Tite 3:3 - Jɔ Biibili ki

³ Sabu fɔlɔfɔlɔ yibɛɛ yɛrima kiri wuru ɲakili bali li i, niŋ fa Kirinŋ wulu pabali li i, yi i ji koŋ fɔnimaan ni i. Yibɛɛ wuru firi ki dintɛ bi jɛ kiri fa ɲaannabyɛ kwuru ki bataa wɔ joŋ ni i, yi i ji wuru koŋ juumaan ni fa koŋ ɲaannajuutɔnŋ ni i. Yibɛɛ bikwɔ wuru konaŋ kiri sun, yibɛɛ yɛrima kiri i yi yɛri bikwɔ-ri yimaŋ sun sɛbɛ.

Tite 3:3 ပူးပေါင်းရင်းမြစ်များ

Matiyu 21:29

Daŋ ki tu : ‹ Míŋ a ta kì. › Nka kɔɔtɛ, niŋ daŋ ki i na ntɔri bi, wú i tiri baara ki ma ji ki ru.

Luki 21:8

Yesu tu kí tɛ : « Á á ɲakili tu á yɛri ra, nwɔma koŋ fa na á sunnɛɛn, ntiŋ i á bo fɔni saa sun kì. Sabu, koŋ mwɔɔnna a na na, kí i míŋ tɔ ye arì yɛri ra, tu arìbɛɛ míŋ yɛrima ki i, tu juniɲa kɔ waaci ki so. Á fa bili nini na kì, á fa na ǹʼpa kí cɛfan kì.

Yuhana 8:34

Yesu i kí rupwulu tu : « Sɛli sɛli ki ra, koŋ finŋ woo finŋ i bijɛ ki ma-a, nintiŋ i bijɛ ki wɔ joŋ i.

Ɔrɔmutɔnŋ kiri 11:30

Ábɛɛ yɛrima kiri wuru Kirinŋ wulu pa-a sun kì, nka Kirinŋ ábɛɛ sunmakwulupa-i dɔnsaŋ, kíbɔɔ Kirinŋ wulu pabalibi ki bira.

Ɔrɔmutɔnŋ kiri 6:12

Niŋ na, á fa á firi beeni wɔ ki tu bijɛ ki wɔ jonbi ki ru kili kì. Á fa á tu niŋ firi ki dintɛ bi kiri ra kili kì.

Ɔrɔmutɔnŋ kiri 6:17

Nka, yi Kirinŋ co, sabu ábɛɛ wɔ̀ri wuru bijɛ ki wɔ jonbi ki ru sun, ábɛɛ kali-i sɛli wɔ̀ ra, ábɛɛ á kulu-i niŋ sɛli ki tɛ, á ciiru ki bataa wu.

Ɔrɔmutɔnŋ kiri 6:22

Nka dɔnsaŋ, ábɛɛ po san-i bijɛ ki wɔ jonbi ki ru, á i ji Kirinŋ wɔ joŋ ni i. Nafan wɔ̀ i kila-a niŋ nu, niŋ i wɔlɔnbi i, ninwɔ̀ i rakɔ-a ɲaninkulutɔnbi kɔbali ki wu.

Ɔrɔmutɔnŋ kiri 6:6

Yibɛɛ ǹʼtɔ-i tu yibɛɛ sɔŋ bwuumaan ki fa Kirisa kpinkpi suu ki sun, nwɔma niŋ bijɛ ma firi ki faan ki i kɔ, yibɛɛ fa ji bijɛ ki wɔ joŋ ni i kili kì.

Korɛntitɔnŋ kiri (2) 12:20

Míŋ i kɛni-na, ńʼtu míŋ fa na ta fa ábɛɛ wu ɲaan ki bɛɛ tɛ, nwɔ̀ a fu míŋ sun kì, walima ábɛɛ na ta míŋ ja ɲaan ki bɛɛ tɛ, nwɔ̀ a fu ábɛɛ sun kì. Míŋ kɛni-na ńʼtu míŋ fa ta fa kari myɛɛnniŋ wu ábɛɛ faninmwuŋ kì, niŋ fa ɲaannajuubi, niŋ fa tɔnkwulubi, niŋ fa fyikatinbi, niŋ fa maŋ tɔlimaanna ni, fa maŋ tɔ bimaanna, niŋ fa yɛri ragbɛmaanna, ŋì i bo bi ɲaanmimaan tɔri ri sun.

Galasitɔnŋ kiri 6:3

A konwɔtiŋ ji a yɛri pari-ra koŋ pyɛ kiri wu, niŋ i faa ntiŋ finŋ tɔri i kì, nintiŋ i a yɛri sunnɛɛn-na.

