Timote (1) 4:3 - Jɔ Biibili ki

³ Niŋ koŋ kiri bɛɛ ri i ǹʼbi-a tu shuru kakan, ntiŋ i mari cɛn kì, niŋ fa tu nufinŋ kwuru kiri bɛɛ ri nmaŋ, tu nini fa nu kakan kì. Nka sɛli ki ra, Kirinŋ niŋ nufinŋ kiri po-i, nwɔma tu koŋ wɔ̀ri bili-i afinŋ Kirinŋ na, kí i ji sɛli ki tɔ-a, nini i niŋ nufinŋ kiri nu, kí i baraka bi a tɛ.

Timote (1) 4:3 ပူးပေါင်းရင်းမြစ်များ

Matiyu 14:19

Ntiŋ tu konaŋ ki sɔɔ sɔɔ ta ɲiŋ cɔ ki sun. Ntiŋ i bwuru ŋuŋ taanŋ ki fa yɛrinŋ daŋ fuuli ki shi, ntiŋ i a ŋuniŋ fɛshi kirinpɔlila, ntiŋ i baraka bi Kirinŋ tɛ, ntiŋ i bwuru ki rucɛn cɛn, ntiŋ i ǹʼwɔri kalindaŋ kiri tɛ, tu kí ǹʼlu konaŋ ki tɛ.

Matiyu 15:11

Finŋ wɔ̀ i de-a konanmini tɔnŋ ki ra, niŋ ntiŋ nɔɔ-ra kì, nka finŋ wɔ̀ i po-a ntiŋ tɔnŋ ki ra, ninki i ntiŋ nɔɔ-ra. »

Matiyu 15:36

Ntiŋ i niŋ bwuru ŋuŋ jɔnpɔni ki fa niŋ yɛrinŋ kiri shi, ntiŋ i baraka bi Kirinŋ tɛ. Niŋ kɔɔtɛ, ntiŋ i yìrì rucɛn cɛn, ntiŋ i yìrì wɔri awɔ kalindaŋ kiri tɛ, tu kí yìrì lu konaŋ ki tɛ.

Luki 24:30

Ciiku ki na-i maan, kí fa Yesu i sɔɔ nufinŋ ki tɛ arìmaŋ fan. Ntiŋ i bwuru ki shi, ntiŋ i baraka bi Kirinŋ tɛ, ntiŋ i ǹʼnucɛn, ntiŋ i ǹʼwɔri kí tɛ.

Yuhana 6:23

Ŋuntiŋ Yesu baraka bi wuru Kirinŋ tɛ bwuru ki bira mani wɔ̀ ru, ntiŋ i ǹʼwɔri konaŋ ki tɛ, buŋ tɔri ri i po yiri Tibɛriyadi, yìrì i na tu niŋ mani ki tɔntɛ.

Mabikiri 27:35

Pooli kɔ-i awɔ wulu ki ra waarinŋ wɔ̀ ru, ntiŋ i bwuru ki bɛɛ shi, ntiŋ i baraka bi Kirinŋ tɛ kí bataa ɲaanna, ntiŋ i ǹʼnayali taa-ri.

Ɔrɔmutɔnŋ kiri 14:17

Kirinŋ wɔ Masabi ki bi ki nufinŋ bi fa mwunufinŋ bi i kì, nka telibi fa tɔnsunfili fa ciirudibi bi yɛ, Ɲiniwɔlinŋ ki i nini wɔ̀ri wɔri-ra.

Ɔrɔmutɔnŋ kiri 14:3

Konwɔtiŋ i nufinŋ ki bataa nu-a, niŋ fa a kaashi ki rufyɛ tu nfɛnŋ na ntiŋ a kaan-na nufinŋ kiri bɛɛ ri tɛ kì. Minwɔ̀ i nʼkaan-na nufinŋ kiri bɛɛ ri tɛ, miŋ dumiŋ fa kiti ki fɛɛn nʼkaashi ki sun, tu ntiŋ nufinŋ bataa nu-a kì, sabu Kirinŋ ji-i ntiŋ tɛ sɛbɛ.

