Matiyu 7:7 - Jɔ Biibili ki

⁷ Yesu tu : « Á ǹʼnafɛ, ŋì a wɔri ábɛɛ tɛ, á ǹʼceeli, ábɛɛ a ǹʼkila, á fu ki tɔnŋ nakɔkɔ, ŋì a nawwulu ábɛɛ tɛ.

Matiyu 7:7 ပူးပေါင်းရင်းမြစ်များ

Matiyu 18:19

Yesu tu sɛbɛ : « Míŋ a ǹʼbi ábɛɛ tɛ, ńʼtu a ábɛɛ koŋ fuuli fumaan ki fu bi woo bi sun, ka pwɔkulinŋ ka sun, á i ǹʼnafɛ, ńʼtu míŋ Tiŋ Kirinŋ wɔ̀ i kirinpɔli ki ra, niŋ a niŋ ma ábɛɛ tɛ.

Matiyu 21:22

A ábɛɛ áwɔ Kirinŋ nafɛ ki tan bilinabi wu, ábɛɛ finŋ woo finŋ nafɛ, ábɛɛ ra ǹʼkila. »

Matiyu 6:33

Á Kirinŋ wɔ Masabi ki fa ǹʼwɔ telibi ki ceeli sun. A niŋ ma, Kirinŋ a niŋ finŋ kiri bataa bo ǹʼsun ábɛɛ gbɛ.

Matiyu 7:11

Ábɛɛ konanmini, ábɛɛ wɔ̀ri juu-u, a ábɛɛ ji finŋ shɔɔrinŋ tɔ-a, á i niŋ wɔri-ri á daŋ kiri tɛ, ábɛɛ bili ǹʼna tu ábɛɛ Tiŋ wɔ̀ i kirinpɔli ki ra, tu niŋ a finŋ shɔɔrinŋ wɔri a rafɛtɔnŋ kiri tɛ, ŋì i fwuu ábɔɔ ki sun kì wa?

Matiyu 7:8

Sabu koŋ woo koŋ i ǹʼnafɛ-a, ŋì i wɔri-ra ntiŋ tɛ, nwɔ̀tiŋ i ǹʼceeli-la, nintiŋ i ǹʼkila-a, nwɔ̀tiŋ i faatɔnŋ ki buŋ ki sunkɔkɔ-a, ǹʼtɔnŋ ki i nawwulu-la nintiŋ tɛ.

Maraka 11:24

Niŋ ki ra, míŋ a ǹʼbi ábɛɛ tɛ tu, a ábɛɛ ji Kirinŋ nafɛ-a finŋ ki bɛɛ bira, á i ǹʼbo á ciiru tu niŋ finŋ ki juu ábɛɛ gbɛ kɔ, Kirinŋ a niŋ finŋ ki wɔri ábɛɛ tɛ.

Luki 13:25

A kanintiŋ ki na jɔrɔkɔ, ntiŋ i mani ki tɔnŋ ki sɔɔn, ntiŋ i ábɛɛ tu taanna, niŋ waaci ki ru, ábɛɛ ra na fu ki tɔnŋ nakɔkɔ-ri, á i ǹʼbi-ri : ‹ Ŋuntiŋ, fu ki tɔnŋ nawwulu yi tɛ! › Niŋ waari ki ru, ntiŋ a na ǹʼbi ábɛɛ tɛ : ‹ Míŋ ábɛɛ tɔ-a kì, míŋ ábɛɛ pomaŋ tɔ-a kì. ›

Luki 18:1

Yesu wulusuntalinŋ ka bi-i awɔ kalindaŋ kiri tɛ, nwɔma ntiŋ i ǹʼji kí wu, tu konaŋ kakan ŋi i Kirinŋ nafɛ-ri waarinŋ bataa ru, tu koŋ fa jurubi de a yɛri ru kì.

Yuhana 15:16

Ábɛɛ kiri míŋ ɲaannashi kì, nka mínki ábɛɛ ɲaannashi-i. Míŋ ábɛɛ cin-i, ńʼtu á ta daŋ pa, nwɔ̀ a kɔ kì. Niŋ ki ra, a ábɛɛ finŋ woo finŋ nafɛ míŋ Tiŋ ki gbɛ, míŋ tɔ ki wu, niŋ finŋ ki bataa ra wɔri ábɛɛ tɛ.

Yuhana 15:7

A ábɛɛ á da tu míŋ na, niŋ fa á i mɔ́ɔ́n wulu kiri tu á ciiru, finŋ woo finŋ bi i ábɛɛ ra, á niŋ nafɛ, ábɛɛ ra niŋ bataa kila.

Yuhana 4:10

Yesu i nmari wɔ wulu ki rupwulu tu : « Kirinŋ i kafinŋ wɔ̀ wɔri-ra, a miŋ ji wuru niŋ tɔ-ri, niŋ fa koŋ wɔ̀ i ju ki ceeli-la miŋ gbɛ, a miŋ ji wuru nintiŋ tɔ-a, minki wuru-ra ji mwunu ju ki rafɛ-a ntiŋ gbɛ, ntiŋ i ji wuru-ra ɲaninkulutɔnbi ju ki wɔri miŋ tɛ. »

Ɔrɔmutɔnŋ kiri 2:7

Koŋ wɔ̀ri cɛrukɔli-i shɔɔrinŋ ma ki ra, kí i gbɛbi ki fa ŋununfɛshi ki fa ɲaninkulutɔnbi kɔbali ki ceeli-li, Kirinŋ a na ɲaninkulutɔnbi kɔbali ki wɔri nini tɛ.

Ɔrɔmutɔnŋ kiri 3:11

Ɲakilitiŋ dantenŋ nmaŋ kì, koŋ dantenŋ Kirinŋ ceeli-la kì.

Iburu kiri 11:6

A bilinabi ki sababu ji-i kì, koŋ tɔri tenŋ bi a so di-i Kirinŋ tɛ kì, sabu nwɔ̀tiŋ i a kpari-ra Kirinŋ tɛ, nintiŋ kakan-i ntiŋ i bili ǹʼna, tu Kirinŋ i nmaŋ, ŋì i a ceelitɔnŋ kiri sali-li.

Yakuba 5:15

A kí nafɛ ki tan bilinabi wu, niŋ a kiratɔnŋ ki kene, Ŋuntiŋ ki a ntiŋ jɔrɔkɔ, a ǹʼta fa tu ntiŋ bijɛ ma-ni, nini a tu ntiŋ tɛ.

Yuhana (1) 3:22

A yi ǹʼnafɛ finŋ woo finŋ na, ŋì a niŋ wɔri yibɛɛ tɛ, sabu yibɛɛ ǹʼwɔ cinŋ bimaan kiri tu-i yi ciiru, yi fani i ji ǹʼdintɛ bi kiri ma-a.