Matiyu 5:18 - Jɔ Biibili ki

¹⁸ Sɛli ki ra, míŋ a ǹʼbi ábɛɛ tɛ ńʼtu kirinpɔli ki fa pwɔkulinŋ ki bataa ra na fwuude, ńʼtu hali sariya ki gbɛnaŋ kulinŋ fɛ wɔ a san ǹʼna kì, walima ǹʼwulubaalinŋ tenŋ a san ǹʼna kì, fɔ ŋì i ta so finŋ fɔn bataa rafaa ki sun.

Matiyu 5:18 ပူးပေါင်းရင်းမြစ်များ

Luki 16:17

Kirinpɔli ki fa pwɔkulinŋ kiri ra so kɔ-i, nka Kirinŋ wɔ sariya ki wulubaalinŋ tenŋ a so po san-i nmaŋ kì.

Pyɛɛri (1) 1:25

Nka Ŋuntiŋ ki wɔ wulu ki i tu-a nmaŋ waarinŋ bataa ru. » Niŋ wulu ki i Wulujii ki i, ninwɔ̀ na-i sunjo ábɛɛ tɛ kaa.

Maraka 13:30

Sɛli ki ra, míŋ a ǹʼbi ábɛɛ tɛ ńʼtu jiintɔnŋ ki bataa ra beeni kɔ ka bi kari mabali yìrì i ǹʼnafaa kì.

Jafinŋ ki 20:11

Niŋ kɔɔtɛ, míŋ i masawaalinŋ sinaŋ fɔ bɛɛ ja, ŋí i ǹʼsunsɔɔtɔnŋ ki ja sɛbɛ. Pwɔkulinŋ ki fa kirinpɔli ki i bili san ntiŋ jɛŋ, yìrì ja kili kì.

Yuhana 5:19

Yesu i wulu ki shi, ntiŋ i ǹʼbi kí tɛ tu : « Sɛli ki ra, míŋ a ǹʼbi ábɛɛ tɛ ńʼtu Danshuru ki so-a bi tɔri tenŋ ma-i a yɛrɛtɛ kì, duu ŋì i Tiŋ ki ja-i nwɔ̀ ma-a. Tiŋ ki bi wɔ̀ ma, Danshuru ki yɛrima ki i niŋ bishi ma-a,

Matiyu 17:20

Yesu i ǹʼbi kí tɛ tu : « Sabu ábɔɔ bilinabi ki rakuru-i. Sɛli ki ra, míŋ a ǹʼbi ábɛɛ tɛ, ńʼtu a ábɔɔ bilinabi ki gbɛka ki ji wuru so-ri hali mutaridi daŋ sali, ńʼtu ábɛɛ wuru-ra so ǹʼbi-i tɔnŋ ka tɛ tu : ‹ Jɔrɔkɔ san ka mani ka ru, ŋì i ta sɔɔ kaa keŋ ›, ńʼtu ǹʼwuru-ra ǹʼma. Ábɛɛ wuru-ra waa bi tɔri ra kì.

Matiyu 16:28

Sɛli ki ra, míŋ a ǹʼbi ábɛɛ tɛ, ńʼtu nwɔ̀ri fɔn i kwumaŋ, ńʼtu nini bɛɛ ri ra beeni Koŋ Danshuru ki naanna ki jabali awɔ Masabi ki ru kì. »

Matiyu 13:17

Sɛli ki ra, míŋ i ǹʼbi-a ábɛɛ tɛ, ńʼtu ábɛɛ i nwɔ̀ ja-a jiŋ, ńʼtu cintɔnŋ mwɔɔnna fa koŋ telimaan mwɔɔnna wuru ǹʼtɛ arì i niŋ ja, nka kí ǹʼja kì. Ábɛɛ i nwɔ̀ rama-a, kí wuru ǹʼtɛ arì i niŋ nama, nka kí ǹʼnama kì. »

Matiyu 10:23

A kí na ji ábɛɛ cɔɔri-ra kili ki bɛɛ ra, á bili tiri kili tɔri ra. Sɛli ki ra, míŋ a ǹʼbi ábɛɛ tɛ, tu ábɛɛ ra na Isirayɛli kili kiri bataa ramaanni kɔ, Koŋ Danshuru ki na ki jɛŋ kì.

