Matiyu 8:1 - Jɔ Biibili ki

¹ Yesu jɛri po san-i tɔnnaanŋ ki sun waarinŋ wɔ̀ ru, konaŋ mwɔɔnna i ǹʼpa ntiŋ cɛfan.

Matiyu 8:1 ပူးပေါင်းရင်းမြစ်များ

Matiyu 12:15

Yesu ǹʼtɔ-i waarinŋ wɔ̀ ru tu kí afinŋ kilɛnmaŋ ceeli-la, ntiŋ i po san niŋ mani ki ru. Koŋ mwɔɔnna i ǹʼpa ntiŋ cɛfan, ntiŋ i kiratɔnŋ kiri bataa kene.

Matiyu 15:30

Konaŋ kiri i na arɔɔ kiratɔnŋ kiri wu ntiŋ tɛ. Niŋ kiratɔnŋ kiri wuru koŋ kanŋ tenŋ ni, fa ɲaanfwuu ri, fa mwurunku ri, fa bubu ri, ŋì i bo kiratɔnŋ kwuru mwɔɔnna tɔri ri sun. Kí i na niŋ kiratɔnŋ kiri bo Yesu ɲaanfɛ, ntiŋ i kí kene.

Matiyu 19:2

Konaŋ kwuru mwɔɔnna i arì bo ntiŋ cɛfan, ntiŋ i kɔ́ɔ́ kiratɔnŋ kiri kene niŋ mani nu nmaŋ.

Matiyu 20:29

Yesu fa awɔ kalindaŋ kiri ji-i po-a Yeriko kili ki ru waarinŋ wɔ̀ ru, koŋ mwɔɔnna i ǹʼpa ntiŋ cɛfan.

Matiyu 4:25

Konaŋ mwɔɔnna wuru ntiŋ cɛfan. Nini nu, ǹʼbɛɛ ri wuru po-a Galile sɔɔta ki ru, ǹʼtɔri ri po-ri Dekapɔli fa Yerusalɛmu, niŋ fa Yude fa Yurudɛn baa ki kɔɔtɛ kɛniŋ kiri ru.

Matiyu 7:29

Yesu wuru konaŋ ki kali-la miŋ tu kɔ́ɔ́ sariya kalimɔɔ kiri kì, nka baraka wuru ntiŋ wɔ kalinŋ ki ru, sabu ǹʼwuru po-a ntiŋ yɛrima ki ru kì.

Matiyu 8:18

Yesu ǹʼja-i tu konaŋ ki mwɔ afinŋ tonfan, ntiŋ i ǹʼbi awɔ kalindaŋ kiri tɛ : « Yi fwuu po baa ki kuŋ nu. »

Matiyu 8:2

Tuutiŋ bɛɛ i a kpari Yesu tɛ, wú i na a kwushiri ntiŋ fɛ, wú i ǹʼbi ntiŋ tɛ tu : « Ŋuntiŋ, a ábɛɛ á tu, ábɛɛ ra so nɔɔ ka san-i míŋ na. »

Maraka 3:7

Yesu fa awɔ kalindaŋ kiri po san-i niŋ mani nu, kí i tiri Galile baa ki tɔnŋ na. Konaŋ mwɔɔnna i tiri ntiŋ fan. Niŋ konaŋ kiri ru, ǹʼbɛɛ ri wuru po-a Galile sɔɔta ki yɛrima ki ru, ǹʼbɛɛ ri i po-ri Yude sɔɔta ki ru,

Luki 5:15

Yesu a kaan-a, tu weŋ ki fa a kene wulu ki bi koŋ tɛ kì, niŋ fa a fɔn na, ǹʼbɛɛ wuru bo ta-a ntiŋ tɔ ki sun jibi woo jibi. Koŋ mwɔɔnna wuru na-a ntiŋ tɛ, nwɔma arì i ntiŋ wɔ wulu ki rama. Kiratɔnŋ wɔ̀ri wuru konaŋ ki kanfɛ, nini i ǹʼceeli-li, ntiŋ i arì kene.