Tite 2:2 - Jɔ Biibili ki

² Ǹʼbi cɛɛnni kiri tɛ, tu kí arì yɛri paka ɲaantɔ, kí i ji koŋ sɔbɛ ɲakilitiŋ ni i. Kí ɲakili ki sɔɔmaan i ji-i bilinabi ki ru, bidintɛbi ki ru, niŋ fa kí i ji koŋ tɔnsunfilimaan ni i.

Tite 2:2 ပူးပေါင်းရင်းမြစ်များ

Maraka 5:15

Kí so-i Yesu maŋ ki ru waarinŋ wɔ̀ ru, ɲinijɛ mwɔɔnna kiri wuru koŋ wɔ̀ ru, kí i ta fa niŋ sɔɔ wu ntiŋ tɔntɛ, juulinŋ i ji ntiŋ sun, niŋ fa a ɲakili ki rafaamaan i ji-i. Kɛmi i de kí bataa ru.

Luki 8:35

Konaŋ kiri i po, kí i ta bi mamaan ki shɛɛli. Ɲinijɛ kiri po san wuru koŋ wɔ̀ ru, kí i ta fa niŋ sɔɔ wu Yesu tɔntɛ, juulinŋ i ji ntiŋ sun, niŋ fa ntiŋ ɲakili ki rafaamaan i ji-i. Niŋ na, kɛmi i de kí bataa ru.

Mabikiri 24:25

Kirinŋ i konanmini shɛɛli-la koŋ telimaan a ɲaan wɔ̀ tɛ, niŋ fa konanmini kakan-i ŋì i a yɛri pa bijɛ ki tɔntɛ ɲaan wɔ̀ tɛ, niŋ fa lahara kiti ki a ta ji ɲaan wɔ̀ tɛ, Pooli wɔ wulu kiri wuru nini ɲaanbi-a. Kɛnintiŋ Felikisi niŋ wulu kiri rama-i waarinŋ wɔ̀ ru, ntiŋ i kɛni, ntiŋ i ǹʼbi tu : « Jɔrɔkɔ ŋi i tiri sun, a míŋ na waarinŋ tɔri kila, míŋ a na miŋ dɔri sɛbɛ. »

Ɔrɔmutɔnŋ kiri 12:3

Kirinŋ shɔɔrinŋ wɔ̀ ma-i míŋ tɛ, ŋì i kɛɲɛ niŋ wu, míŋ i ǹʼceeli-la ábɛɛ tenŋ tenŋ ki gbɛ, ńʼtu ábɛɛ i nwɔ̀, á fa á yɛri ragbɛka jitan, ŋì i fwuu niŋ sun kì, nka á á yɛri sunjɛri. Kirinŋ bilinabi wɔ̀ wɔri-i ábɛɛ fɔn tenŋ tenŋ tɛ, á á yɛri tu niŋ kifinŋ ki ciiru.

Korɛntitɔnŋ kiri (1) 15:34

Á ɲakili kila, á i bijɛ ki tɔnbo. Sabu ábɛɛ ru, ǹʼbɛɛ ri Kirinŋ tɔ-a kì. Míŋ i niŋ bi-a, nwɔma ábɛɛ i ɲaankwun.

Korɛntitɔnŋ kiri (1) 9:25

Bili tantɔnŋ kiri bataa i arì yɛri pa-a bi kwuru mwɔɔnna kɛlina sun, nwɔma arì i niŋ jali lumɔrɔmɔrɔmaan ki kila, ninwɔ̀ ra kɔ. Nka yibɛɛ i yɔɔ bili ki tan-a, nwɔma yi i jali libali ki kila.

Korɛntitɔnŋ kiri (2) 5:13

Yibɛɛ i julutiŋ ni i wa? A yibɛɛ ji julutiŋ ni i ábɛɛ ɲaanna, Kirinŋ cɛfan bi yɛ. Nka ábɛɛ dumiŋ ji ǹʼtɔ-a tu yibɛɛ julutiŋ ni i kì, á ǹʼtɔ tu yibɛɛ ǹʼtɛ yi i ye ábɛɛ tɛ.

