Matiyu 5:12 - Jɔ Biibili ki

¹² Á á yoori á i á ciirudi, sabu sali sinaŋ i ábɛɛ gbɛ kirinpɔli ki ra. Á bili ǹʼna tu cintɔnŋ wɔ̀ri de-i ábɛɛ jɛŋ, tu kí nini cɔɔri mìŋ ɲaan ki tɛ. »

Matiyu 5:12 ပူးပေါင်းရင်းမြစ်များ

Matiyu 16:27

A Koŋ Danshuru ki na na Tiŋ ki nɔɔri ki ru, niŋ fa awɔ mɛlɛkɛn kiri wu, ntiŋ a na koŋ fɔn tenŋ tenