Ábɛɛ Kafarinawumutiiri, ábɛɛ ɲaanna tu ábɛɛ ra fɛshi fɔ á i so kirinpɔlila wa? Aayi dɛ! Ábɛɛ ra jɛri fɔ jaanama ki ciiru. Sabu botɔnsunbi wɔ̀ri ma-i ábɛɛ tɛ, a nini bishi ri ji wuru ma-ni Sodɔmu kili ki ra, ǹʼwuru-ra ji faa nmaŋ jiŋ.
Surudashi ŋununtiŋ wɔ̀ fa awɔ surudashi wɔ̀ri wuru Yesu ɲaannasuu-ra, nini pwɔkulinŋ ki sɛrɛsɛrɛka ɲaan ki fa niŋ bi mamaan kiri ja-i waarinŋ wɔ̀ ru, kɛmi sinaŋ i de kí ru. Kí tu : « Sɛli sɛli ki ra, koŋ ka wuru Kirinŋ Danshuru ki yɛrima ki i ncinŋ. »
nka ntiŋ ta sɔɔ tu Nansarɛti kì. Ntiŋ i po ta sɔɔ Kafarinawumu, ninwɔ̀ wuru Galile kili ki bɛɛ ɛ, nwɔ̀ wuru baa tɔnŋ na, Nsabulɔn fa Nefitali sɔɔta kiri ru.
Surudashi jalitiŋ wɔ̀ tu wuru Yesu ɲaanfɛ, niŋ ntiŋ beenika ki ja-i waarinŋ wɔ̀ ru, niŋ i ǹʼbi tu : « Sɔsɔɔlinŋ ǹʼnu kì, koŋ ka wuru Kirinŋ Danshuru ki yɛrima ki i ncinŋ. »
Waarinŋ wɔ̀ ru kí Pooli kɔli-i tu arì ra ntiŋ bwɔ, ntiŋ tu surudashi kiri wɔ kwuru jɛntɔnŋ ki tɛ tu : « Nʼyɛkɛtu! Ŋì i kɛɲɛ sariya ki wu, koŋ i Ɔrɔmudanji bwɔ-a shɛnŋ wu kiti ki fɛɛnbali ntiŋ sun wa? »
Niŋ ɲaan ki tɛ, Pooli i surudashi kwuru jɛntɔnŋ ki bɛɛ dɔri, ntiŋ i na ǹʼbi niŋ tɛ tu : « Ta ka ɲɔrɔkɔ ka jɛŋ surudashi kiri ŋununtiŋ sinaŋ ki tɛ, wulu i ntiŋ gbɛ, ntiŋ i ǹʼbi ntiŋ tɛ. »
Niŋ kɔɔtɛ, surudashi kiri ŋununtiŋ sinaŋ ki i surudashi kwuru jɛntɔnŋ fuuli dɔri, ntiŋ i na ǹʼbi nini tɛ tu : « Á surudashi koŋ yaabyinŋ (200), suutiŋ yaabyaŋ fa byinŋ (70), niŋ fa mwɔŋ keetɔnŋ yaabyinŋ (200) bo arìmaŋ sun, kí i arì ramɔni, nwɔma ciiku nukɔmaan kɔɔtɛ, kí i ta Sensare.
Waaci wɔ̀ ru, shii fili bɛɛ na-i ji po-a, niŋ na, kíbɛɛ cirasun tu arìbɛɛ ra so tiri-i. Kí i kwurinŋ ki kanŋ cɛn. Kí i kwurinŋ ki bili ta-ri Kɛrɛti tintiŋ ki tonfan nmaŋ.
Pooli kí ja-i waarinŋ wɔ̀ ru, ntiŋ tu surudashi kiri wɔ kapitɛni ki fa surudashi pyɛ kiri tɛ tu : « A kwurinŋ bilitɔnŋ kiri tu kwurinŋ ki ciiru kì, ábɛɛ ra á mwu kì dɛ. »
Nka surudashi kiri wɔ kapitɛni ki wuru ǹʼtɛ kí i Pooli kilɛn kì. Niŋ ki ra, ntiŋ a tu surudashi kiri wɔ ɲakilila ki ra kì. Ntiŋ tu nwɔ̀ri ji ju tɔ-a, tu kí arì kee ǹʼna ǹʼjɔnɔ, kí i ǹʼtɛri tiri tankpiŋ ki ra.
Lida fa Yope nari-ri arìmaŋ na kì. Yope bilinatɔnŋ kiri ǹʼnama-i tu Pyɛɛri a kila Lida kili ki ru waarinŋ wɔ̀ ru, kí i koŋ fuuli cin tiri, ntiŋ dɔri na nukwululula.