१ कोरिन्थी 11:26 - जिरेल26 थोगी प्रभु येशू ग्युरला ओङ ओङसाक जहिले जहिले ख्योकोनगी प्रभु भोज स्योबेन सेइदुक थेमे अंगूर छ्याङ थुङगीदुक थोक खित्जीन खित्जीन प्रभु येशू ङुरूङ लाईदु स्या ओतान सिन गाङेकी छ्या स्येक्यो। အခန်းကိုကြည့်ပါ။ |
१ कोरिन्थी 11:26
16 ပူးပေါင်းရင်းမြစ်များ
थोगी ङा ख्योकोनला च्यि सिते सासीन प्रभु येशू ग्युरगीन मावाथुप ख्योकोन सुङगीङ दि दोक्तेताङ थे थोक खित्कान्ते सिन ज्येनगी गल्ती मातेन। था वाला च्याला प्रभु येशूकी मिकी ज्येनगी छ्या मेस्येबा खाईन खाबाते काम ईन्स्यीत, खोपरोङ सेमलाकामा विचार खाबाते बात ईन्स्यीत, लेमु मेलेबा चुक ईन्दे सिन डेल्ग्यो। थेमे लेमु काम खित्कानलाचेन गाङेला परमेश्वरगी खुई आउदी लेमु खासुङ सिन सिओ।
थे छोमु चुक ओङगीते सासीन प्रभु येशूकी लो था बेला लेप्सुङ सिन गाङेकी थोच्या खाला सिराईताङ, परमेश्वर छ्येते दूतकी गाङेकी थोच्या खाला बात खिताईताङ थेमे परमेश्वर बिकुल फुबाते ङोरो थोबाईताङराङ प्रभु येशू स्वर्गनेकी ग्युरला ओङगो। थे ग्युरगीन वानामेई ख्रीष्टला विश्वास खित्कान्ते गोमाका स्याप्ते मिओन स्यिसादुकी सोम्बो लोइओ।
थोक ईन्देकी मि काल्बेईला थेबेकी खाबाते गाङे पापदुकी डेलाला ख्रीष्टोङ बाजिईकामा थे खोरोङ ज्यान बिन्गीन स्याप्ते ईन। था थे लोक्ला देमा ग्युरला ओङगो। थोक खाला ओङच्येते लोक्ला गोमा च्योकराङ मि पापकी सजाय भोगे खाला स्याप्ला मेन। थानी ङीमाई थे ग्युरला ओङगो सिन गुकीन देताते मिओनला पूरो खाला पापदुकी टाल्ला स्वर्गने देत खेराला लिन्दालाका ओङच्येते ईन।
चोर दि छोमुराङ ओङगो सिन सुङलाङ छ्या मेता च्योकराङ प्रभु येशू दि छोमु ग्युरला ओङगो सिनोङ सुङगीङ सिरा मुथुबो। थे ग्युरला ओङे छोमु नामचेन नामज्योक बु साच्याज्यीक ङोरो देन्गीन तोक तोरला डुइओ। दागार, ङीमाताङ कार्मातेबाङ मेकी छिक्ला सोला डुइओ। थोकराङ खाला दि सा लुङबाताङ दुरू ओताते जतिङ जेसुकै थाला डुइओ।
लो दि बात टोक माज्येत। च्यि सासीन येशू ख्रीष्ट था मुक्पे नाङ खाला देमा ओङगीन ओत। थे दोक खाला ओङगीन ओताते सा लुङबे मि गाङेकी थोङगो। थेला बार्सा रोपे खित्कान्ते मिओन समेतकीङ खोपरोङ मिगीराङ थोङगो। थे थोक खाला दुरू ओङजीन सजाय ङेत्क्यो सिन ज्यीबेकी खित्सादु दि सा लुङबे मि गाङेराङ झ्याउँ झ्याउँ ङुइओ। दोकराङ ओङस्यीत। आमेन।
ကြော်ငြာတွေ