Matiyu 5:16 - Jɔ Biibili ki

¹⁶ Ábɛɛ sarinŋ ki po konaŋ kiri ɲaanna mìŋ ɲaan tenŋ ki tɛ, nwɔma kí i ábɛɛ mabi shɔɔrinŋ kiri ja, kí i ábɛɛ Tiŋ ki tɔ shɔɔrinŋ bi, ninwɔ̀ i kirinpɔli ki ra. »

Matiyu 5:16 ပူးပေါင်းရင်းမြစ်များ

Matiyu 23:5

Kí i bi finŋ woo finŋ ma-a, kí i niŋ ma-a, nwɔma konaŋ kiri i arìbɛɛ shɛɛli. Niŋ ki ra, kí i Kirinŋ wɔ wulu ki daki ji-a sɛmɛnaŋ tuyituyi ri i, kí i niŋ kɔli-li arì cunu, niŋ fa kí i arɔɔ juulinŋ kiri tɔnŋ na yaaraŋ kiri ji ǹʼŋmaniŋmani ni i.

Matiyu 23:9

Á fa koŋ dantenŋ dɔri ka pwɔkulinŋ ka sun tu á tiŋ i kì, sabu Tiŋ tenŋ pe i ábɛɛ ra, ábɛɛ Tiŋ wɔ̀ i kirinpɔli ki ra.

Matiyu 5:45

A ábɛɛ ji niŋ ma-a, ábɛɛ ra ji á Tiŋ Kirinŋ daŋ ni i, ninwɔ̀ i kirinpɔli ki ra, sabu mìŋ i awɔ sunŋ ki po-a koŋ jɛ kiri fa koŋ shɔɔrinŋ kiri tɛ, ŋì i judaŋ ki wɔri-ri koŋ telimaan kiri fa koŋ telibali kiri tɛ.

Matiyu 6:16

Yesu tu : « A ábɛɛ ji sunŋ na waarinŋ wɔ̀ ru, á fa á ɲaannuŋunu miŋ tu wulufuulibitɔnŋ kiri kì. Nini i arì ɲaannuŋunu-na, nwɔma konaŋ kiri i ǹʼtɔ tu arìbɛɛ sunŋ na. Sɛli ki ra, míŋ a ǹʼbi ábɛɛ tɛ, ńʼtu kí arɔɔ sali ki kila niŋ i kɔ.

Matiyu 6:9

A ábɛɛ ji Kirinŋ nafɛ-a, á ǹʼnafɛ ka ɲaan ka tɛ tu : ‹ Yibɛɛ Tiŋ, ábɛɛ wɔ̀ i kirinpɔli ki ra, ábɛɛ tɔ wɔlinŋ ki gbɛ konaŋ bataa gbɛ.

Matiyu 9:8

Konaŋ kiri niŋ ja-i waarinŋ wɔ̀ ru, kɛmi i de kí ru, kí i Kirinŋ gbɛ-ri, ninwɔ̀ ki ka so ka bishi wɔri-i konanmini tɛ.

Luki 11:2

Yesu tu kí tɛ : « Ábɛɛ ji Kirinŋ nafɛ-a waarinŋ wɔ̀ ru, á ǹʼbi kɔɔn : Yibɛɛ Tiŋ, áwɔ wɔlɔnbi tɔ ki gbɛ. Áwɔ Masabi ki i na.

Yuhana 15:8

A ábɛɛ daŋ pa ǹʼmwɔɔnna, á i ǹʼji tu ábɛɛ mɔ́ɔ́n kalindaŋ ni, míŋ Tiŋ ki a gbɛ ninki ra.

Mabikiri 9:36

Mari bilinatɔnŋ bɛɛ wuru Yope kili ki ru, nwɔ̀ tɔ wuru tu Tabita, kí i nmari dɔri-ri sɛbɛ tu Dɔrikasi. Nmari wuru shɔɔrinŋ ki ma-a waarinŋ bataa ru, nmari i ye-ri gbɛwɔ kiri tɛ.

