१ कोरिन्थी 13:13 - जिरेल13 ज्येनतोक गाङे ङीमा लेनज्यीक छ्याःङ काम लै मिक्किच्या गाल्सीनोङ परमेश्वरला विश्वास खित्च्येते, थेकी ङुरूङला तेरग्यो साबाते ङेत्क्यो सिन खित्च्येते आश थेमे ज्येनला ङिङज्ये खित्च्येते दि बात सुमचेन नोमुङ छ्याःङ काम लै मिक्किच्या मोन्डोओ। दि बात सुमगी नाङदुङ छ्येते बातचेन ज्येनला ङिङज्ये खित्च्येतेराङ ईन। အခန်းကိုကြည့်ပါ။ |
१ कोरिन्थी 13:13
43 ပူးပေါင်းရင်းမြစ်များ
थे खोरोङगी साबाच्योक खिओ सिन आश खाला देत ज्युत्कान्ते परमेश्वरराङ ईन। थेला विश्वास खित्कान ईन्देकी थेकी ख्योकोन गाङेला आउदी खाला गा खिन थेमे डिक्ला थुन्ला देत ज्युत्स्यीत सिन ङा प्रार्थना खिओ। थेकी थोक खानामेईचेन परमेश्वर आत्मे शक्ति छ्य्वापेकी ख्योकोन था परमेश्वरगी ङुरूङला खिओ साबाच्योक खिओतराङ सिन छ्याःङ शंका मिक्किता खाला झन आश खाला गुला देता थुप्क्यो।
थोगी ख्योकोनगी चुक खाला ज्येनला ङिङज्ये खिता थुप्कीका सिरच्ये छ्य्वापा विचार खि। थेमे परमेश्वर आत्मेकी तेरच्येते खुदुक खुदुकते सीपताङ शक्ति चुक खाला ङेदोङा सिरच्ये छ्य्वापा सेम लै खि। थोक्ते सीपताङ शक्ति नाङदुङ परमेश्वरगी सिर च्युताते बात खित्च्येते शक्ति ङेतालाचेन ख्योकोनगी आउदी सेम खि।
ज्येन ज्येन जातकी मिला चुक अचम्ब खाला आशी बिन्ला लेमु खिते सिरच्येते बात थे खोरोङ सन्तानओनगी छ्या स्येबा फाप्क्यो सिन परमेश्वरगी थेबाला छ्या स्ये च्युत्कीन बिन्सुङ। परमेश्वरगी गोमा छ्या स्ये च्युता मेताते होथे बात च्यि ईन्दे सासीन ख्रीष्टचेन ख्योकोन ज्येन ज्येन जातकी मि सेमगी नाङ देत्क्यो। थे थोक खाईन ख्योकोन सेमगी नाङ देत्नामेई परमेश्वरगी तिरी ख्योकोनला मान बिन्ला थे खोरोङगी ज्वा चाला च्योकराङ लेमु जोइओ सिरच्येते बात पक्काराङ दुका सिन आश खाला गुला देता थुप्क्यो।
परमेश्वरगी था तिरी खेराङला स्वर्गने तेरग्यो सिन साबातेबा ङेत्क्यो सिन खेराङगी आश खाईन देताते पक्काराङ ङेत्क्यो सिन छ्या स्येबेकीराङ ख्योकोनगी थोक लेमु खिन ओताते ईन। परमेश्वरगी खेराङला तेरग्यो साबाते ङेत्क्यो सिनचेन ख्योकोनगी सत्यते बात थोनामेई छ्या स्येबा ओत। सत्यते बातचेन गा लाङच्येते बात ईन।
धन्यवाद सिरजीनराङ ख्योकोनगी येशू ख्रीष्टला विश्वास खाईन लेमु काम खिताला स्यूबाते थेमे ज्येनला ङिङज्ये खिन झन झन लेमु खाबाते बातकी लाईदु ङुरूङ आबा परमेश्वरला धन्यवाद सिओ। थे लाईदुकामा मेन, था ङीमाई ङुरूङ प्रभु येशू ख्रीष्ट ग्युरला ओङगो सिन आश खाईन गुकीन देता ओतेकी जस्तो दुक्पा ओङसीनोङ ख्योकोन सेम मेसेता खाईन देता ओताते बातकी लाईदुङ ङ्योकोन थेला धन्यवाद सिओ।
ङुरूङचेन परमेश्वर नाम्दाकला देत्कान्ते मि ईन्देकी होस तोराते मि च्योक ओङा मेङगो। बरू च्याङबो खाला देत्ला प्रभु येशूला विश्वास खिन थेमे ज्येनला ङिङज्ये खिन देता फाप्क्यो। दोक खिन देत्च्येतेचेन लडाइँ बेलाला मिल्टेरीओनगी ठाङला खोन्च्येते च्याकी पाता खोन्दा च्योकराङ ईन। थेमे ङुरूङगी आश खाईन देता च्योकराङ था तिरी पापकी सजाय भोगे खिता माफाबो सिनोङ टोक ज्येता मेङगो। थोक खित्च्येतेचेन मिल्टेरीओनगी गोःला च्याकी टोप खोन्दा च्योकराङ ईन।
ङे खोल्ला होथे मिओनला दोक खि, थोक माकेत सिन कोत साबातेचेन थेबेकी ज्येनतेबाला ङिङज्ये खित्स्यीत सिनराङ ईन। थोक खाला ङिङज्ये खिताला थेबे सेम लेमु ओङा फाप्क्यो, दाक्पोनला ङे दोक खिता ठीक मेन सिराच्योक लाबाते काम छ्याःङ खिता मेङगो, थेमे खेकीकामा मेन्देकी येशू ख्रीष्टला पक्काराङ खाला विश्वास खिता फाप्क्यो।
दाक्पोनगी आश खाईन देताच्योक पक्काराङ ओङगो सिन छ्या ओतेकी दोक ओङगीता मेङता सिन ङुरूङ नोमुङ छ्याःङ ज्यीबा मिक्किता खाला देता थुप्क्यो। ङुरूङगी आश खाईन देता च्योकराङ खाला ङुरूङला परमेश्वर दोन्दु खेराला येशू गाङे भन्दा छ्येते पूजारी ओङगीन ङुरूङ भन्दा गोमाका पर्दे ल्हाकनापा परमेश्वर दोन्दु गाङे भन्दा छ्येते पूजारीकामा ड्वा ङेत्च्येते ठाउँदु गाल्गीन देता ओत। येशू मल्कीसेदेक च्योकराङ गाङे भन्दा छ्येते पूजारी ओङा ओत। थे सधैँभरि गाङे भन्दा छ्येते पूजारी ओङला देत्क्यो।
छ्येवे, दि सा लुङबा ज्वा भन्दा गोमामेईराङ ओताते ख्रीष्टला ख्योकोनगी छ्या स्येबा ओतेकी ङे ख्योकोनला दि बात टिबाते ईन। स्याराते मिवे, ख्योकोनगी परमेश्वर शक्ति ङेता ओतेकी, परमेश्वर बात खेराङ सेमला ज्याक्पेकी थेमे खेराङला मेलेबा खित्कान्ते शैतानला ग्याल्गीन सिन्दा ओतेकी ङे ख्योकोनला दि बात टिबाते ईन।
ကြော်ငြာတွေ