍याक्‍ला साच्‍येते खि,” सिन साबा ओतान।

१ कोरिन्‍थी 14:14

ङाराङगी छ्या मास्‍येबाते खुदुक खुदुकते भाषाला प्रार्थना खित्‍जीन ङाराङ आत्‍माला परमेश्‍वर आत्‍मेकी कोता ओता च्‍योकराङ खाला ङा प्रार्थना खिओ। ईन्‍सीनोङ ङाराङगी दोक दोक सिन ओत सिन थे बातकी अर्थचेन ङाला छ्या मेङगो।

१ कोरिन्‍थी 14:2

दाक्‍पोनगी छ्या मास्‍येबाते खुदुक खुदुकते भाषाला बात खित्‍कान्‍ते मिकी मित्ताङ मेन्‍देकी परमेश्‍वरताङ बात खिओ। थेकी परमेश्‍वर आत्‍मे छ्य्‌वापेकी खोराङ मोखोच्‍येते बात खित्‍च्‍येते ईन्‍देकी थेकी च्‍यि सिन दुका सिन ज्‍येनगी खोराङ मोखोओ।

१ कोरिन्‍थी 16:24

येशू ख्रीष्‍टताङ जीउज्‍यीकराङ ओङाते ख्‍योकोन गाङेला ङा ङिङज्‍ये खिनराङ देत्‍क्‍यो। आमेन।

२ कोरिन्‍थी 1:20

ख्रीष्‍टकी खाबाते कामगी खित्‍सादुराङ परमेश्‍वरगी मिओनताङ खाबाते जमान जति गाङे पूरो खिओ। थोगीराङ परमेश्‍वरला प्रार्थना खित्‍जीनोङ ङुरूङ ख्रीष्‍टकी मिनगी छ्य्‌वापेई आमेन सिन सिओ। दोक सिरच्‍येतेचेन परमेश्‍वरला मान खाबाते ईन।

छ्या स्‍ये च्‍युताते बात 22:20

दि गाङे बात दुरू साबा च्‍योकराङ ईन, ईन्‍दातेराङ ईन सिन सिरकान्‍तेकी “था ङा होत्ताराङ ओङगीन ओत,” सिन सिओ। आमेन, लो स्‍योक स्‍योक प्रभु येशू।

छ्या स्‍ये च्‍युताते बात 5:14

थेमे थे ङेपाक ओताते थरी स्‍यीबोकी आमेन सिन सिरजीन थे मेरा खालज्‍यीकताङ स्‍यीबो छ्ये छ्येतेबेकीचेन गुर्बु खाला से खिन थेबा ङिबोला छ्ये जोसुङ।

छ्या स्‍ये च्‍युताते बात 7:12

थेबेकीचेन “आमेन, ङुरूङ परमेश्‍वरला छ्ये जोइन देत्‍की। थेते सधैँभरि जय जय ओङस्‍यीत। थे जस्‍तो बादोङ छ्या स्‍येकान्‍ते ईन। थेला धन्‍यवाद साला मान खिइ। थेत्ताङ छ्येज्‍यीक शक्ति ओत। थेकी जस्‍तो कामोङ खिता थुप्‍क्‍यो। आमेन,” सिन ओतान।