Galasitɔnŋ kiri 5:23

sawari, niŋ fa yɛri rasɔɔmaanna. Sariya tɔri tenŋ niŋ bi bishi kiri kari-ra kì.

Filipitɔnŋ kiri 4:8

Niŋ bataa kɔɔtɛ, míŋ tindaŋ ni, finŋ woo finŋ i sɛli i, gbɛbi i finŋ woo finŋ nu, finŋ woo finŋ teli-i, finŋ woo finŋ fɔɔ-ɔ, finŋ woo finŋ di-i Kirinŋ tɛ, finŋ woo finŋ tɔ shɔɔrinŋ po-i, finŋ woo finŋ shɔ-i niŋ fa tɔ shɔɔrinŋ i kila-a finŋ woo finŋ nu, á á ɲakili tu niŋ finŋ kiri bataa ra.

Tesalonikitɔnŋ kiri (1) 5:6

Niŋ ki ra, yi fa ɲinintan-ni miŋ tu koŋ pyɛ kiri kì. Yi tu yi ɲaanna, yi i yi ɲakili tu yi yɛri ra, yi ɲakili ki sɔɔmaan i ji-i waarinŋ bataa ru.

Tesalonikitɔnŋ kiri (1) 5:8

Nka yibɛɛ wɔ̀ri i suntɔnŋ sarinŋ ki nu, yi i yi ɲakili ki sɔɔ tenŋ sun. Bilinabi ki fa bidintɛbi ki ja yi ra, miŋ tu peejɛrɛbi. Yibɛɛ yi gbɛ bili-i mwubi wɔ̀ sun, niŋ i ji yɔɔ peebunfila ki i.

Timote (1) 1:10

niŋ fa nankulinŋ kiri fa shuru maŋ ceelitɔnŋ kiri fa joŋ jɔɔ tantɔnŋ kiri fa purubitɔnŋ kiri, niŋ fa shɛɛri jɛ wɔ̀ri i arì kɔni-na puru ki sun, niŋ fa bi finŋ woo finŋ i kalinŋ sɔbɛ ki sɔsɔ-a.

Timote (1) 1:14

Yibɛɛ Ŋuntiŋ ki shɔɔrinŋ sinaŋ ma-i míŋ tɛ, ŋì i bilinabi fa bidintɛbi de míŋ nu, nini wɔ̀ri i kila-a Yesu Kirisa wɔ tenbi ki ru.

Timote (1) 1:2

míŋ i ka sɛbɛ ka wɔri tiri-ra miŋ Timote tɛ, minwɔ̀ i míŋ daŋ sɛlɛsɛli i bilinabi ki ru. Yibɛɛ Tiŋ Kirinŋ fa yi Ŋuntiŋ Yesu Kirisa shɔɔrinŋ ma nʼtɛ, ŋì i nʼsunmakwulupa, ŋì i ɲaanfɛfili wɔri nʼtɛ.

Timote (1) 1:5

Ka cinŋ bimaan ka ŋuŋ ki i nwɔma bidintɛbi sɔbɛ i so kila-i, ninwɔ̀ i po-a ciiru fɔɔmaan fa ciiru shɔɔrinŋ nu, niŋ fa bilinabi sɔbɛ ru.

Timote (1) 3:11

Mari wɔ̀ri i jɛntɔnŋ ni i, mìŋ ɲaan tenŋ ki tɛ, nini kakan-i kí i ji mari sɔbɛ ri i, kí fa ji koŋ tɔ bitɔnŋ ni i kì. Kí i arì yɛri paka tɔ-ri, kí i ji kpeeri i, koŋ i bili-la nwɔ̀ri ra bi bataa ra.