Matiyu 6:2

A miŋ ji ǹʼtɛ ŋi i shɔɔrinŋ ma gbɛwɔ kiri tɛ, fa niŋ sunjo de mani bataa ru kì. Wulufuulibitɔnŋ kiri mabi kiri i nini i Yawutu kiri wɔ kalinfu kiri ru, niŋ fa kaninwulinŋ kiri fan, nwɔma konaŋ kiri i arì tɔ shɔɔrinŋ bi. Sɛli ki ra, míŋ a ǹʼbi ábɛɛ tɛ, ńʼtu nini arì sali ki kila niŋ i kɔ.

Matiyu 5:26

Sɛli ki ra, míŋ a ǹʼbi miŋ tɛ ńʼtu, a miŋ de niŋ mani ki ru, ńʼtu kɔni wɔ̀ i miŋ na, a miŋ niŋ bataa sali kɔ pewu kì, ńʼtu miŋ a po san niŋ nkasu ki ru kì. »

Yuhana 21:18

Yesu tu Simɔŋ tɛ tu : « Sɛli ki ra, míŋ a ǹʼbi miŋ tɛ ńʼtu miŋ wuru faa ɲɔrɔkɔ waarinŋ wɔ̀ ru, ńʼtu miŋ wuru nʼnukɔli-la nʼyɛrɛtɛ, mani wɔ̀ di nʼtɛ, ŋi i ta niŋ mani ki ru. Nka, a miŋ na bwuubi so, miŋ a na nʼgbɛ ki fɛshi, koŋ tɔri i nʼnukɔli, miŋ i ǹʼtɛ ŋi i ta mani wɔ̀ ru kì, kí i tiri nʼwu niŋ mani ki ru. »

Yuhana 16:23

A niŋ jibi ki na so, ábɛɛ ra na míŋ nanɔri finŋ tɔri tenŋ bi sun kili kì. Sɛli ki ra, míŋ a ǹʼbi ábɛɛ tɛ, ńʼtu ábɛɛ na finŋ woo finŋ nafɛ míŋ Tiŋ ki gbɛ, míŋ tɔ ki wu, ńʼtu kí a na niŋ wɔri ábɛɛ tɛ.

Yuhana 16:20

Sɛli ki ra, míŋ a ǹʼbi ábɛɛ tɛ, ńʼtu ábɛɛ ra na ŋuntan, á i á makwulu wulu bi-ri waarinŋ wɔ̀ ru, juniɲa nu konaŋ kiri ra na arì ciirudi-ri. Ábɛɛ gbɛɛra na tɛɛ, nka ábɔɔ gbɛɛratɛɛ ki a na napwulu ji ciirudibi i.

Yuhana 14:12

Sɛli sɛli ki ra, míŋ a ǹʼbi-a ábɛɛ tɛ ńʼtu konwɔtiŋ bili míŋ na, míŋ i bi wɔ̀ri ma-a, ntiŋ a niŋ bishi ri ma, ntiŋ i na bi ri ma nwɔ̀ri gbɛ-i nini wu, sabu míŋ i tiri-ra Tiŋ ki tɛ.

Yuhana 13:38

Yesu i Pyɛɛri rupwulu tu : « Miŋ tu miŋ a nʼtu, ŋi i beeni míŋ bira, nka sɛli ki ra, míŋ a ǹʼbi miŋ tɛ ńʼtu ɲandaŋ kiri ra so bulu sun, ńʼtu miŋ a ǹʼbi kaan byaŋ, nʼtu miŋ míŋ tɔ-a kì. »

Yuhana 13:16

Sɛli sɛli ki ra, míŋ a ǹʼbi ábɛɛ tɛ ńʼtu joŋ ki gbɛ-a a ŋuntiŋ ki wu kì, cindaŋ ki dumiŋ gbɛ-a a cintɔnŋ ki wu kì.

