थेबेकी चुक साबा ओताने सासीन ‘ङे बातला ईनराङ मेन सिन खिस्यी खित्कान्ते मिवे, लेमु खाला ङेन। ङा ख्योकोन नाङ कामज्यीक खिओ। थे काम च्यि ईन्दे सिन सुइँदेकी ख्योकोनला लेमु खाईन लाप्कीन बिन्सीनोङ ख्योकोनगीचेन परमेश्वरगी थोक खाबाते ईनराङ मेन सिन पत्ते मिक्किओ। थोगी ख्योकोन गाङे सजाय ङेत्ला स्यिइओ,’ सिन परमेश्वरगी साबाते बात टिबा ओतान,” सिन सिदुक।
१ कोरिन्थी 1:18 - जिरेल18 बात चुक सासीन ख्रीष्ट मिओनला पापकी सजायदुकी डेलाला स्यिङगी थामला टाँए खाईन स्याप्ते ईन सिरजीन तिरी नरककुण्डमा स्यूक्कान्ते मिओनगीचेन दि लेम्बे बात ईन सिन पत्ते मिक्किओ। दोक ईन्सीनोङ परमेश्वरगी पापकी सजायदुकी टालाते मि ङुरूङगीचेन ख्रीष्टकी खाबाते थे काम ताला परमेश्वर शक्ति चुक छ्ये ईन्दे सिन छ्या स्येबा थुप्क्यो। အခန်းကိုကြည့်ပါ။ |
१ कोरिन्थी 1:18
21 ပူးပေါင်းရင်းမြစ်များ
थे मि रूक्सादु इपिक्युरीताङ स्तोइकी सिरातेन्दे पाटी गुरूओनोङ ओतान। पावलगी लापाते येशू बात थेमे स्यिनामेकी याङराङ सोम्बो लोइओ सिरच्येते बात थोजीन थेत्ताङ छलफल खिन थेबे नाङ लालेकी “दि फतफते बादोङ च्यि ङेन्च्ये?” सिन सासुङ। लालेकीचेन “दिकी ज्येन लुङबे ल्हे बात खित्च्या ईन्दा च्यिन्दा,” सिन सासुङ।
गा लाङच्येते बात लोपाला ङाला सुङताङ छ्याःङ ङोचा मालाङदुक। च्यिला सासीन दि बातला परमेश्वरताङ चुक छ्येज्यीक शक्ति ओते सिरच्येते बात ओत। दि बात ङेन्ला येशूला विश्वास खित्कान्ते मिबरी गाङेला परमेश्वरगी पापदुकी डेल्ग्यो। दि पापदुकी डेल्च्येते काम परमेश्वरगी गोमा यहूदीओनला खासीनोङ ज्येन ज्येन जातकी मिलाङ खिओ।
दोक खाईन आउदी बुद्धि पुरे खाला काम खित्कान्ते परमेश्वरगी दि सा लुङबे मिओनगी जति बुद्धि खिये खासीनोङ खोपरोङ बुद्धिकी थेला छ्या स्येबा मुथुबो सिन तेन्गीन बिन्दा ओत। मिओनगी लेम्बे बात ईन सिरच्येते ङ्योकोनगी लोप्च्येते बातराङ मिओनगी ङेन्स्यीत थेमे दि बात ङेन्ला येशूला विश्वास खित्कान्तेबाला पापकी सजायदुकी डेल्ग्यो सिन परमेश्वरगी टुङ्गो खाईन दोक खिताराङ थेला लेमु लासुङ।
परमेश्वर आत्मा ङेता मेताते मिओनगीनी परमेश्वर आत्मेकी लापाते बातओन ङेनराङ मेङेनो। दोक्ते बातनी थेबे लाईदु कामराङ लै मिक्किच्या लेम्बे बात च्योकका ओङगो। परमेश्वर आत्मे छ्य्वापेईकामा थे बात चुक्ते ईन्दे सिन छ्या स्येबा थुप्च्येते ईन्देकी परमेश्वर आत्मा ङेता मेताते मिओनगी दोक्ते बात छ्याःङ खोबाराङ मुथुबो।