Korɛntitɔnŋ kiri (1) 14:25

Ntiŋ ciiru bi radumaan kiri ra po taanna, ntiŋ i a kwushiri, ntiŋ i a ɲaannu ki da fwuniŋ sun, ntiŋ i Kirinŋ gbɛ, ntiŋ i ǹʼbi tu « Sɛli ki ra, Kirinŋ i ábɛɛ fan! »

Korɛntitɔnŋ kiri (2) 9:13

Kí ábɔɔ yentɛfinŋ kari ja waarinŋ wɔ̀ ru, kí a ǹʼtɔ tu ábɛɛ koŋ kwuru wɔ̀ri i. Niŋ na, kí a Kirinŋ gbɛ ábɛɛ bira. Sabu, kí a ǹʼja tu ábɛɛ á tu Yesu Kirisa Wulujii ki ra, á i tiri-ri ǹʼwɔ saa ki fan, niŋ fa tu áwɔ gbɛrupilibi ki baraka ra, tu ábɛɛ á tu á i ye arìbɛɛ fa bilinatɔnŋ pyɛ kiri bataa tɛ.

Galasitɔnŋ kiri 1:24

Niŋ ɲaan ki tɛ, kí wuru baraka bi-a Kirinŋ tɛ míŋ bira.

Efɛsitɔnŋ kiri 2:10

Yibɛɛ i finŋ woo finŋ i, ǹʼbataa i po-a Kirinŋ gbɛ. Yesu Kirisa baraka ra, Kirinŋ yibɔɔ ɲaninkulutɔnbi ki faa-a mabi shɔɔrinŋ ni na, ŋì nini wɔ̀ri gbɛbili-i kabi fɔlɔfɔlɔ, nwɔma yi i na yìrì ma.

Efɛsitɔnŋ kiri 5:8

Ábɛɛ wuru mancinŋ i sun, nka dɔnsaŋ ábɛɛ i manisarinŋ i Ŋuntiŋ ki ra. Niŋ na, á tiri miŋ tu manisarinŋ daŋ ni.

Tesalonikitɔnŋ kiri (1) 2:12

Yibɛɛ ábɛɛ racin-i, yi i á siratu, yi i ǹʼbi furu á tɛ, tu á tiri kɛɲɛ Kirinŋ dintɛ bi ki wu. Mìnki ábɛɛ dɔri-i, nwɔma á i de awɔ̀ masabi ki ru, niŋ fa a nɔɔri ki ru.

Timote (1) 2:10

Nka tu kí arì sunye mabi shɔɔrinŋ ni wu. Mari wɔ̀ri i ǹʼbi-a tu arìbɛɛ kɛni-na Kirinŋ jɛŋ, nini mabi kiri i niŋ ɲaan ki tɛ.

Timote (1) 5:10

Nmari kakan-i, nmari tɔ shɔɔrinŋ i ji a mabi kiri ru, nmari i a daŋ kiri rakilika shɔ-ri, nmari i ji jɛshimari shɔɔrinŋ i, nmari ji bilinatɔnŋ kiri kanŋ nawutɔnŋ i, nmari i yɛlinkɔni kiri sunmakwulupa-ri, nmari i bi shɔɔrinŋ kwuru ki bataa ma-ni.

Timote (1) 5:25

Mìŋ ɲaan tenŋ ki tɛ, mabi shɔɔrinŋ kiri i arì yɛri ji-a manisarinŋ ki tɛ, hali nwɔ̀ri po manisarinŋ ki tɛ jona kì, nini nadumaan na tu nmaŋ kì.

Timote (1) 6:18

Ǹʼbi kí tɛ, tu kí shɔɔrinŋ ma, tu kí i ji fintiŋ ni i, mabi shɔɔrinŋ ki ra, kí i arì gbɛ rupili, kí i ji koŋ katiiri i.

Tite 2:14

Mìnki a yɛri wɔri-i yibɛɛ bira, ŋì i yi ŋunsan po san bijɛ kwuru ki bataa ru, niŋ fa ŋì i yi ji shiya fɔɔmaan ni i, awɔ bo ru, nwɔma yi i so yi cɛrukɔli-i, yi i baara shɔɔrinŋ ma waarinŋ bataa ru.