Ɔrɔmutɔnŋ kiri 14:6

Nwɔ̀tiŋ i jibi kiri san-a arìmaŋ nu, nintiŋ i niŋ ma-a Ŋuntiŋ ki bira, konwɔtiŋ i nufinŋ bataa nu-a, nintiŋ i niŋ ma-ni Ŋuntiŋ ki bira, sabu ntiŋ i baraka bi-a Kirinŋ tɛ. Konwɔtiŋ nufinŋ kiri bɛɛ ri nu-a kì, nintiŋ i niŋ ma-a Ŋuntiŋ ki bira, sabu nintiŋ yɛrima ki i baraka bi-a Kirinŋ tɛ.

Korɛntitɔnŋ kiri (1) 6:13

Ábɛɛ i ǹʼbi-a tu : « Nufinŋ ki po cii ki bira, tu cii ki i po nufinŋ ki bira. » Nka Kirinŋ a na yìrì fɔn fuuli ki haliki. Konanmini firi ki po nankulunbi mamaanna tɛ kì. Firi ki i Ŋuntiŋ ki wɔ, Ŋuntiŋ ki i ji firi ki wɔ.

Korɛntitɔnŋ kiri (1) 7:28

Nka konwɔtiŋ mari cɛn-i, nintiŋ bijɛ ma kì, a danmari wɔ̀ ji cɛn, niŋ bijɛ ma sɛbɛ kì. Nka nwɔ̀ri ǹʼma-i kɔ, kí a cɔɔri sinaŋ wɔ̀ kila, míŋ i ǹʼtɛ ŋí i ábɛɛ mwu ninki wu.

Korɛntitɔnŋ kiri (1) 8:8

Nufinŋ kɔniŋ koŋ bidi-a Kirinŋ tɛ kì, yi i ǹʼnu walima yi fa ǹʼnu kì, ǹʼtɔri finŋ tɔri bo-a yibɛɛ sun kì, ǹʼdumiŋ finŋ san-a yi ra Kirinŋ ɲaanfɛ kì.

Kɔlɔsitɔnŋ kiri 2:16

Niŋ ki ra, á fa ncusun koŋ i á ji koŋ pɔlimaan ni i, nufinŋ walima mwunufinŋ bira kì. Á dumiŋ fa ncusun koŋ i á ji koŋ pɔlimaan ni i, ɲaannabyɛ kiri fa ɲɛ ŋunaŋ kiri fa Nufaan jibi kiri gbɛbi ki bira kì.

Kɔlɔsitɔnŋ kiri 3:17

Ábɛɛ ji bi finŋ woo finŋ ma-a, walima wulu finŋ woo finŋ bi-a, á niŋ bataa ma Yesu Kirisa tɔ ki bira, á i baraka bi Tiŋ Kirinŋ tɛ ntiŋ tɔ ra.

Timote (1) 2:4

Mìŋ i ǹʼtɛ tu konaŋ ki bataa i a mwu, kí i so sɛli ki tɔ-i.

Timote (1) 4:4

Kirinŋ finŋ woo finŋ po-i, niŋ bataa shɔ-i, finŋ tɔri tenŋ kakan, ŋì i kee nini nu kì, nka tu yi ji-a yìrì nu, tu yi baraka bi Kirinŋ tɛ,

Timote (1) 5:14

Niŋ ki ra, míŋ a ǹʼbi tu kanimari bulaaŋ kiri shuru ri shi, kí i cɛn nini sun, kí i daŋ ni kila, kí i arɔɔ kaniŋ kiri gbɛrinpa-ri, nwɔma yi ɲa kiri fa yi rufyɛ wulu kila, kí i niŋ bi yi sun kì.

Iburu kiri 13:4

Á bataa fwuru ki gbɛ, fwurushi ki tɔri tenŋ fa ǹʼyaba ki nɔɔ fyewu kì, sabu Kirinŋ a na kiti ki kwuru nankulinŋ kiri fa kakaali kiri sun.

Iburu kiri 13:9

Á fa ncusun koŋ i á fɔni kalinŋ ŋunaŋ kwuru mwɔɔnna tɔri ri wu kì. Sabu konanmini kakan-i, ŋì i tɔnnafurubi kila Kirinŋ wɔ shɔɔrinŋ ki baraka ra, nka ŋì fa ji nufinŋ bi i kì, sabu nwɔ̀ri niŋ bi kiri rasɔɔ, nini tɔnɔ dantenŋ kila ǹʼnu kì.