Timote (1) 2:3 - Jɔ Biibili ki

³ Niŋ ki shɔ-i, ŋì i ji di yibɛɛ Mwutɔnŋ Kirinŋ tɛ sɛbɛ.

Timote (1) 2:3 ပူးပေါင်းရင်းမြစ်များ

Luki 1:47

Míŋ ciirudi-i fɔ ŋì i so a daŋ na ńʼMwutɔnŋ Kirinŋ tɛ.

Ɔrɔmutɔnŋ kiri 14:18

Konwɔtiŋ i baara ki ma-a Kirisa tɛ niŋ ɲakilila ki wu, nintiŋ bidi-i Kirinŋ tɛ, konaŋ kiri i ji-a ntiŋ tɔ shɔɔrinŋ bi sɛbɛ.

Filipitɔnŋ kiri 1:11

á i áwɔ bi kiri bataa ma-ni telibi wu Yesu Kirisa baraka ra. Niŋ bataa ra ji Kirinŋ gbɛ bi i, niŋ fa nɔɔri i bili ǹʼtɔ ki sun.

Filipitɔnŋ kiri 4:18

Finŋ woo finŋ bi wuru míŋ na, míŋ yìrì bataa kila-i, ŋí i ji fintiŋ i. Kabi Epaforoditusi na-i yìrì wɔri míŋ tɛ, míŋ ńʼgbɛ faa-a, fɔ ŋì i fwuu a daŋ ki sun. Yìrì ji-i miŋ tu saraka shɔɔrinŋ, nwɔ̀ kini di-i Kirinŋ tɛ.

Kɔlɔsitɔnŋ kiri 1:10

A niŋ ma, ábɛɛ tiri kɛɲɛ Ŋuntiŋ ki dintɛ bi ki wu, á mabi kiri i di ǹʼtɛ sɛbɛ, ábɛɛ ra so Kirinŋ dintɛ bi ki ma-i, á i mabi shɔɔrinŋ kwuru ki bataa ma, á i ta jɛŋ Kirinŋ tɔbi sɛlɛsɛli ki ra.

Tesalonikitɔnŋ kiri (1) 4:1

Ńʼtindaŋ ni, ábɛɛ kakan-i á i tirika shɔ Kirinŋ ɲaanfɛ ɲaan wɔ̀ tɛ, yibɛɛ niŋ ɲaanji-i ábɛɛ wu kɔ, ábɛɛ yɛrima kiri i ji juu tiri-ra niŋ ɲaan ki tɛ kɔ. Yibɛɛ i nwɔ̀ ceeli-la ábɛɛ gbɛ dɔnsaŋ, niŋ i tu á ǹʼbɛɛ bo niŋ sun sɛbɛ.

Timote (1) 1:1

Míŋ Pooli wɔ̀ i Yesu Kirisa wɔ cindaŋ i, ŋì i kɛɲɛ yibɛɛ Mwutɔnŋ Kirinŋ wɔ wulu ki wu, niŋ fa Yesu Kirisa, ninwɔ̀ i yibɛɛ gbɛbilimaŋ ki i,

Timote (1) 4:10

Niŋ ki ra, yibɛɛ i yɛlinŋ ki fɔn kwuru tan-ni, yi i yi sunfuru-ri, sabu yibɛɛ yi gbɛ bili-i Kirinŋ ɲaninkulutɔnŋ ki sun, ninwɔ̀ i konanmini bataa mwutɔnŋ ki i, nwɔ̀ri bili-i Kirisa ra, ŋì i nini mwu-a.

Timote (1) 5:4

Nka, a daŋ ni ji kanimari wɔ̀ gbɛ, walima, nmari daŋ ni wɔ daŋ ni ji nmaŋ, niŋ daŋ kiri kakan-i kí i kɛni Kirinŋ jɛŋ, kí i ye arì jifinŋ kiri tɛ. Kí jifinŋ kiri, walima, kí jifinŋ cɛɛnni kiri bi shɔɔrinŋ wɔ̀ ma-i kí tɛ, kí i niŋ kɔni ki sali. Ninki di-i Kirinŋ tɛ.

Timote (2) 1:9

Mìnki yibɛɛ mwu-i, ŋì i yi dɔri, yi i ji awɔ konanbi i. Yibɔɔ mabi shɔɔrinŋ ncin ŋì i niŋ ma kì, nka ŋì niŋ ma-i, ŋì i kɛɲɛ awɔ bi gbɛbilika ɲaan ki fa awɔ shɔɔrinŋ ki wu, ŋì ninwɔ̀ wɔri-i yibɛɛ tɛ Yesu Kirisa bira juniɲa cɛtu ki jɛŋ.

Iburu kiri 13:16

Niŋ fa, á fa á ɲakili fɔni shɔɔrinŋ ma ki fa yemantɛrama ki tɛ kì, sabu niŋ kafinŋ kwuru kiri bidi-i Kirinŋ tɛ.

Pyɛɛri (1) 2:20

A niŋ ji-i kì, a ábɛɛ ji bijɛ ma, ábɛɛ i ɲaanfɛkwulu ki kila-ri ninki bira, nfɛnŋ ŋununfɛshi niŋ nu sa? Nka a kí ji miŋ ɲaanfɛkwulu-la, tu miŋ bi shɔɔrinŋ ma, miŋ i niŋ kwun-ni nʼnu Kirinŋ bira, niŋ i bi shɔɔrinŋ i Kirinŋ ɲaanfɛ.

Pyɛɛri (1) 2:5

Mìŋ ɲaan tenŋ ki tɛ, ábɛɛ yɛrima kiri i miŋ tu kwɔ ɲaninkulutɔnŋ ni i, á ji Ɲiniwɔlinŋ ki wɔ fu ki tan kwɔ ri i, nwɔma á i ji sarakawɔrɔtɔnŋ ni i, á i saraka wɔri Kirinŋ tɛ, nwɔ̀ a di ǹʼtɛ Yesu Kirisa baraka ra.