Matiyu 7:13 - Jɔ Biibili ki

¹³ Á de demantɔnŋ pyaanŋ ki ra, sabu saa wɔ̀ i koŋ bo-a halikimaŋ ki ru, niŋ demantɔnŋ ki nagbɛ-i, ǹʼsaa ki i ji rapili, koŋ mwɔɔnna i ji de-a ǹʼfan.

Matiyu 7:13 ပူးပေါင်းရင်းမြစ်များ

Yuhana 14:6

Yesu i Toma rupwulu tu : « Mínki i saa ki fa sɛli ki niŋ fa ɲaninkulutɔnbi ki i, koŋ tɔri tenŋ so-a na-i Tiŋ ki tɛ debali míŋ fan kì.

Yuhana 10:9

Mínki ki i demantɔnŋ ki i, konwɔtiŋ de míŋ na, nintiŋ a a mwu. Nintiŋ a de-ri, ntiŋ i po-ri, ntiŋ i ji-a a tɔnnafɛ nufinŋ ki kila.

Galasitɔnŋ kiri 5:24

Sabu nwɔ̀ri i Yesu Kirisa wɔ ri, nini arì firi ki fa arì dintɛ bi jɛ kiri bataa kpinkpi-i suu ki sun.

Matiyu 3:2

Ntiŋ wuru ǹʼbi-a kí tɛ tu : « Á ntɔri bi áwɔ bijɛ kiri ra, sabu kirinpɔlila Masabi ki waari ki myɛ-i. »

Matiyu 3:8

Á bi shɔɔrinŋ ni ma, nwɔ̀ri ra ǹʼji tu ábɛɛ ntɔri bi áwɔ bijɛ kiri ra. Á fa ǹʼsunu tu ábɛɛ Aburahamu daŋ ni i, tu niŋ a ábɛɛ mwu kì dɛ! Míŋ a ǹʼbi ábɛɛ tɛ, ńʼtu nupobi ki ji i, ńʼtu Kirinŋ a so kwɔ kari ji-i Aburahamu daŋ ni i.

Korɛntitɔnŋ kiri (2) 6:17

Niŋ ki ra, Ŋuntiŋ Kirinŋ tu awɔ konanbi ki tɛ tu : « Á po san kí kanfɛ, á i á san kí ra, á fa myɛ finŋ nɔɔmaan tɔri tenŋ na kì. A niŋ ma, míŋ a ji ábɛɛ tɛ.

Matiyu 23:13

Yesu tu : « Bɔni i ábɛɛ sariya kalimɔɔ kiri fa ábɛɛ Farinsiyɛnŋ kiri tɛ, ábɛɛ i wulufuulibitɔnŋ ni i, sabu ábɛɛ i kirinpɔlila Masabi ki tɔnŋ nala-a konaŋ ki jɛŋ, ábɛɛ yɛrima kiri dumiŋ de-a ǹʼnu kì, nwɔ̀ri fani i ǹʼtɛ arì i de, á ncusun-a nini i de kì.

Jafinŋ ki 20:15

Koŋ woo koŋ tɔ sɛbɛmaan ja-ri ɲaninkulutɔnbi sɛbɛ ki ru kì, niŋ i kee bo kukuta sinaŋ tuutiŋ ki ru.

Filipitɔnŋ kiri 3:19

Niŋ koŋ kiri rakɔɔra a bɔni. Kí wula ki i kɔ́ɔ́ Kirinŋ ki i. Kí i arì ɲaankwunbi kiri ji-a arì yɛri ragbɛ bi ri i. Kí ɲakili ki bataa i ka juniɲa ka ru finŋ kiri bantenŋ sun.

Korɛntitɔnŋ kiri (2) 4:4

Niŋ koŋ kiri bili-la Kirinŋ na kì, sabu ka juniɲa ka ŋununtiŋ ki, ninwɔ̀ i shitaanni ki i, ninki kí ciiru ɲakili kiri rala-i, nwɔma kí fa Kirinŋ wɔ Wulujii ki sarinŋ ki ja kì, niŋ Wulujii ki wɔ̀ i Kirisa nɔɔri ki ji-a, ninwɔ̀ i Kirinŋ ɲaan ki ji-a.