Tite 2:7

Miŋ yɛrima ki ji ɲaanjitɔnŋ sɔbɛ ɛ, bi shɔɔrinŋ ma ki ra bi bataa ru. A miŋ ji kí kali-la, nʼciiru fɔɔ kí tɛ, niŋ fa ŋi i ǹʼji kí wu, tu miŋ sɔbɛ ra bi i.

Tite 3:14

Yibɛɛ tindaŋ kiri kakan-i, kí i arì yɛri kini bi shɔɔrinŋ ma ki ra, nwɔma kí i so ye-i ǹʼbɛɛ ri tɛ arì fɔɔn bi kwulumaan kiri ra, kí kakan kí i ji koŋ kulu bali li i kì.

Tite 3:4

Nka yibɛɛ Mwutɔnŋ Kirinŋ awɔ shɔɔrinŋ ki fa awɔ bidintɛbi ki ji-i waarinŋ wɔ̀ ru konaŋ kiri wu, ŋì yibɛɛ mwu-i.

Iburu kiri 10:24

Yi yi banba yimaŋ sun, nwɔma yi i ye yimaŋ tɛ, yi i bidintɛbi saa ki tiri, niŋ fa yi i mabi shɔɔrinŋ ni ma-ni.

Pyɛɛri (1) 2:12

Á á tirika ki tɔ koŋ tɔri kiri kanfɛ, nwɔma, hali kí ji ábɛɛ tɔ jɛ bi-a mani wɔ̀ ru, kí i á ji-ri bi kulinŋ matiiri i, kí i á mabi shɔɔrinŋ kiri ja. A niŋ ma, a Kirinŋ na a yɛri ji kí wu jibi wɔ̀, kí a na ǹʼgbɛ ábɔɔ mabi shɔɔrinŋ kiri bira.

Pyɛɛri (1) 2:9

Nka, ábɛɛ kɔniŋ i Kirinŋ wɔ shiya ɲaannashimaan a, á i ji sarakawɔrɔtɔnŋ masa ri i, niŋ fa shiya wɔlinŋ i, Kirinŋ nwɔ̀ ŋunsan-i, nwɔma ábɛɛ i awɔ shɔɔrinŋ mamaan kiri sunjo, afinŋ wɔ̀ ki ábɛɛ cɛɛn po san-i mancinŋ ki ru, a i na á wu awɔ manisarinŋ jii ki ru.

Pyɛɛri (1) 3:1

Mari ri, ábɛɛ yɛrima kiri á kulu á shinŋ kiri tɛ, nwɔma hali kí ru, a ǹʼbɛɛ ri ji arì kaan-na Kirinŋ wɔ wulu ki rama, nini i so ji-i ǹʼtɛ ábɛɛ tirika ɲaan ki bira, ŋì fa so ábɔɔ wulubi ru kì,

Pyɛɛri (1) 3:16

Nka á niŋ ma sunjɛribi niŋ fa gbɛbi wu. Á áwɔ bi kiri ma ciirufɔɔbi wu, nwɔma hali nwɔ̀ri i ábɛɛ tɔ jɛ bi-a, miŋ tu ábɛɛ ra ji bijɛ ma, kí i á ki-ri á tirikanŋ shɔɔrinŋ ki bira Kirisa ra, nini bi wulu kiri i kí yɛrima kiri ɲaankwun.

Pyɛɛri (1) 4:11

A konwɔtiŋ ji wulubitɔnŋ i, niŋ wulu ki bi ŋì i kɛɲɛ Kirinŋ wɔ wulu ki wu. Nwɔ̀tiŋ ji baara ma-a koŋ tɔri tɛ, ntiŋ niŋ ma ŋì i kɛɲɛ Kirinŋ wɔ faan wɔrimaan ki wu a tɛ, nwɔma gbɛbi i bili Kirinŋ sun, Yesu Kirisa baraka ra bi bataa ra. Nɔɔri fa sotinbi i mìnki wɔ waaci bataa ru. Amiina!

Pyɛɛri (1) 4:14

A konaŋ kiri ji ábɛɛ ki-a, tu nfɛnŋ na ábɛɛ ji Kirisa wɔ ri, ábɔɔ shɔ-i, sabu Kirinŋ ɲini nɔɔritiŋ ki i ábɛɛ ru.