१ कोरिन्थी 10:1 - जिरेल1 आज्यो न्वावे, ङुरूङ ज्युज्यु पुर्खाला परमेश्वरगी मिश्रदुकी तेन्ला खुलाङजीन थेबा ख्याम्बा फाप्च्येते लाम तेन्दाला थेबे गोमा गोमा मुक्पा ताङा ओतान। थेमे थेबा गाङेला छ्याःङ मेलेबा ओङ मुज्युता खाईन समुन्द्र तेन्गीन खुलाबा ओतान। दि बात ख्योकोनगी टोक माज्येत। အခန်းကိုကြည့်ပါ။ |
१ कोरिन्थी 10:1
29 ပူးပေါင်းရင်းမြစ်များ
आज्यो न्वावे, पालोताङ पालो ङा ख्योकोन ओत्सापा ओङा चालाप। ङे ढाँर खाबाते मेन। तर जति खासीनोङ थोरूमसाक ङा थेपा ओङा माथुप्सुङ। ज्येन ठाउँकी ज्येन ज्येन जातकी मि नाङ च्योकराङ खाला थेपाङ गा लाङच्येते बात लोपा ङेत्सीन मिओनगी येशूला विश्वास खित्च्या ओतान सिन ङा ख्योकोन ओत्सापा ओङा चालाते ईन।
थे चिनुनी अब्राहामगी तिरीकामा जोबा ओतान। थेकी परमेश्वरला विश्वास खाबेकी परमेश्वरगी थेला दोषी मेन साबाते बात साँचो ईन सिराला थे खतकी चिनुचेन छाप ग्यापा च्योकराङ ओङसुङ। बात दोक ईन्देकी अब्राहामचेन खतकी चिनु माजोबाते तर खोपरोङगी खाबाते पाप परमेश्वरगी माफ खिओ सिन थेला विश्वास खित्कान्ते ज्येन ज्येन जातकी मितेङ ज्युज्यु ओङसुङ। थोगी थे खोरोङला विश्वास खित्कान्ते ज्येन ज्येन जातकी मिलाङ परमेश्वरगी अब्राहामला च्योकराङ खाला दोषी मेन सिओ।
थेमे इस्राएलीओन सा कोम्बोलाराङ ख्याम्गीन लाल समुन्द्र थेन्दा ओतान। परमेश्वरगी खोपरोङला थे समुन्द्रदु नुप मुज्युता खाला फारकेनपा देन्ग्यो सिन थेला विश्वास खाबेकी थेबा ख्याम्च्ये लामदु छ्यु काम्बा ओतान। तर थेपा थेन्दा छोल्कान्ते मिश्रीओनलाचेन समुन्द्रे छ्यु वाकीन गाङेला उरगीन खेरा ओतान।
ကြော်ငြာတွေ