Yuhana 12:24

Yesu tu sɛbɛ : « Sɛli sɛli ki ra, a bilanaŋ ki de fwuniŋ nu, a ǹʼbeeni kì, ǹʼyɔ tu-a tenŋ i, nka ǹʼja ji gbɛ, ǹʼyɔ so-a daŋ mwɔɔnna pa-i.

Yuhana 10:7

Yesu i ǹʼbi kí tɛ sɛbɛ : « Sɛli sɛli ki ra, míŋ a ǹʼbi ábɛɛ tɛ, ńʼtu mínki saa fu ki tɔnŋ ki i.

Yuhana 10:1

Yesu i ǹʼbi kí tɛ tu : « Sɛli ki ra, míŋ a ǹʼbi ábɛɛ tɛ, ńʼtu konwɔtiŋ i de-a saa fu ki tɔnŋ ki ra kì, fɔ ntiŋ i tunpa-ri ǹʼkwɔ ki sun, ńʼtu nintiŋ i kwunŋ i, niŋ fa fɛɛn ǹʼsuntɔnŋ i.

Yuhana 8:58

Yesu i kí rupwulu : « Sɛli ki ra, míŋ a ǹʼbi ábɛɛ tɛ ńʼtu Aburahamu so-i ji sun, ńʼtu míŋ wuru nmaŋ. »

Yuhana 8:51

Sɛli sɛli ki ra, míŋ a ǹʼbi ábɛɛ tɛ ńʼtu konwɔtiŋ mɔ́ɔ́n wulu kiri pa, ńʼtu nintiŋ a beeni fyewu kì. »

Yuhana 8:34

Yesu i kí rupwulu tu : « Sɛli sɛli ki ra, koŋ finŋ woo finŋ i bijɛ ki ma-a, nintiŋ i bijɛ ki wɔ joŋ i.

Yuhana 6:53

Niŋ ki ra, Yesu tu kí tɛ : « Aawe, sɛli yɛ, míŋ a ǹʼbi ábɛɛ tɛ ńʼtu, a ábɛɛ Koŋ Danshuru ki shɛn ki taa, á i ǹʼcunŋ ki mwunu kì, ńʼtu ɲaninkulutɔnbi a ji ábɛɛ ru kì.

Yuhana 6:47

Sɛli ki ra, míŋ a ǹʼbi ábɛɛ tɛ ńʼtu konwɔtiŋ bilinabi ki ma, ńʼtu nintiŋ ɲaninkulutɔnbi kɔbali ki kila kɔ,

Yuhana 6:32

Nka Yesu i kí rupwulu tu : « Sɛli ki ra, míŋ a ǹʼbi ábɛɛ tɛ, ńʼtu Musa nufinŋ ki wɔri ábɛɛ tɛ ŋì i po kirinpɔlila kì, nka ńʼtu míŋ Tiŋ ki kirinpɔlila nufinŋ ki wɔri-ra ábɛɛ tɛ, ninwɔ̀ i nufinŋ sɛlɛsɛli ki i.

Yuhana 6:26

Yesu i kí rupwulu tu : « Sɛli ki ra, míŋ a ǹʼbi ábɛɛ tɛ ńʼtu ábɛɛ míŋ ceeli-la botɔnsunbi jamaan kiri bira kì, nka tu ábɛɛ nufinŋ wɔ̀ nu-i, á i pyii, ábɛɛ i míŋ ceeli-la ninki bira.

Yuhana 3:11

Míŋ a ǹʼbi miŋ tɛ sɛlɛsɛli ki ra, ńʼtu yibɛɛ i nwɔ̀ tɔ-a, ńʼtu yibɛɛ i niŋ bi-a, yi nwɔ̀ ja-ri, yi i niŋ nakali-li, nka ńʼtu niŋ fa a fɔn na, ábɛɛ bili-la yibɔɔ wulu ki ra kì.

