१ कोरिन्थी 10:33 - जिरेल33 ङाचेन ङाराङ विचारकामा मिक्किता खाला मि गाङेराङ येशूला विश्वास खाला पापकी सजायदुकी थारस्यीत सिन थेबा गाङेला लेमु ओङच्येते कामकामा खिओ। အခန်းကိုကြည့်ပါ။ |
१ कोरिन्थी 10:33
12 ပူးပေါင်းရင်းမြစ်များ
थेमे ङा याङराङ ख्योकोन ओत्सापा ओङाला ठीक खाबा ओत। दि बाजिताङनी ङा थेपा वाबाते पालो सुम छाङगो। जेराङ ईन्सीनोङ गोमाबा च्योकराङ दि पालोलाङ ङा ख्योकोनताङ छ्याःङज्यीक खाङज्यीक नाङ मिसिरो। ङाला ख्योकोन सम्पत्ति चिमाईओङ गोबा मेत। ख्योकोनगी ङाला ङिङज्ये खासीन दाक दाङगो। दि बाई ङाला छ्याःङ मोगोओ। ईन्दाबोङ फिजाओनगी आबा आमातेबे स्याहार सुसार खित्च्येते मेन, आबा आमातेबेकीका फुज्युङ फुमुतेबाला च्यि च्यि गोकीका बिन्ला स्याहार सुसार खिओ।
ङिङज्येते आज्यो न्वावे, ङे थाल्लासाक खाबाते दि गाङे बात ङेराङ आउदी लेमु मि ईन सिराला खाबासीन सिन सितासीन मेन? ख्रीष्टताङ जीउज्यीकराङ ओङाते मि ईन्देकी ङ्योकोननी परमेश्वर दोन्दुराङ बात खाबाच्योक खाला बात खिओ। ख्योकोन झन लेमु खाला येशू ख्रीष्टकी खि साबा साबा खित्कान ओङस्यीत सिन दि गाङे बात खाबाते ईन।
ङे दोक सिन सिनोङ थोरूमोङ च्यि परमेश्वरला मेन्देकी मिओनला खुशी ज्वाप्लाका ङे दि बातओन साबाते ईन्दासीन सिराच्योक लाङगीदुक? ना मिओनगी ङाराङला लेमु मि सिरस्यीत सिन ङे दोक साबाते ईन सिराच्योक लाङगीका? ङा थोक खाला मि मान छोल्कान्ते ईन्सीन ङा ख्रीष्टकी काम खित्कान्ते ईन सिन ङे चुक खाला सिरा थुप्च्या ओतानेरो?
च्यिला सासीन परमेश्वरगी ज्येन ज्येन जातकी मिला पापदुकी डेल्स्यीत सिन ङ्योकोनगी थेबाला गा लाङच्येते बात लोप्जीन होथे यहूदीओनगी ङ्योकोनला थुपासम्म दुक्पा बिन्ला थे बात लोप मुज्युत्तुक। होदोक दोक्ते कामकामा खिन देत्कीन थानी थेबानी पापकीराङ नुप्कीन सिन्दा खाईन सिन्सुङ। था ईन्सीन परमेश्वरगी थेबाला स्येदाङगी चूर गाल्ला सजाय तेरच्येते बेला लेप्सुङ।
ကြော်ငြာတွေ