१ कोरिन्‍थी 11:23 - जिरेल

²³ प्रभु भोज चुक खाला सा फाप्‍कीते सिन प्रभु येशू थे खोरोङगी ङाला लाप्‍कीन बिन्‍दाते बातराङ ङेङ ख्‍योकोनला लाप्‍कीन बिन्‍दा ओतान। चुक सासीन थेला मेलेबा खित्‍कान्‍ते मिओनगी पक्रे खिते छोमु ग्‍वासे थोक खिता भन्‍दा गोमा प्रभु येशूकी स्‍योबेनज्‍यीक लाःक्‍तु लाबा ओतान।

१ कोरिन्‍थी 11:23 ပူးပေါင်းရင်းမြစ်များ

मत्ती 26:17

थेमे सोडा मुलुबा खाला स्‍योबेन स्‍येला साच्‍येते चाड लेपा ओतान। थे चाडगीते गोमे दिनगी छोमु चेलातेबेकी येशू दोन्‍दु वाकीन “गुरू, ङ्योकोनगी खोल्‍ला सिन निस्‍तार चाडगी भोज खापा गाल्‍ला ठीक खिसे, ङ्योकोन खापा ग्‍युगे?” सिन ठिसुङ।

मत्ती 26:2

“था ङीमा ङि तिरी निस्‍तार चाड ओङगो सिन ख्‍योकोनला छ्याराङ ओत। थे चाडगी बेलालाराङ परमेश्‍वर ओत्‍सादुई वाबाते मि ङाला स्‍यिङगी थामला टाँए खाला सेताला मिओन लाःक्‍तु सोम्‍पे खिओ,” सिन सिदुक।

मत्ती 26:34

पत्रुसकी थोक सिरजीन थेकी “पत्रुस, खो दोक छ्ये खाला बात माकेत। था ङोमु पाखे छ्योबो फोत फोतसाकला पालो सुम ज्‍येन मि दोन्‍दु खुई ङाला ङोराङ मेस्‍येओ सिन सिओ,” सिन सिदुक।

मत्ती 28:20

थेमे ङे ख्‍योकोनला खि सिन गोमामेई थातासाक लोप्‍कीन वाबाते बात गाङे थेबालाङ लाप्‍ला थोकराङ खि सिन लोप। ख्‍योकोन छ्याःङ ज्‍यीबा माकेत। च्‍यिला सासीन ङा ख्‍योकोनला नोमुङ मोतोङो, दि जुग सिन सिनसाकराङ ङा ख्‍योकोनताङ ङ्योम्‍बुराङ देत्‍क्‍यो,” सिन बात खासुङ।

लूका 22:17

थेमे अंगूर छ्याङ लुक्‍पाते कचौराज्‍यीक लाःक्‍तु लाकीन थेकी थे लाईदु परमेश्‍वरला धन्‍यवाद बिन्‍सुङ। थेमे “लो या, दि अंगूर छ्याङ पालो खाला थुङ।

शक्ति काम 20:7

थेमे आदेरी छोमु ङ्योकोन गाङेराङ थेरू येशूला विश्‍वास खित्‍कान्‍ते मिओनताङ प्रभु भोज साप्‍ला खाम्‍बाज्‍यीक्‍तु जम्‍मा ओङा ओतान। थेमे पावलगी गाङेताङ बात खिताला स्‍यूसुङ। ङारो च्‍योक्‍तेराङ थे खोरोङ थेरूकी डोच्‍येते ईन्‍देकी नुप फेतसाकोङ थेकी बात खाईन सिन्‍दा मेतान।

१ कोरिन्‍थी 10:16

प्रभु भोज साजीन ङुरूङ अंगूर छ्याङ लुक्‍पाते कचौरा लाःक्‍तु लाला थे ख्रीष्‍टकी ठाक ईन सिन सम्‍झे खाला परमेश्‍वरला धन्‍यवाद बिन्‍ला गाङेराङ थे नोतज्‍यीकलाराङ थुङगो। थोक खित्‍जीन ङुरूङ ख्रीष्‍टकी ङुरूङ लाईदु थे खोरोङ ज्‍यान बिन्‍गीन स्‍याप्‍ते बात सम्‍झे खिओ। ख्रीष्‍टकी जीउ सिन सम्‍झे खाला थेजीन स्‍योबेन च्‍याक्‍ला साजीनोङ ङुरूङ होथे बातराङ सम्‍झे खिओ।

१ कोरिन्‍थी 15:3

थेजीन ङे ख्‍योकोनला गाङे भन्‍दा छ्येते बात दिराङ ईन सिन ङाराङगी छ्या स्‍येबाते बात लाप्‍कीन बिन्‍दा ओत। च्‍यि सासीन परमेश्‍वर बातला गोमाका साबा च्‍योकराङ खाईन ख्रीष्‍टचेन ङुरूङला पापदुकी डेलाला थे खोरोङ ज्‍यान बिन्‍गीन स्‍या ओतान,

गलाती 1:1

दि चिट्ठी टिक्‍कान्‍ते ङा पावल ईन। ङा येशू ख्रीष्‍टकी खटे खाबाते मि ईन। ङाला खटे खाबाते मिकीङ मेन थेमे येशू ख्रीष्‍टकी खटे खाबाते मिकी खित्‍च्‍येते काम खिताला मिकी ताङातेङ मेन। येशू ख्रीष्‍ट थेमे थेला स्‍यिसादुकी सोम्‍बो लोक्‍कान्‍ते आबा परमेश्‍वरगीराङ ङाला खटे खाबाते ईन।

कलस्‍सी 3:24

थेकी तिरी थे खोरोङ मिओनला इनाम सिन तेरग्‍यो साबाते जति ख्‍योकोनगीङ ङेत्‍क्‍यो सिन ख्‍योकोनला छ्याराङ ओत। ख्‍योकोनगी खिन ओताते काम खेराङ मालिक प्रभु ख्रीष्‍ट लाईदु ईन सिन टोक माज्‍येत।

१ थिस्‍सलोनिकी 4:2

प्रभु येशूकी ङ्योकोनला बिन्‍दाते अधिकार चले खाईन ङ्योकोनगी ख्‍योकोनला चुक चुक खिता फाप्‍कीते सिन लापा ओताने सिन ख्‍योकोनला छ्याराङ ओत।