१ कोरिन्‍थी 10:16 - जिरेल

¹⁶ प्रभु भोज साजीन ङुरूङ अंगूर छ्याङ लुक्‍पाते कचौरा लाःक्‍तु लाला थे ख्रीष्‍टकी ठाक ईन सिन सम्‍झे खाला परमेश्‍वरला धन्‍यवाद बिन्‍ला गाङेराङ थे नोतज्‍यीकलाराङ थुङगो। थोक खित्‍जीन ङुरूङ ख्रीष्‍टकी ङुरूङ लाईदु थे खोरोङ ज्‍यान बिन्‍गीन स्‍याप्‍ते बात सम्‍झे खिओ। ख्रीष्‍टकी जीउ सिन सम्‍झे खाला थेजीन स्‍योबेन च्‍याक्‍ला साजीनोङ ङुरूङ होथे बातराङ सम्‍झे खिओ।

१ कोरिन्‍थी 10:16 ပူးပေါင်းရင်းမြစ်များ

लूका 22:17

थेमे अंगूर छ्याङ लुक्‍पाते कचौराज्‍यीक लाःक्‍तु लाकीन थेकी थे लाईदु परमेश्‍वरला धन्‍यवाद बिन्‍सुङ। थेमे “लो या, दि अंगूर छ्याङ पालो खाला थुङ।

शक्ति काम 2:42

येशूला विश्‍वास खित्‍कान्‍तेबेकी येशू ख्रीष्‍टकी खटे खाबाते मिओनगी लापाते बातओन लेमु खाला ङेन्‍गीन ओतान। थेबा ङ्योम्‍बुराङ डिक्‍ला देत्‍च्‍येते, प्रभु भोज साच्‍येते थेमे परमेश्‍वरला प्रार्थना खित्‍च्‍येते खिन ओतान।

शक्ति काम 2:46

थेबा ङीमे ठाङमा परमेश्‍वर मन्‍दिरदु जम्‍मा ओङला ङ्योम्‍बुराङ परमेश्‍वरला प्रार्थना खिन ओतान। थेबेकी दोक्‍पोईकी ज्‍येनज्‍यीकला ईख इबी खुरगीन मेतान। बरू खाम्‍बा खाम्‍बाला रूला प्रभु भोज साच्‍येते थेमे गा खिन ङ्योम्‍बुराङ साप साच्‍येते खिन ओतान।

शक्ति काम 20:11

थेरूई पावल याङराङ ताले लाकने गाल्‍सुङ। थेमे थेकी स्‍योबेन च्‍यागीन च्‍याकीन गाङेताङ प्रभु भोज सोसुङ। थे छोमुचेन थेकी लोप्‍कीन देत्‍कीनराङ नाम लाङसुङ। नाम लानामेकी थे थेरूई ख्‍याम्‍सुङ।

शक्ति काम 20:7

थेमे आदेरी छोमु ङ्योकोन गाङेराङ थेरू येशूला विश्‍वास खित्‍कान्‍ते मिओनताङ प्रभु भोज साप्‍ला खाम्‍बाज्‍यीक्‍तु जम्‍मा ओङा ओतान। थेमे पावलगी गाङेताङ बात खिताला स्‍यूसुङ। ङारो च्‍योक्‍तेराङ थे खोरोङ थेरूकी डोच्‍येते ईन्‍देकी नुप फेतसाकोङ थेकी बात खाईन सिन्‍दा मेतान।

१ कोरिन्‍थी 1:9

परमेश्‍वरचेन थे खोरोङगी खिओ साबा च्‍योकराङ खित्‍कान्‍ते ईन। थेकीराङ ख्‍योकोनला थे खोरोङ फुज्‍युङ ङुरूङ प्रभु येशू ख्रीष्‍टताङ ङ्योम्‍बुराङ डिक्‍ला देताला थे खोरोङ दोन्‍दु स्‍योक सिन काताङाते ईन।

१ कोरिन्‍थी 10:15

ङा ख्‍योकोनताङ लेमु खाला बात खोकान्‍ते मिओनताङ च्‍योक खाला बात खिन ओत। ङे बात ठीक ईन्‍दाना मेन्‍दे सिन ख्‍योकोन खेराङगी विचार खि।

१ कोरिन्‍थी 12:13

यहूदी ईन्‍सीनोङ, ग्रीक ईन्‍सीनोङ, योक्‍पो योङमु ईन्‍सीनोङ, ज्‍येन ईन्‍सीनोङ बप्‍तिस्‍मा लानामेई ङुरूङ गाङेराङ जीउज्‍यीकराङ ओङा ओत। थेमे ङुरूङ गाङेकी परमेश्‍वर आत्‍माज्‍यीकराङ ङेता ओत।

हिब्रू 3:14

च्‍यिला सासीन स्‍याप छोमुसाकराङ ङुरूङगी परमेश्‍वरगी खिओ साबाच्‍योक पक्‍काराङ खिओ सिरच्‍येते बातला गोमा खाबा च्‍योकराङ छ्याःङ शंका मिक्‍किता खाला देता फाप्‍क्‍यो। दोक खाईन देत्‍सीन ख्रीष्‍टताङ डिक्‍ला ङुरूङगी थेकी ङेत्‍च्‍येते आशी ङेत्‍क्‍यो।

१ यूहन्‍ना 1:3

ख्‍योकोनोङ ङ्योकोनताङ ङ्योम्‍बुराङ डिक्‍ला देता थुप्‍स्‍यीत सिनराङ ङेराङगी थोङाते थेमे थोबाते दि बाततेबा ख्‍योकोनलाङ सिओ। ङुरूङचेन आबा परमेश्‍वर थेमे थे फुज्‍युङ येशू ख्रीष्‍टताङ ङ्योम्‍बुराङ डिक्‍ला देत्‍क्‍यो।

१ यूहन्‍ना 1:7

परमेश्‍वर नाम्‍दाकला देता ओता च्‍योकराङ खाला ङुरूङोङ थे नाम्‍दाकला देत्‍कीन लेमु काम खासीन ङुरूङ दाक्‍पोन नाङ ङ्योम्‍बुराङ डिक्‍ला देता थुप्‍क्‍यो। थेमे परमेश्‍वर फुज्‍युङ येशू थे खोरोङ ज्‍यान बिन्‍ला स्‍यिजीन थे जीउदुकी थेन्‍दाते ठागी खित्‍सादु ङुरूङ पाप गाङे माफ ओङगो।