Kɔlɔsitɔnŋ kiri 1:21

Á ǹʼtɔ tu ábɛɛ yɛrima kiri maŋ nari-ri Kirinŋ na sun, ábɛɛ wuru Kirinŋ ɲa ni i, áwɔ ɲakilila jɛ kiri fa áwɔ bi kulinŋ kiri bira.

Kɔlɔsitɔnŋ kiri 3:7

Ábɛɛ yɛrima kiri wuru niŋ bi bishi kiri ma-a sun, áwɔ ɲaninkulutɔnbi ki ru.

Timote (2) 3:13

Nka, koŋ juumaan kiri fa daalintiŋ kiri ra na ǹʼbɛɛ bo-ri arɔɔ bijɛ kiri sun, kí i konaŋ ki fɔni-ni, miŋ tu kí yɛrima kiri fɔni-i ɲaan wɔ̀ tɛ.

Timote (2) 3:6

Niŋ koŋ kiri bɛɛ ri i de-a kaniŋ kiri sun, kí i mari ciiru ɲakili lakurumaan kiri bɛɛ ri sunnɛɛn-ni, arɔɔ kalinŋ kiri wu, fɔ kí i ǹʼbɛɛ ri kila-ri. Niŋ mari bishi kiri i bijɛ ki wɔ joŋ ni i, nwɔ̀ri i cɛɛn-na arì firi ki dintɛ bi kwuru ki bataa cɛfan.

Tite 1:16

Kí i arì yɛri ji-a Kirinŋ tɔtɔnŋ ni i, niŋ i faa kí mabi kiri i ǹʼji-ri tu niŋ sɛli i kì. Kí Kirinŋ dintɛ bi ri ma-a kì, kí bikwɔ-i Kirinŋ sun, niŋ ɲaan ki tɛ, kí so-a shɔɔrinŋ dantenŋ ma-i kì.

Tite 2:12

Ǹʼyɔ yibɛɛ kali-la tu yi Kirinŋ jɛŋ kɛnibali bi kiri tɔnbo, yi i yi kɔɔye ka juniɲa ka dintɛ bi jɛ kiri ra, nwɔma yibɛɛ i so tirika shɔ-i ka jiŋ sunŋ ka ru, ɲakilitinbi fa fɔɔbi fa Kirinŋ jɛŋ kɛmi wu,

Yakuba 1:26

A konwɔtiŋ ǹʼbi tu afɔɔn dinɛbi ki gbɛ, ntiŋ dumiŋ so-a a nɛninɛŋ ki ra kì, nintiŋ i a yɛri sunnɛɛn-na, ntiŋ wɔ dinɛbi ki i fwuu u.

Pyɛɛri (1) 1:14

Á Kirinŋ wɔ wulu ki pa. Waarinŋ wɔ̀ ru, ábɛɛ wuru Kirinŋ tɔ-a kì, sɔŋ jɛ wɔ̀ wuru ábɛɛ ru, niŋ bishi fa ja á ru kili kì.

Jafinŋ ki 12:9

Daragɔnŋ ki i kwɔ po taanna. Mìnki wuru myɛɛn ki i fɔlɔfɔlɔ, ŋì i dɔri-ri sɛbɛ tu ɲinijɛ walima shitaanni. Mìnki i pwɔkulinŋ sun konaŋ kiri fɔni-na. Niŋ fa awɔ mɛlɛkɛn kiri i kee bo pwɔkulinŋ ki sun.

Jafinŋ ki 13:14

Faan wɔ̀ wɔri-i ǹʼtɛ, ŋì i niŋ botɔnsunbi kiri ma kpalinŋ jɔnɔ ki ɲaanfɛ, niŋ i pwɔkulinŋ sun konaŋ kiri mwɔɔnna fɔni. Kpalinŋ wɔ̀ sunmɛni wuru baamwuru ki ra, ŋì i na kene, ka kpalinŋ ka i ǹʼbi pwɔkulinŋ sun konaŋ kiri tɛ, tu kí niŋ miniŋ ki ramɔni arì tɛ, tu kí i ǹʼtɔ ki gbɛ-ri.

Jafinŋ ki 18:2

Ŋì i fali faan wu tu : « Babilɔni sinaŋ ki fɛɛn-ɛ, ǹʼfɛɛn-ɛ! Ǹʼji-i ɲinijɛ ri sɔɔmaŋ i, ɲini nɔɔmaan kwuru ki bataa radumaŋ i, niŋ fa ɲaannaanŋ jɛ kiri fa kpalinŋ jɛ nɔɔnnijɛ kwuru bataa radumaŋ i, nini wɔ̀ri bikwɔ-i konanmini sun.