Yuhana 3:5

Yesu tu ntiŋ tɛ tu : « Sɛli ki ra, míŋ a ǹʼbi miŋ tɛ ńʼtu koŋ woo koŋ ji ju fa Ɲiniwɔlinŋ ki baraka ra kì, ńʼtu ntiŋ a so de-i Kirinŋ wɔ Masabi ki ru kì,

Yuhana 3:3

Yesu i ntiŋ nupwulu tu : « Sɛli ki ra, míŋ a ǹʼbi miŋ tɛ, ńʼtu, a konwɔtiŋ ji ǹʼŋunaŋ i kì, ńʼtu ntiŋ a so Kirinŋ wɔ Masabi ki ja-i kì. »

Yuhana 1:51

Ntiŋ tu sɛbɛ : « Sɛli ki ra, míŋ a ǹʼbi ábɛɛ tɛ ńʼtu, ábɛɛ ra na kirinpɔli ki rawwulumaan ki ja, á i Kirinŋ wɔ mɛlɛkɛn kiri jɛrira ki ja pwɔkulinŋ sun, á i yìrì tunpaara ki ja kirinpɔli ki ru Koŋ Danshuru ki bira. »

Luki 23:43

Yesu tu ntiŋ tɛ : « Sɛli ki ra, míŋ i ǹʼbi-a miŋ tɛ, ńʼtu miŋ a de míŋ fan alijina ki ru mìŋ jiŋ. »

Luki 18:29

Yesu tu kalindaŋ kiri tɛ : « Sɛli ki ra, míŋ i ǹʼbi-a ábɛɛ tɛ, ńʼtu koŋ woo koŋ awɔ kaniŋ, walima awɔ mari, walima a tindaŋ, walima a jifinŋ ni fa a daŋ ni tu-i nmaŋ Kirinŋ wɔ Masabi ki bira,

Luki 18:17

Sɛli ki ra, míŋ i ǹʼbi-a ábɛɛ tɛ ńʼtu, koŋ finŋ woo finŋ Kirinŋ wɔ Masabi ki pa-a, miŋ tu daŋ i kì, nintiŋ a de ǹʼnu fyewu kì. »

Luki 13:35

Dɔnsaŋ, ǹʼshɛɛli, Kirinŋ a na ábɛɛ tu á cinancinŋ, áwɔ mani ki i ji mani wɔ ɔ. Míŋ i ǹʼbi-a ábɛɛ tɛ, ńʼtu ábɛɛ ɲaniŋ na tu míŋ na kili kì, fɔ ŋì i ta so waarinŋ wɔ̀ ru, ábɛɛ na ǹʼbi tu : ‹ Nwɔ̀tiŋ i na-a Ŋuntiŋ ki tɔ ra, Kirinŋ baraka de niŋ nu! › »

Luki 12:37

Niŋ na, a ŋununtiŋ ki na, ntiŋ i na fa baaradaŋ wɔ̀ri wu arì ɲaanna, nini a ji koŋ fɛrɛmaan ni i. Míŋ a ǹʼbi ábɛɛ tɛ ńʼtu, sɛli ki ra, ŋununtiŋ ki yɛri ki a na a rukɔli, ntiŋ i awɔ baaradaŋ kiri dɔri tu kí na sɔɔ kí i nufinŋ ki nu, ntiŋ yɛri ki gbɛ ki a na ninwɔ̀ sɔɔ kí tɛ.

Luki 11:51

Ŋì i shi Abɛli cunŋ ki sun, ŋì i ta bo Jakaliya cunŋ ki sun, ninwɔ̀ kilɛn-i Maniwɔlinŋ ki fa Kirinŋ tɛ sarakawɔrɔmaŋ ki faninmwuŋ. Sɛli ki ra, míŋ i ǹʼbi-a ábɛɛ tɛ ńʼtu, jiintɔnŋ ki a ta ranɔri ka bataa sun. »

Maraka 14:30

Yesu tu Pyɛɛri tɛ : « Sɛli ki ra, míŋ a ǹʼbi miŋ tɛ, ńʼtu ɲandaŋ kiri ra so bulu sun kaan fuuli jiŋ, ńʼtu miŋ a ǹʼbi kaan byaŋ, tu miŋ míŋ tɔ-a kì. »