Timote (1) 3:2

Niŋ ki ra, egilisi jɛntɔnŋ ki kakan-i ntiŋ i ji koŋ pɔlibali i, shuru wɔ̀ a teli-i awɔ mari ki tɛ, ntiŋ fa a ɲaniŋ bo mari tɔri ru kì, yɛri rasɔɔtɔnŋ i, koŋ ɲakilitiŋ i, ntiŋ i ji koŋ sɔbɛ ɛ, ntiŋ i ji jɛshi shɔɔrinŋ i, ntiŋ i so konaŋ ni kali-i.

Timote (1) 3:4

Ntiŋ i so-ri awɔ kaniŋ ki paka shɔ-i, ntiŋ daŋ kiri i ji daŋ ni i, nwɔ̀ri i arì jifinŋ kiri wulu pa-a gbɛbi wu.

Timote (1) 3:8

Egilisi ki ru cinŋ matɔnŋ kiri kakan-i kí i ji koŋ sɔbɛ ri i, kí fa ji wulufuulibitɔnŋ ni i kì. Kí fa ji lɔrutɛfɛ ri i kì, niŋ fa daalinŋ na jalinŋ ceelitiiri i kì.

Timote (1) 5:1

A miŋ ji bosomaan racin-a, fa wulu sunfuru bi ntiŋ tɛ kì, nka ntiŋ nacin miŋ tu nʼtiŋ. Ŋi i ɲɔrɔkɔ kiri pa miŋ tu nʼnarinshuru ri.

Tite 1:13

Niŋ wulu ki ji-i sɛli i, niŋ ki ra, jɛbi kí gbɛ kusɛbɛ, nwɔma kɔ́ɔ́ bilinabi ki i fɔɔ,

Tite 1:8

Ntiŋ i ji jɛ ri maritɔnŋ i niŋ fa bi shɔɔrinŋ bi i di ntiŋ tɛ. Ntiŋ i ji koŋ ɲakilitiŋ i, koŋ telimaan a, ntiŋ i ji wɔlinŋ i, ntiŋ i so-ri a yɛri paka shɔ-i.

Tite 2:7

Miŋ yɛrima ki ji ɲaanjitɔnŋ sɔbɛ ɛ, bi shɔɔrinŋ ma ki ra bi bataa ru. A miŋ ji kí kali-la, nʼciiru fɔɔ kí tɛ, niŋ fa ŋi i ǹʼji kí wu, tu miŋ sɔbɛ ra bi i.

Filimɔn 1:9

ǹʼdi-i míŋ tɛ, ŋí i miŋ nafɛ bidintɛbi ki baraka ra. Míŋ Pooli i mani wɔ̀ ru jiŋ, míŋ bwuubi so-i, ŋí i ji nkasudaŋ i Yesu Kirisa tɛ cinŋ ki bira.

Pyɛɛri (1) 1:13

Niŋ ki ra, á á cɛrukɔli, á i ji ɲakilitiŋ ni i, Kirinŋ a na shɔɔrinŋ wɔ̀ ma ábɛɛ tɛ, Yesu Kirisa na shikaŋ ki ru, á á gbɛbilimaŋ ki bataa ji niŋ i.

Pyɛɛri (1) 4:7

Finŋ fɔn bataa rakɔ ki waari myɛ kɔ, niŋ ki ra, á tirika shɔ, á i tu á i á ɲakili tu á yɛri ra, nwɔma á i tu Kirinŋ nafɛ ki ra.

Pyɛɛri (1) 5:8

Á i á ɲakili tu á yɛri ra, á i á yɛri paka shɔ, sabu ábɛɛ ɲa shitaanni ki i a maanni de-a miŋ tu jari bɛɛkɔni, nwɔ̀ i a kwɔɔn-na, ŋì i koŋ ceeli-li, ŋì a nwɔ̀ nu.

Pyɛɛri (2) 1:6

Á i yɛri rasɔɔbi ki bo Kirinŋ tɔbi ki sun, á i tɔnsunfili ki bo yɛri rasɔɔbi ki sun, á i Kirinŋ jɛŋ kɛmi ki bo tɔnsunfili ki sun.