Mabikiri 3:19

Niŋ ki ra, á ntɔri bi áwɔ bijɛ kiri ra, á i na Kirinŋ tɛ, nwɔma ŋì i áwɔ bijɛ kiri tu á tɛ.

Jafinŋ ki 20:3

Ŋì i kee bo jaanama ki ru, niŋ tɔnŋ ki i sɔɔn ǹʼsun, taanshɛ i bo niŋ tɔnŋ ki ra, nwɔma ŋì fa so juniɲa nu konaŋ kiri fɔni-i kì, fɔ ka jiri waatenŋ ka i ta rafaa. Nka, ŋì i faa-ra pili bo, ŋì i waaci pyaanŋ ma sɛbɛ.

Yuhana (1) 5:19

Yibɛɛ kɔniŋ ǹʼtɔ-i tu yibɛɛ Kirinŋ wɔ konanbi ki i, tu juniɲa ki bataa i ji shitaanni wɔ so ki fɛ.

Matiyu 25:46

Niŋ konaŋ kiri ra tiri ɲaanfɛkwulu kɔbali ki ru, nka koŋ telimaan kiri i tiri ɲaninkulutɔnbi kɔbali ki ru. »

Matiyu 25:41

Niŋ kɔɔtɛ, nwɔ̀ri i ntiŋ nɔrintɛ, masa ki a na ǹʼbi nini tɛ tu : ‹ Á á san míŋ ɲaanfɛ, ábɛɛ koŋ dankamaan kari! Á tiri tuu byibali ki ru, ninwɔ̀ ramɔni-i shitaanni fa awɔ mɛlɛkɛn kiri tɛ!

Jafinŋ ki 13:8

Pwɔkulinŋ sun konaŋ ki bataa ra na kpalinŋ ka gbɛ, duu nwɔ̀ri tɔ ki sɛbɛ-i Saanaŋ kilɛnmaan ki wɔ ɲaninkulutɔnbi sɛbɛ ki ru, kabi juniɲa cɛtu waaci ki ru.

Ɔrɔmutɔnŋ kiri 9:22

Kirinŋ wuru ǹʼtɛ a i awɔ tɔnkwulu ki fa awɔ sotinbi ki ji konaŋ haliki wɔ kiri wu, nka ŋì a tɔnsunfili-i kí tɛ kusɛbɛ, ŋì i kɔ́ɔ́ bi kiri kwun a ru, miŋ a nfɛnŋ bi niŋ na?

Luki 14:33

Mìŋ ɲaan tenŋ ki tɛ, ábɛɛ ru, koŋ woo koŋ so-a a tɛɛpo san-i a gbɛfɛfinŋ kiri ru kì, ntiŋ a so ji-i mɔ́ɔ́n kalindaŋ i kì. »

Jafinŋ ki 12:9

Daragɔnŋ ki i kwɔ po taanna. Mìnki wuru myɛɛn ki i fɔlɔfɔlɔ, ŋì i dɔri-ri sɛbɛ tu ɲinijɛ walima shitaanni. Mìnki i pwɔkulinŋ sun konaŋ kiri fɔni-na. Niŋ fa awɔ mɛlɛkɛn kiri i kee bo pwɔkulinŋ ki sun.

Luki 9:33

Niŋ shuru fuuli ki ji-a arì san Yesu tɔntɛ waarinŋ wɔ̀ ru, Pyɛɛri i ǹʼbi : « Kalimɔɔ, yibɛɛ jimaan ki kwumaŋ niŋ shɔ-i dɛ! Á ncusun yi bwɔ byaŋ namɔni kwumaŋ, ábɔɔ tenŋ, Musa wɔ tenŋ, niŋ fa Eli wɔ tenŋ. » Ntiŋ niŋ wulu ki bi wuru a ŋununtɛ.

Matiyu 7:14

Nka saa wɔ̀ i koŋ de-a ɲaninkulutɔnbi ki ru, niŋ demantɔnŋ ki nakuru-i, ǹʼsaa ki i ji nakuru sɛbɛ, ǹʼkilatɔnŋ kiri mwɔ kì.