ख्रीष्टकी मि ईन्देकी ङ्योकोनचेन छ्याःङ मेस्येकान्ते लेम्बाते मि च्योक ओङा ओत। तर ख्रीष्टकी खित्सादु ख्योकोननी आउदी च्याङबो गाल्दुक। थेमे ङ्योकोन छ्याःङ खिता मुथुप्कान्ते मि ईन। ख्योकोनचेन जेङ खिता थुप्कान्ते ईन। थोकराङ खाला मिओनगी ङ्योकोनला दिबाङ सु ईन्देरो सिराच्योक खिदुक। ख्योकोनलाचेन गाङेकी मान खिओ।
च्यिला सासीन ङ्योकोनगी लोप्च्येते गा लाङच्येते बातचेन मि बातकामा मेन्देकी थे बातकी छ्य्वापेई परमेश्वरगी ख्योकोन नाङ छ्ये छ्ये शक्ति काम खासुङ। थे बात पक्काराङ सत्यते ईन सिन परमेश्वर आत्मे छ्य्वापेई लेमु खाईन छ्या स्येबेकी ङ्योकोनगी थे बात ख्योकोनला लेमु खाईन लोपा थुपाते ईन। थेजीन ख्योकोनताङ देत्जीन ख्योकोनला लेमु ओङस्यीत सिन ङ्योकोनगी चुक चुक खाबा ओताने सिन ख्योकोनला गाङे छ्या ओतेकी ङ्योकोनगी छ्याःङ सिरा माफाप्तासीन।
दोस्यिककामा मेन, दोक्ते ज्येनोङ मेलेबा मेलेबा काम खाला थेकी नरककुण्डमा स्यूक्कान्ते मिओनला मिकला छारो ग्याप्ला थे खोरोङ छ्य्वापा लै खित ज्युत्क्यो। थे मिओनगी सत्यते बात ङेन्दा सेम माक्याबेकीराङ थेबा नरककुण्डमा स्यूक्च्येते ईन। सत्यते बात ङेन्दा सेम खाबा ईन्सीनचेन परमेश्वरगी थेबाला पापदुकी डेल्च्या ओतान।
दोक दोक खित्जीन येशूकी चुक चुक खासुङा सिन टोक मेज्येता खाला थेलाराङ तेइन देता फाप्क्यो। परमेश्वरला चुक खाला विश्वास खित्च्ये सिन तेन्ला तेरकान्ते थेराङ ईन। थेकी खित्सादुराङ ङुरूङ जुनी खाङराङ परमेश्वरला विश्वास खिन देता थुप्क्यो। स्यिङगी थामला टाँए खाला सेत्च्येते बात मि ङोन्ला आउदी मेलेबा ईन्सीनोङ तिरी आउदी गा खिता ङेत्क्यो सिरच्येते बात सेमला ज्यागीन मिओनगी दुक्पा बिन्दाते गाङे खपे खिन स्यिङगी थामला टाँए खाला स्याप्लाङ थेकी छ्याःङ ङोचा माक्यासुङ। थेमे थे गाल्गीन परमेश्वर देत्च्येते सिंहासन सामे छ्य्वापा देता ओत।
च्यिला सासीन परमेश्वर बातकी छ्य्वापेई मिओनगी जुनी ङेत्क्यो। दि बातकी छ्य्वापेकी परमेश्वरगी मि नाङ काम खिओ। ठाउँ ङिकारपा धार खाबाते आउदी नोम्बोते तरवारगी मिला रोपे खासीन दोन्नापेई ल्हाकनापासाकराङ फोत तोला थुप्क्यो थेमे रूबाताङ जोर्नीतेबा टाल्ला नाङदु ओताते काङ समेत देन्दा थुप्क्यो। होदोक्ते तरवार भन्दाङ परमेश्वर बातकी छ्य्वापेई परमेश्वरगी खित्च्येते काम खापान खापान छ्ये ईन। दि बातकी छ्य्वापेईराङ सुइँदेकी खाबाते कामताङ बात मिकी दाक्पोनगी खाबाते ईन्दाना परमेश्वर आत्मेकी खित च्युताते ईन्दे सिन डेला थुप्क्यो थेमे सुई च्यि विचार खिन दुका, मि सेमगी नाङ लेमु मेलेबा चुक दुका सिनोङ गाङे लेमु खाला डेला थुप्क्यो।
ကြော်ငြာတွေ