Matiyu 5:3 - Jɔ Biibili ki

³ « Koŋ wɔ̀ri ǹʼtɔ-i tu so dantenŋ arìbɛɛ gbɛ Kirinŋ kɔɔtɛ kì, nini wɔ ki shɔ-i, sabu kirinpɔlila Masabi ki i kɔ́ɔ́.

Matiyu 5:3 ပူးပေါင်းရင်းမြစ်များ

Matiyu 11:25

Niŋ waarinŋ ki ru, Yesu tu : « Míŋ Tiŋ, ábɛɛ wɔ̀ i kirinpɔli ki fa pwɔkulinŋ ki sun Ŋuntiŋ ki i, míŋ i baraka bi-a ábɛɛ tɛ, sabu ábɛɛ bi wɔ̀ri radu-i, ɲakilitiŋ kiri fa bitɔtɔnŋ kiri sun, ábɛɛ nini ji-i koŋ pyaanŋ kiri wu.

Matiyu 11:6

tu konwɔtiŋ sii-ra míŋ na kì, nintiŋ i wɔ shɔ-i. »

Matiyu 13:16

Yesu tu awɔ kalindaŋ kiri tɛ tu : « Ábɛɛ kɔniŋ fɛri-i, sabu ábɛɛ ɲaninaŋ kiri i maannaja-a, á tɔɔn kiri i wulu lama-ni.

Matiyu 19:14

Yesu tu kí tɛ : « Á ncusun tiraŋ kiri na míŋ tɛ, á fa kí suu míŋ tɛ na ki sun kì, sabu konwɔtiŋ ni i miŋ tu tiraŋ ni, kirinpɔlila Masabi ki i nini wɔ. »

Matiyu 24:46

Ŋununtiŋ ki i na-a fa joŋ wɔ̀ wu baara ki ma-a, miŋ tu ǹʼbiye wuru ntiŋ gbɛsun ɲaan wɔ̀ tɛ, niŋ i koŋ fɛrɛmaan.

Matiyu 25:34

Nwɔ̀ri i ntiŋ pantɛ, masa ki a na ǹʼbi nini tɛ tu : ‹ Á na, míŋ Tiŋ Kirinŋ wɔ juba ki i ábɛɛ wɔ̀ri tɛ. Kirinŋ masabi wɔ̀ ramɔni-i kabi juniɲa cɛtu waari ki ru, á na niŋ shi kani.

Matiyu 3:2

Ntiŋ wuru ǹʼbi-a kí tɛ tu : « Á ntɔri bi áwɔ bijɛ kiri ra, sabu kirinpɔlila Masabi ki waari ki myɛ-i. »

Matiyu 8:11

Míŋ a ǹʼbi ábɛɛ tɛ, ńʼtu koŋ mwɔɔnna na po sunfalimwuŋ niŋ fa sunfyirimwuŋ, kí i na sɔɔ nufinŋ ki tɛ kirinpɔlila Masabi ki ru, yibɛɛ tiŋ cɛɛnni Aburahamu fa Ishaka niŋ fa Yakuba fan.

Maraka 10:14

Yesu niŋ ja-i waarinŋ wɔ̀ ru, ntiŋ tɔnŋ i kwulu. Ntiŋ i ǹʼbi kalindaŋ kiri tɛ tu : « Á ncusun tiraŋ kiri na míŋ tɛ, á fa kí suu míŋ tɛ na ki sun kì, sabu Kirinŋ wɔ Masabi ki i kíbɛɛ bishi kiri wɔ. »

Luki 11:28

Yesu tu nmari tɛ : « Sɛli i niŋ i, nka koŋ fɛrɛmaan jasaŋ kiri i kpeeri i, nwɔ̀ri i Kirinŋ wɔ wulu ki rama-a, kí i ǹʼpo-ri a saa tɛ. »

Luki 18:14

Yesu i awɔ wulu ki rakɔ tu : « Míŋ i ǹʼbi-a ábɛɛ tɛ, ńʼtu Kirinŋ ɲinisarakɔlɔtɔnŋ ka wɔ rafɛ ki mwu-i, niŋ i tiri kulu. Nka Farinsiyɛnŋ ki jii kila Kirinŋ ɲaanfɛ kì, sabu koŋ woo koŋ i a yɛri gbɛ-a, Kirinŋ a nintiŋ sunjɛri. Koŋ woo koŋ i a yɛri sunjɛri-ra, Kirinŋ a nintiŋ gbɛ. »