Maraka 14:25

Sɛli ki ra, míŋ a ǹʼbi ábɛɛ tɛ ńʼtu, míŋ a dunfɛnŋ mwunu kili kì, fɔ jibi wɔ̀ míŋ a na dunfɛnŋ ŋunaŋ ki mwunu Kirinŋ wɔ Masabi ki ru. »

Maraka 14:18

Kí sɔɔmaan ki tu-i nufinŋ ki nu-a, Yesu i ǹʼbi tu : « Sɛli ki ra, míŋ a ǹʼbi ábɛɛ tɛ ńʼtu ábɛɛ wɔ̀ri fa míŋ i nufinŋ ki nu-a, ńʼtu ábɛɛ ru koŋ tenŋ a na míŋ de ńʼɲa kiri gbɛfɛ. »

Maraka 14:9

Sɛli ki ra, míŋ a ǹʼbi ábɛɛ tɛ ńʼtu Kirinŋ wɔ Wulujii ki na sunjo juniɲa ki mani woo mani nu, ńʼtu mari ka mabi ki a na bi nmaŋ, konaŋ kiri i arì ɲakilila bo nmari bi tɛ. »

Maraka 12:43

Niŋ na, Yesu i ka kanimari ka ji kalindaŋ kiri wu, ntiŋ i ǹʼbi : « Sɛli ki ra, míŋ i ǹʼbi-a ábɛɛ tɛ, ńʼtu ka kanimari gbɛwɔ ka jalinŋ wɔ̀ bo, ńʼtu ǹʼmwɔ koŋ bataa wɔ wu.

Maraka 11:23

Sɛli ki ra, koŋ finŋ woo finŋ a ǹʼbi ka tɔnŋ ka tɛ : ‹ Jɔrɔkɔ san ka mani ka ru, ŋi i ta nʼyɛri kee bo wɛɛlufinju ki ru ›, ntiŋ i bili ǹʼna, tu afinŋ nwɔ̀ ki bi tu niŋ a ma, a ntiŋ sii ǹʼna kì, niŋ a ma ntiŋ tɛ.

Maraka 10:29

Yesu tu ntiŋ tɛ : « Sɛli ki ra, míŋ i ǹʼbi-a ábɛɛ tɛ, ńʼtu koŋ woo koŋ awɔ kaniŋ, walima a tindaŋ ni, walima a narinmari ri, walima a jifinŋ ni fa a daŋ ni, walima awɔ ji ri tu-i nmaŋ míŋ fa Kirinŋ wɔ Wulujii ki bira,

Maraka 10:15

Ntiŋ tu sɛbɛ : « Sɛli ki ra, míŋ i ǹʼbi-a ábɛɛ tɛ, ńʼtu, koŋ woo koŋ Kirinŋ wɔ Masabi ki pa-a, miŋ tu daŋ i kì, nintiŋ a de ǹʼnu fyewu kì. »

Maraka 9:41

Sɛli ki ra, míŋ a ǹʼbi ábɛɛ tɛ ńʼtu, koŋ woo koŋ i jaakilaŋ kaan tenŋ ju wɔri-ra ábɛɛ tɛ, ǹʼsababu ki i ji tu ábɛɛ Kirisa wɔ kpeeri i, nintiŋ a tu niŋ sali ki kilabali kì. »

Maraka 9:1

Yesu tu awɔ kalindaŋ kiri tɛ sɛbɛ tu : « Sɛli ki ra, míŋ a ǹʼbi ábɛɛ tɛ, ńʼtu ábɛɛ wɔ̀ri i kwumaŋ, ńʼtu ǹʼbɛɛ ri a beeni Kirinŋ wɔ Masabi ki naanna ki jabali sotinbi wu kì. »

Maraka 8:12

Yesu i si faan, ntiŋ i ǹʼbi tu : « Nfɛnŋ ncin-a jiintɔnŋ ki i taanmashɛ ri ceeli-li? Míŋ a ǹʼbi ábɛɛ tɛ, ńʼtu taanmashɛ dantenŋ a ji kí wu kì. »

