Tite 1:3 - Jɔ Biibili ki

³ Ǹʼɲaanna waaci ki na-i so, ŋì i awɔ wulu ki ji konaŋ kiri wu awɔ Wulujii ki sunjomaanna ki wu, ŋì ninwɔ̀ biye-i míŋ gbɛsun, ŋì i kɛɲɛ yibɛɛ mwutɔnŋ Kirinŋ yɛrima ki wɔ cinŋ bimaan ki wu.

Tite 1:3 ပူးပေါင်းရင်းမြစ်များ

Maraka 1:15

Ntiŋ wuru ǹʼbi-a tu : « Kirinŋ wɔ waaci kubilimaan ki rafaa-a. Kirinŋ wɔ Masabi ki waari ki myɛ-i. Á ntɔri bi áwɔ bijɛ kiri ra, á i bili Wulujii ki ra. »

Maraka 13:10

Kirinŋ wɔ Wulujii ki kakan-i ŋì i so shiya kiri bataa sun bi ki bataa jɛŋ.

Maraka 16:15

Ntiŋ tu kí tɛ : « Á ta juniɲa mani ki bataa ru, á i ta Wulujii ki sunjo konaŋ ki bataa tɛ.

Luki 1:47

Míŋ ciirudi-i fɔ ŋì i so a daŋ na ńʼMwutɔnŋ Kirinŋ tɛ.

Mabikiri 10:36

Ŋì awɔ wulu ki wɔri-i Isirayɛli nupo ki tɛ, ŋì i ɲaanfɛfili Wulujii ki sunjo kí tɛ, kí a ninwɔ̀ kila Yesu Kirisa baraka ra. Niŋ Yesu ki i konaŋ bataa Ŋuntiŋ i.

Mabikiri 17:26

Ŋì pwɔkulinŋ bataa sun shiya kiri bataa po-i shuru tenŋ nu, ŋì i kí sɔɔ sɔɔ ta pwɔkulinŋ ki mani ki bataa ru, ŋì i daŋ sɔɔ kɔ́ɔ́ waaci kiri fa kɔ́ɔ́ mani kiri ra.

Ɔrɔmutɔnŋ kiri 15:19

niŋ fa awɔ taanmashɛ kiri fa awɔ kabakobi kiri wɔ sotinbi ki wu, Ɲiniwɔlinŋ ki wɔ sotinbi ki i nini wɔ̀ri wɔri-ra. Niŋ ɲaan ki tɛ, míŋ so-i Kirisa Wulujii ki sunjo-i mani bataa ru, ŋì i shi Yerusalɛmu fa a tonfan sɔɔta kiri bataa ra, ŋì i ta so fɔ Iliri kɛniŋ ki ru.

Ɔrɔmutɔnŋ kiri 16:25

Yi Kirinŋ gbɛ, so i ninwɔ̀ gbɛ, ŋì i faan wɔri ábɛɛ tɛ áwɔ bilinabi ki ru, ŋì i kɛɲɛ Kirinŋ wɔ Wulujii ki wu, míŋ i ninwɔ̀ sunjo-a Yesu Kirisa bi ki sun, ŋì i kɛɲɛ Kirinŋ wɔ gonto jimaan ki wu yibɛɛ wu. Niŋ gonto ki radumaan wuru nmaŋ, kabi juniɲa cɛtu ki jɛŋ.

Ɔrɔmutɔnŋ kiri 16:26

Nka, dɔnsaŋ cintɔnŋ kiri wɔ sɛbɛ kiri ǹʼpo-i taanna, ŋì i kɛɲɛ waarinŋ bataa ru Kirinŋ wɔ cinŋ bimaan ki wu, wulu i bi shiya kiri bataa tɛ niŋ gonto ki bi sun, nwɔma kí bataa i bili ǹʼna, kí i ǹʼwulu pa.

Ɔrɔmutɔnŋ kiri 5:6

Sɛli ki ra, waarinŋ wɔ̀ ru yibɛɛ wuru baraka bali li i, Kirinŋ wɔ waaci gbɛbilimaan ki so-i, Kirisa i beeni Kirinŋ jɛŋ kɛnibali kiri bira.

Korɛntitɔnŋ kiri (1) 9:17

A ǹʼji wuru tu míŋ baara ka ɲaannashi-ri ńʼdintɛ bi ra, míŋ wuru-ra sali ceeli-li ǹʼnu. Nka baara ki biye-i míŋ gbɛsun, ǹʼma ki i faan a.

Galasitɔnŋ kiri 4:4

Nka waaci bimaan ki na-i so waarinŋ wɔ̀ ru, Kirinŋ a Danshuru ki cin na-i. Mari i ǹʼji, ŋì i a kulu sariya ki tɛ,

Efɛsitɔnŋ kiri 1:10

Ŋì i ǹʼgbɛbili wuru-i, tu waaci kiri na nafaa waarinŋ wɔ̀ ru, tu afinŋ a na pwɔkulinŋ sun finŋ kiri fa kirinpɔli la finŋ kiri bataa rakɔli, a i Kirisa ji yìrì ŋununtiŋ i.