Luki 22:29

Niŋ ki ra, míŋ Tiŋ ki masabi ki wɔri-i míŋ tɛ ɲaan wɔ̀ tɛ, míŋ i ǹʼwɔri-ra ábɛɛ tɛ mìŋ ɲaan ki tɛ,

Luki 22:30

nwɔma, ábɛɛ so nuŋ nu-i, á i á mwunu míŋ fan ńʼwɔ masabi ki ru, á i sɔɔ masawaalinŋ ni sun, á i Isirayɛli shiya bwununfuuli ki wɔ kiti ki kwuru. »

Luki 4:18

« Ŋuntiŋ Kirinŋ Ɲini ki i míŋ sun, sabu ŋì míŋ ɲaannashi-i, tu ŋí awɔ Wulujii ki bi gbɛwɔ kiri tɛ. Ŋì míŋ cin-i, tu ŋí i ǹʼsunjo, tu joŋ kiri wɔ jonbi ki a kɔ, ɲaanfwuu kiri i maannaja, ŋí i koŋ makwulujuumaan kiri mwu san arì yɛlitɔnŋ kiri wu, ŋí i kí bo arì yɛrɛtɛ,

Yuhana 20:29

Yesu i ǹʼbi ntiŋ tɛ tu : « Miŋ míŋ ja-i, niŋ ki ra, miŋ i bili míŋ na! Nwɔ̀ ri míŋ ja kì, kí i bili míŋ na, nini fɛri-i. »

Yakuba 1:10

Nwɔ̀ fani i fintiŋ i, niŋ a ciirudi awɔ finŋ balibi ki ra, sabu nafulutiŋ ki a fwuude miŋ tu ɲiŋ foo.

Yakuba 1:12

Koŋ woo koŋ i ɲaanfɛkwulu ki pa-a a ra, nintiŋ fɛri-i, sabu ɲaanfɛkwulu ki kɔɔtɛ, ntiŋ a sali kila ninwɔ̀ i ɲaninkulutɔnbi ki i, Kirinŋ a tɔnŋ wɔri-i ninwɔ̀ bira kpeeri tɛ, nwɔ̀ri ǹʼbidi-i arì yɛri tɛ.

Yakuba 2:5

Míŋ tindaŋ byii ri, á á tɔɔnye míŋ tɛ : Kirinŋ ka juniɲa ka ru gbɛwɔ kiri ɲaannashi-i, nwɔma a i kí ji fintiŋ ni i, Kirinŋ wɔ Masabi ki ru, arɔɔ bilinabi ki baraka ra kì wa? Ŋì a tɔnŋ wɔri-i niŋ masabi ki bira kpeeri tɛ, nwɔ̀ri ǹʼbidi-i arì tɛ.

Jafinŋ ki 19:9

Mɛlɛkɛn ki tu míŋ tɛ tu : « Ka sɛbɛ : ‹ Nwɔ̀ri dɔri-i Saanaŋ ki wɔ cɛnku numaanna ki ra, nini wɔ shɔ-i. › » Ǹʼtu sɛbɛ : « Ka wulu kari i Kirinŋ wɔ wulu yɛrima kiri i. »

Jafinŋ ki 22:14

Nwɔ̀ri arɔɔ juulinŋ kiri wu-i, nwɔma arì i so ɲaninkulutɔnbi jirinŋ ki daŋ ki nu-i, arì i so de-i niŋ kili ki demantɔnŋ kiri ra, nini wɔ shɔ-i.

Jafinŋ ki 3:17

Miŋ tu miŋ fintiŋ i, nʼtu finŋ bataa nʼgbɛ, nʼtu nʼmaku finŋ tɔri tenŋ na kili kì. Miŋ dumiŋ ǹʼtɔ-a tu miŋ yɛlinkɔni fa makwulufinŋ i kì. Miŋ i gbɛwɔ niŋ fa ɲaanfwuu fa koŋ firi sunwɔ ɔ.