थे बेलालाराङ परमेश्वर आत्मे छ्य्वापेई आउदी गा खिन येशूकी “आबा, खो दि स्वर्गताङ पृथ्वीते मालिक ईन। ङा खुईते जय जय खिओ। च्यिला सासीन परमेश्वर राज्य बात खुई पढे माक्याबाते थेमे काल्बा बात छ्या मेस्येकान्ते मिओनला लेमु खाईन खो च्युत्सुङ। दि बातनी खुई आउदी बुद्धि ओतातेताङ काल्बेई पढे खाबाते छ्ये छ्ये मिलाङ खो च्युता मेतान। आबा खोल्ला दोक खिताराङ लेमु लासुङ। दोक खाईन खुई खिता चालाते च्योकराङ ओङसुङ,” सिन सासुङ।
१ कोरिन्थी 12:18 - जिरेल18 बातचेन दिराङ ईन, परमेश्वरगी मि जीउला गोच्येते जेसुकै थे खोरोङगी ज्वा चाला च्योकराङ खाईन ठीक ठीक ठाउँदु ज्यागीन बिन्दा ओत। အခန်းကိုကြည့်ပါ။ |
१ कोरिन्थी 12:18
18 ပူးပေါင်းရင်းမြစ်များ
परमेश्वरगी ङाला दया खाईन थे खोरोङ काम खि साबा ओतेकी ङा ख्योकोन गाङेला दि बातओनोङ सिओ। च्यि सासीन खेराङगी च्यि खिता थुप्कीते सिन लेमु खाला विचार मिक्किता खाला ख्योकोन सुङगीङ ङा जेङ खिता थुप्क्यो सिराच्योक खाला छ्ये माकेत। परमेश्वरगी खेराङला च्यि खित्च्येते सीप कि शक्ति बिन्ला दुका ङाला परमेश्वरगी दोस्यिकराङ खि साबाते ईन सिन विश्वास खाला ख्योकोनगी थेकी खि साबा भन्दाङ ल्हाक्पा खिता थुप्क्यो सिराच्योक माकेत।
परमेश्वरगी दया खाईन ङुरूङला दाक्पोन दाक्पोनला खुदुक खुदुक काम खित्च्येते सीपताङ शक्ति बिन्दा ओत। दाक्पोनताङ च्यि खित्च्येते सीप कि शक्ति ओते ङुरूङगी थे काम लेमु खाला खिता फाप्क्यो। च्यि सासीन परमेश्वरगी ङुरूङ सुइँदाला थे खोरोङगी सिर च्युताते बात खित्च्येते शक्ति बिन्ला दुक सासीन थे मिकी थे कामराङ खिता फाप्क्यो। तर थेकी थे खोरोङगी परमेश्वरला खजो विश्वास खिका थे ताला परमेश्वरगी सिर च्युता च्युता बातकामा सिरा फाप्क्यो, ज्येन बात खिता मेङगो।
येशू ख्रीष्ट मिओन नाङ परमेश्वरगी छ्येदुकी शुरू खाईन टेक्टेसाक गाङेला दाक्पोन दाक्पोन जिम्मा बिन्दा ओत। थेबे नाङ गाङे भन्दा गोमाचेन येशू ख्रीष्टकी खटे खाबाते मिओन, थेबे तिरी परमेश्वर बात खित्कान्तेबा, थेरूकी परमेश्वर बात लोप्कान्तेबा फाप्क्यो। थोकराङ खाला अचम्ब अचम्बतेन्दे काम खित्कान्तेबा, नाबाते मिओनला ठाक्पा खित्च्येते शक्ति ङेता ओतातेबा, ज्येनला मद्धत खित्कान्तेबा, खाङ काम चुक खाला खिता फाप्कीते सिन छ्या स्येकान्तेबा थेमे खोपरोङगी छ्या मास्येबाते खुदुक खुदुकते भाषाला बात खित्कान्ते मिओन फाप्क्यो।
ကြော်ငြာတွေ