१ कोरिन्थी 10:17 - जिरेल17 स्योबेनज्यीकराङ च्यागीन सोबातेचेन ङुरूङ मेरा काल्बेई ओत्सीनोङ गाङे जीउज्यीकराङ ईन सिन साबाते ईन। အခန်းကိုကြည့်ပါ။ |
१ कोरिन्थी 10:17
17 ပူးပေါင်းရင်းမြစ်များ
थे बातचेन दिराङ ईन। च्यि सासीन येशू ख्रीष्टकी खाबाते कामगी खित्सादु थाचेन परमेश्वरगी ज्येन ज्येन जातकी मिलाङ थे खोरोङगी छाने खाबाते इस्राएलीओनला तेरच्येते जति गाङे तेरच्या ओङा ओत, थेबालाङ ज्येन गाङेताङ डिक्पा खाईन जीउज्यीकराङ जोबा ओत थेमे गोमा थेकी थे खोरोङ मिओनताङ लेमु खिओ सिन जमान खाबा ओताते जति गाङे थेबे लाईदुङ खाला तेरच्या ओङा ओत। दि बाततेबा थेबाला लोप्च्येते गा लाङच्येते बातला साबा ओत।
थेमे ख्रीष्टकी थे खोरोङ मि गाङेला डिक च्युत्ला सेमज्यीकराङ खाला काम खित्कान जोला दोक्पोईकी ज्येनज्यीकला लेमु खित्स्यीत सिन थेबाला गोच्येते जति गाङे तेरग्यो। दोक ओङनामेई थेबा खोपरोङ नाङ ङिङज्ये खिन मि जीउ छारगीन ड्वापच्योक खाला ख्रीष्टकी थेबाला जस्तो ज्वा चाला ओतान थोकराङ डुइन डुइओ। दोक ओङाला थेबेकीङ दाक्पोन दाक्पोनगी खिता फाप्च्येते काम खिता फाप्क्यो।
थोक्ते मिचेन ख्रीष्टताङ ठाल्गीन सिन्दाते मि ईन। मि जीउकी गोः च्योकराङ थे खोरोङ मिओनते छ्येते ख्रीष्टराङ ईन। मि जीउचेन चाताङ छिकी जोरे खाबा ओङगो। थेमे गोः ओत्सीनकामा मि जीउ छारग्यो। थोकराङ खाला ख्रीष्टकीकामा थे खोरोङ मि गाङेला डिक च्युत्ला परमेश्वरगी चुक ओङा फाप्क्यो सिन साबाते ईन्दे पूरो खाला थोकराङ ओङ ज्युत्क्यो।
थेकी दोक लेमु खिन ओताते मि नाङ ग्रीक ईन्स्यीत कि यहूदी ईन्स्यीत, जीउला खतकी चिनु जोबाते मि ईन्स्यीत कि थे चिनु माजोबाते मि ईन्स्यीत, ज्येन ज्येन लुङबे मि ईन्स्यीत कि सिथिया सिराते मिओन ईन्स्यीत, योक्पो योङमु ईन्स्यीत कि ज्येन ईन्स्यीत गाङे थोजोराङ ईन। सु च्यि जातकीते ईन्दे, सु छ्ये टेक्टे ईन्दे सिरच्येते बात ओङा मेङगो। ख्रीष्टकामा छ्ये ईन। थे खोरोङ मि गाङे सेमगी नाङ थेराङ देत्क्यो।
ख्रीष्टकी ख्योकोनला सेम ढुक्क खाला देत ज्युत्च्येते ईन्देकी ख्योकोन सेमज्यीकराङ खाला डिक्ला थुन्ला देत। ख्योकोन जीउज्यीकराङ ओङाते गाङेराङ डिक्ला थुन्ला देत्स्यीत सिनराङ परमेश्वरगी ख्योकोनला थे खोरोङ दोन्दु स्योक सिन काताङाते ईन। परमेश्वरगी खाबाते गाङे कामगी लाईदु ख्योकोनगी थेला धन्यवाद बिन।
ကြော်ငြာတွေ