१ कोरिन्थी 1:30 - जिरेल30 परमेश्वरगी खित्सादुकामा ख्योकोन येशू ख्रीष्टताङ जीउज्यीकराङ ओङाते ईन। येशू ख्रीष्टला ताला परमेश्वर चुक बुद्धि पुरे खाला काम खित्कान्ते ईन्दे सिन छ्या स्येक्यो। च्यि सासीन ख्रीष्टकी खित्सादु परमेश्वरगी ङुरूङला दोषी मेन सिओ, थेकी ङुरूङ सेम खुदुक जोबा ओत थेमे ङुरूङला पापकी सजायदुकी टाला ओत। အခန်းကိုကြည့်ပါ။ |
१ कोरिन्थी 1:30
76 ပူးပေါင်းရင်းမြစ်များ
खेराङ ज्युज्यु पुर्खाताङ ख्योकोनगी होदोक्ते काम खिओ सिन थे खोरोङ बुद्धिकी परमेश्वरगी गोमाका छ्या स्येबा ओतान। थेमे थेकी ‘ङा ङे बात खित्कान्तेबा थेमे ज्येनोङ ङाराङगी खटे खाबाते मिओन मि नाङ तोङगो। तर मिओनगीचेन ङे ताङाते मिओन नाङ कोईला सेत्क्यो, कोईला आउदी दुक्पा बिन्ला उरला तोङगो,’ सिन साबा ओतान।
थेबा पापताङ लोभदुकी ठाल्ला परमेश्वर नाम्दाकला देता ङेत्स्यीत, दोक खाला शैतान लाःक्तुकी ठोल्ला परमेश्वर छ्य्वापा लै खित्स्यीत सिन खुई थेबाला ङे बात छ्या स्येबा खाला तेरा फाप्क्यो। थेमे थेबेकी ङाला विश्वास खानामेई परमेश्वरगी थेबे पाप गाङे माफ तेरग्यो। थेमे परमेश्वरगी सेम खुदुक जोबाते मि ज्येनतेबेकी ङेत्च्येते जति गाङे थेबेकीङ ङेत्क्यो,’ सिन सिरा थोसुङ।
च्यिला सासीन परमेश्वरगी चुक खाला मिओनला दोषी मेन सिते थेमे येशूला विश्वास खित्कान्ते मिलाचेन विश्वास खाबेकी खित्सादु परमेश्वरगी दोषी मेन सिओ सिन गा लाङच्येते बातलाराङ साबा ओत। बात दोकराङ ईन सिन परमेश्वर बातला “थे खोरोङला विश्वास खित्कान्ते मिला परमेश्वरगी दोषी मेन सिओ। थेमे थोक्ते मिकी नोमुङ मिसिन्च्येते जुनी ङेत्क्यो,” सिन साबा ओत।
ईन्दाका ङुरूङोङ थोरूमसाक दुक्पालाराङ देता फापा ओतेकी ङुरूङ सेमलाङ ढुक्क मेत। परमेश्वरगी ङुरूङला थे खोरोङ आत्मा बिन्दा ओतेकी थेकी खिओ साबाते ज्येनोङ था गाङे साबा च्योकराङ खिओ। परमेश्वर आत्मा ङेता ओत्सीनोङ परमेश्वरगी ङुरूङला स्या फाप्सादुकी टाल्ला दि जीउ खुदुक जोला थे खोरोङ धर्म-पुत्र सिन थे खोरोङताङ ज्य्वाच्येते दिन नामराङ लेबोङा सिन ङुरूङ गुकीन देता ओत।
ङा दि चिट्ठी कोरिन्थ सारदु जम्मा ओङकान्ते परमेश्वर मिओन ख्योकोनला टिगीन ओत। येशू ख्रीष्टकी खित्सादु परमेश्वरगी ख्योकोन सेम खुदुक जोकीन थे खोरोङ सन्तान ईन सिन छाने खाबा ओत। दुरू टिबाते बातचेन ख्योकोन च्योकराङ प्रभु येशू ख्रीष्टला प्रभु सिन सिरकान्ते गाङेपे मिलाङ ईन। येशू ख्रीष्टचेन थेबेतेङ ङुरूङतेङ मालिक ईन।