Maraka 6:11

A kili wɔ̀ ra tiiri ta arì kaan ábɛɛ jɛri ki sun arì gbɛ, kí i arì kaan arì tɔɔnye ábɛɛ tɛ, ábɛɛ pora ki niŋ kili ki ra, á á kanŋ na fwuu kiri tuntu bo niŋ mani nu nmaŋ. Niŋ a ji taanmashɛ ɛ, nwɔ̀ a ji ábɛɛ shɛɛri niŋ koŋ kiri bi sun. »

Maraka 3:28

Sɛli ki ra, míŋ i ǹʼbi-a ábɛɛ tɛ, ńʼtu konanmini wɔ bijɛ kiri bataa so-a tu-i ntiŋ tɛ, ŋì i ta bo ntiŋ wɔ Kirinŋ tɔ li wulu kiri sun.

Matiyu 25:45

Masa ki a na nini nupwulu tu : ‹ Sɛli ki ra, míŋ a ǹʼbi ábɛɛ tɛ, ńʼtu a ábɛɛ ji niŋ bi shɔɔrinŋ ki bishi ma, hali míŋ tindaŋ kiri bataa ru pyaanŋ ki bɛɛ tɛ kì, ábɛɛ ǹʼma míŋ yɛrima ki tɛ niŋ i kì. ›

Matiyu 25:40

Masa ki a na nini nupwulu tu : ‹ Sɛli ki ra, míŋ a ǹʼbi ábɛɛ tɛ, ńʼtu a ábɛɛ ji niŋ bi shɔɔrinŋ ki bishi ma, hali míŋ tindaŋ kiri bataa ru pyaanŋ ki tɛ, ábɛɛ ǹʼma-i míŋ yɛrima ki tɛ niŋ i. ›

Matiyu 25:12

Nka ŋuntiŋ ki i kí rupwulu tu : ‹ Sɛli ki ra, míŋ i ǹʼbi-a ábɛɛ tɛ, míŋ ábɛɛ tɔ-a kì. › »

Matiyu 24:47

Sɛli ki ra, míŋ i ǹʼbi-a ábɛɛ tɛ, ńʼtu ŋununtiŋ ki a na niŋ sɔɔ a gbɛfɛfinŋ kiri bataa ŋununu.

Matiyu 24:2

Yesu i kí rupwulu tu : « Ábɛɛ ɲaniŋ i ka bataa ra kɛ, sɛli ki ra, míŋ a ǹʼbi ábɛɛ tɛ, ńʼtu kwɔ a na tu kwɔ sun ka kwɔ kari ru kì, ǹʼbataa ra na warinka san amaŋ sun. »

Matiyu 23:36

Sɛli ki ra, míŋ i ǹʼbi-a ábɛɛ tɛ, ńʼtu jiintɔnŋ ki a ta ranɔri ka koŋ kilɛnmaan kari bataa cunŋ ki bi sun. »

Matiyu 21:31

Ka daŋ fuuli kari ru, ǹʼdanwɔ ki arì tiŋ ki dintɛ bi ki ma sa? » Konaŋ kiri tu : « Danshuru jɔnɔ ki yɛ. » Yesu tu : « Sɛli ki ra, míŋ a ǹʼbi ábɛɛ tɛ, ńʼtu ɲinisarakɔlɔtɔnŋ kiri fa nankulunmari kiri ra ábɛɛ jɛnkwuru Kirinŋ wɔ Masabi ki ru.

Matiyu 21:21

Yesu tu kí tɛ tu : « Sɛli ki ra, míŋ a ǹʼbi ábɛɛ tɛ, ńʼtu, a ábɛɛ bilinabi ki ma, á sii sii fyewu kì, ńʼtu nwɔ̀ ma-i shɔ jirinŋ ki wu kaa, ńʼtu ábɛɛ ra niŋ bishi ri ma, niŋ bantenŋ i kì, ńʼtu hali ábɛɛ ǹʼbi tu ka tɔnŋ ka a cɛn san a ta ru, tu ŋì i ta a kee wɛɛlufinju ki ru, ńʼtu ŋì a ma ninkunŋ.