Efɛsitɔnŋ kiri 2:17

Niŋ ɲaan ki tɛ, ntiŋ na-i ɲaanfɛfili wulu ki sunjo ábɛɛ mani narimaŋ nu tɔnŋ kiri tɛ, ntiŋ i ǹʼsunjo kpeeri tɛ, nwɔ̀ri myɛ-ɛ.

Filipitɔnŋ kiri 1:13

Niŋ ɲaan ki tɛ, masa ki wɔ kubi ki ru tɔnŋ kiri fa koŋ tɔri kiri bataa ǹʼtɔ-i, tu míŋ kɔli bo nkasu ru jɔlɔkɔ ra Kirisa tɔ ki bira.

Kɔlɔsitɔnŋ kiri 1:23

Nka niŋ fa a fɔn na, á á cɛrukɔli tu bilinabi ki ru. Ábɛɛ gbɛbilimaŋ wɔ̀ kila-i Wulujii ramamaan ki bira, á fa ncusun finŋ dantenŋ i á ɲakili ki ɲaanmi san niŋ sun kì. Ábɛɛ niŋ Wulujii ki rama-i, ŋì i ji sunjo juniɲa nu konaŋ bataa tɛ, míŋ Pooli i ji ǹʼnu baara matɔnŋ i.

Kɔlɔsitɔnŋ kiri 1:6

Niŋ Wulujii ki so-i ábɛɛ tɛ, miŋ tu ǹʼso-i juniɲa bataa tɛ ɲaan wɔ̀ tɛ, ŋì i tiri-ri jɛŋ. Ǹʼyɔ mìŋ ɲaan tenŋ ki tɛ ábɛɛ faninmwuŋ, kabi ábɛɛ Kirinŋ wɔ shɔɔrinŋ wulu ki rama-i, á i ǹʼsɛli ki tɔ.

Tesalonikitɔnŋ kiri (1) 2:4

Yibɛɛ i Kirinŋ wɔ Wulujii ki bi-a, ŋì i kɛɲɛ Kirinŋ dintɛ bi ki wu, sabu Kirinŋ yibɛɛ sunsunu-i, ŋì i bili yi ra, ŋì i awɔ Wulujii ki biye yi gbɛsun. Niŋ ɲaan ki tɛ, yibɛɛ i ǹʼbi-a, nwɔma yi bi i di konaŋ ni tɛ kì, nka yibɛɛ i ǹʼbi-a, yi i yi yɛri bidi Kirinŋ tɛ, ninwɔ̀ ki i konaŋ ciiru ki rufɔɔ-ra.

Timote (1) 1:1

Míŋ Pooli wɔ̀ i Yesu Kirisa wɔ cindaŋ i, ŋì i kɛɲɛ yibɛɛ Mwutɔnŋ Kirinŋ wɔ wulu ki wu, niŋ fa Yesu Kirisa, ninwɔ̀ i yibɛɛ gbɛbilimaŋ ki i,

Timote (1) 1:11

Niŋ kalinŋ sɔbɛ ki i po-a Shɔɔrintiŋ Kirinŋ wɔ Wulujii nɔɔritiŋ ki ru, Kirinŋ ninwɔ̀ biye-i míŋ gbɛsun.

Timote (1) 2:3

Niŋ ki shɔ-i, ŋì i ji di yibɛɛ Mwutɔnŋ Kirinŋ tɛ sɛbɛ.

Timote (1) 4:10

Niŋ ki ra, yibɛɛ i yɛlinŋ ki fɔn kwuru tan-ni, yi i yi sunfuru-ri, sabu yibɛɛ yi gbɛ bili-i Kirinŋ ɲaninkulutɔnŋ ki sun, ninwɔ̀ i konanmini bataa mwutɔnŋ ki i, nwɔ̀ri bili-i Kirisa ra, ŋì i nini mwu-a.

Timote (2) 4:17

Ŋuntiŋ ki yɛrima ki ye-i míŋ tɛ. Niŋ ki ra, míŋ i so Kirinŋ wɔ Wulujii ki sunjo-i, ŋí i ǹʼnafaa, nwɔma shiya tɔri kiri bataa i ǹʼnama. Kirinŋ i ji míŋ mwu san jari ki tɔnŋ na.

Tite 2:10

Kí fa arì ŋununtiŋ kiri wɔ finŋ kiri kwun-ni kì. Kí ǹʼji kí wu tu arìbɛɛ koŋ sɔbɛ ri i, waaci bataa ru. A niŋ ma, kí a yibɛɛ Mwutɔnŋ Kirinŋ wulu ki gbɛ.

Tite 2:13

ŋì i yi tu niŋ ŋununadibi jibi ki sunsuu-ra, ninwɔ̀ i Sotiŋ Kirinŋ, yibɛɛ Mwutɔnŋ Yesu Kirisa wɔ nɔɔri ki i.

Jafinŋ ki 14:16

Niŋ ɲaan ki tɛ, loŋ ki sunsɔɔtɔnŋ ki i awɔ wɔlɔnkɔ ki kee pwɔkulinŋ ki sun, pwɔkulinŋ ki bilaŋ i tɛri.