च्यि सासीन लो च्युप्स्यी गोमे बात ईन। ख्रीष्टला विश्वास खित्कान्ते मिज्यीकला ङा लेमु खाला छ्या स्येक्यो। थे मिला टेप तुकीन स्वर्गने परमेश्वर देत्सासाकराङ खेरसुङ। ईन्दाका थेलाराङ थेने खेराते ईन्दा ना ठामासोमुला मिलाम खित ज्युताच्योक खाईन थेने खेराते ईन्दा ङाला छ्याःङ छ्या मेत। दि बात परमेश्वरलाकामा छ्या ओत।
परमेश्वरगी सा नाम जोजीन “मुन्दाकते ठाउँदु नाम्दाक ओङस्यीत,” सिन साबा ओतान। होथोक सिरकान्ते परमेश्वरगीराङ मुन्दाकते ठाउँदु नाम्दाक ओङ च्युताच्योक खाईन थे खोरोङ सु ईन्दे थेमे थेत्ताङ चुक छ्येज्यीक शक्ति ओते सिन ङुरूङला छ्या स्ये च्युत्सुङ। दि बात ङुरूङगी ख्रीष्टला ताकीन छ्या स्येबाते ईन।
तर ख्रीष्टकीचेन परमेश्वर नियमला तोके खाबाते परमेश्वरगी ङुरूङला सराप बिन्ला तेरच्येते सजाय थे खोरोङगीराङ भोगे खाईन स्यिइन ङुरूङला थे सजायदुकी टाल्सुङ। दोक खाईन ङुरूङ साटोला परमेश्वरगी थेला सराप बिन्गीन सजाय बिन्दाते ईन सिन परमेश्वर बातला “स्यिङगी थामला टाँए खाबाते मिचेन परमेश्वर सराप लै खाईन सजाय ङेत्कीन स्याप्ते ईन,” सिन टिबा ओत।
थे खोरोङगी तोके खाबाते ठीक समय छाङनामेईचेन गोमामेईराङ येशू ख्रीष्ट छ्य्वापेकी खिओ सिन थे खोरोङगी खिता चालाते काम थेकी खासुङ। दि काम च्यि ईन्दे सासीन स्वर्गने ओताते ईन्स्यीत, पृथ्वीदु ओताते ईन्स्यीत, जो ईन्सीनोङ जे ईन्सीनोङ गाङेला येशू ख्रीष्ट छ्य्वापेकी डिक्पा खाला थे अधीनलाराङ ज्य्वाच्येते ईन।
ङुरूङगी परमेश्वर आत्मा ङेता ओतेकी परमेश्वरगी तिरी ङुरूङला तेरग्यो सिन साबा ओताते जति गाङे ङेत्क्यो सिन ङुरूङगी छ्या स्येक्यो। थेकी थे खोरोङ मि गाङेला पूरो खाला पापदुकी टाल्ला थे खोरोङताङ देत ज्युत्जीन थेकी ङुरूङला तेरग्यो सिन साबा ओताते जति गाङे ङुरूङगी ङेत्क्यो। थेकी खाबाते होदि गाङे काम ताला थे चुक अचम्ब खाला काम खित्कान्ते ईन्दे सिन ङुरूङगी थेते जय जय खिता थुप्स्यीत सिन परमेश्वरगी होदि गाङे काम खाबाते ईन।
थेमे परमेश्वरगी ङाला ख्रीष्टताङ लेमु खाईन डिगीन देताते थोङस्यीत सिनराङ ङे होथे गोमे बाततेबा विचारराङ खिता ताङाते ईन। परमेश्वर नियम ङेन्गीन धर्म कर्म खाबेकी खित्सादु मेन, बरू ङा ख्रीष्टला विश्वास खित्कान्ते मि ईन सिन थाचेन परमेश्वरगी ङाला दोषी मेन सिन सिओ। च्यिला सासीन परमेश्वरगी मिकी खाबाते काम ताला मेन्देकी ख्रीष्टकी खाबाते काम ताला थेला विश्वास खित्कान्ते मिओनला दोषी मेन सिन सिओ।