Matiyu 19:28

Yesu tu kí tɛ : « Sɛli ki ra, míŋ a ǹʼbi ábɛɛ tɛ, ńʼtu a finŋ bataa na ji ǹʼŋunaŋ i waarinŋ wɔ̀ ru, niŋ fa Koŋ Danshuru ki i na sɔɔ awɔ masawaalinŋ nɔɔritiŋ ki sun, ńʼtu ábɛɛ koŋ bwununfuuli wɔ̀ri ǹʼpa-i míŋ cɛfan, ńʼtu ábɛɛ yɛrima kiri ra na sɔɔ masawaalinŋ bwununfuuli sun, á i Isirayɛli shiya bwununfuuli ki wɔ kiti ki kwuru.

Matiyu 19:23

Yesu tu awɔ kalindaŋ kiri tɛ tu : « Sɛli ki ra, míŋ a ǹʼbi ábɛɛ tɛ, ńʼtu nafulutiŋ derama ki furu kirinpɔlila Masabi ki ru sa! »

Matiyu 18:18

Sɛli ki ra, míŋ a ǹʼbi ábɛɛ tɛ, ńʼtu a ábɛɛ finŋ woo finŋ kɔli pwɔkulinŋ ki sun, tu niŋ a kɔli kirinpɔli ki ra, a ábɛɛ finŋ woo finŋ pili pwɔkulinŋ ki sun, niŋ a pili kirinpɔli ki ra. »

Matiyu 18:3

ntiŋ i ǹʼbi tu : « Sɛli ki ra, míŋ a ǹʼbi ábɛɛ tɛ ńʼtu, a ábɛɛ á rapwulu ji miŋ tu daŋ pyaanŋ ni kì, ńʼtu ábɛɛ ra de kirinpɔlila Masabi ki ru fyewu kì.

Matiyu 11:11

Sɛli ki ra, míŋ i ǹʼbi-a ábɛɛ tɛ, ńʼtu mari tɔri dantenŋ daŋ ji konanmini kiri kanfɛ, tu Wutɔnŋ Yuhana gbɛ nwɔ̀ wu kì. Nka niŋ fa a fɔn na, kirinpɔlila Masabi ki ru koŋ pyaanŋ ki gbɛ-i ntiŋ wu.

Matiyu 10:42

Sɛli ki ra, konwɔtiŋ i jaakilaŋ kaan tenŋ ju wɔri-ra mɔ́ɔ́n kalindaŋ pyaanŋ ka bɛɛ tɛ, ǹʼsababu ki i ji tu mɔ́ɔ́n kalindaŋ i, nintiŋ a tu niŋ sali ki kilabali kì. »

Matiyu 10:15

Sɛli ki ra, míŋ a ǹʼbi ábɛɛ tɛ, ńʼtu kiti kwuru shikaŋ ki ru, ńʼtu Sodɔmu fa Gomɔri kili kiri ru tɔnŋ kiri wɔ kiti ki a na juu so niŋ kili ki wɔ ki tɛ kì. »

Matiyu 8:10

Yesu niŋ wulu ki rama-i waarinŋ wɔ̀ ru, koŋ ki wɔ bi i di ntiŋ tɛ, ntiŋ tu a cɛfantɔnŋ kiri tɛ tu : « Sɛli ki ra, míŋ i ǹʼbi-a ábɛɛ tɛ, ńʼtu míŋ ka bilinabi sinaŋ ka bishi ja Isirayɛlidaŋ ki tɔri tenŋ gbɛ kì.

Matiyu 6:16

Yesu tu : « A ábɛɛ ji sunŋ na waarinŋ wɔ̀ ru, á fa á ɲaannuŋunu miŋ tu wulufuulibitɔnŋ kiri kì. Nini i arì ɲaannuŋunu-na, nwɔma konaŋ kiri i ǹʼtɔ tu arìbɛɛ sunŋ na. Sɛli ki ra, míŋ a ǹʼbi ábɛɛ tɛ, ńʼtu kí arɔɔ sali ki kila niŋ i kɔ.

Luki 4:24

Ntiŋ i ǹʼbi kí tɛ sɛbɛ : « Sɛli ki ra, Kirinŋ wɔ cintɔnŋ teennaanŋ paka shɔ-a awɔ kili la kì.