थेमे खेराङगी ख्रीष्टकी बात झन झन लेमु खाला छ्या स्येबा थुप्स्यीत सिन थे बात ख्योकोनगी सेमगी नाङ गुने खिनराङ देत। चुक सासीन परमेश्वरगी बिन्दाते बुद्धिकी ख्योकोनगी थे बात खेराङ नाङ लोप्कीन देत, थेरू साबा च्योकराङ खिन देता फाप्क्यो सिन दोक्पोईकी ज्येनज्यीकला सिनराङ देत। थेमे परमेश्वरगी खेराङला चुक दया खासुङा सिन गा खिन थेला धन्यवाद सिनकामा खेराङ नाङ भजन लिन्च्येते, परमेश्वरला छ्ये जोच्येते लु लिन्च्येते थेमे परमेश्वर आत्मेकी लिन च्युताते ज्येनोङ लु लिन्च्येते खि।
थेमे सेमला ढुक्क लोङकान्ते परमेश्वरगी ख्योकोनगी मेलेबाते कामताङ बात सिराते छ्याःङ मिक्किस्यीत सिन ख्योकोन सेम खुदुक जोइन देत्स्यीत थेमे ख्योकोन आत्मा, सेम थेमे जीउ जेसुकैला लेमु खाला तेइनराङ देत्स्यीत। दोक खाला था ङुरूङ प्रभु येशू ख्रीष्ट ग्युरला ओङे छोमु ख्योकोन छ्याःङ दोष मेताते मि ओङस्यीत सिन ङ्योकोन प्रार्थना खिओ।
थे खोरोङगी गोमामेई खिता चाला च्योकराङ खाईन आबा परमेश्वरगी ख्योकोनला थे खोरोङ मि सिन छाने खाबा ओत। ख्योकोनगी येशू ख्रीष्टकी खि साबा साबा ङेन्स्यीत सिन परमेश्वर आत्मेकी ख्योकोन सेम खुदुक जोबा ओत। थेमे येशू ख्रीष्ट स्यिजीन थे जीउदुकी थेन्दाते ठागी खित्सादु ख्योकोन पाप माफ ओङा ओत। आबा परमेश्वरताङ प्रभु येशू ख्रीष्टकी ख्योकोनला झन झन दया खाला लेमु खिनराङ देत्स्यीत।
दि चिट्ठी टिक्कान्ते ङा शिमोन पत्रुस ईन। ङा येशू ख्रीष्ट काम खित्कान्ते थेकी खटे खाबाते मि ईन। ङा दि चिट्ठी जे खित्जीनोङ ठीक खाला खित्कान्ते ङुरूङला पापदुकी डेल्कान्ते येशू ख्रीष्टकी खित्सादु ङेराङ च्योकराङ पक्का खाला थेला विश्वास खिता ङेताते मिओनला टिगीन ओत। येशू ख्रीष्टराङ ङुरूङ परमेश्वर ईन।
येशू ख्रीष्ट स्वर्गनेकी देमा वाकीन छ्युला स्यूला लिन्च्येते बप्तिस्मा लाबा ओतान। थेमे ङुरूङ लाईदु थे खोरोङ ज्यान बिन्गीन स्या ओतान। थेकी छ्युला स्यूकीन बप्तिस्मा लाबातेकामा मेन, थे खोरोङ ज्यानराङ बिन्गीन स्या ओतान। दि बाततेबा परमेश्वर आत्मेकी ईन सिन सिओ। परमेश्वर आत्माचेन साँचोते बात खित्कान्ते ईन।
थेबेकी नोमुङ थे जन्तु छ्य्वापा लै खित्च्येते थेमे मेलेबा काम खित्च्येते माक्यासुङ। थेबाचेन कर्नेते फेम्मे फिजा च्योकराङ चङगेते ईन। लुई रीउ जता जता डुइदुक थेबा थे तिङ ङ्याला ख्याम्गीन देत्क्यो। मि नाङदुकी पापकी सजायदुकी टालाते होदिबाचेन परमेश्वरताङ लुई रीउला चढे खाबाते साम्बाते बाली च्योक्ते ईन।
ကြော်ငြာတွေ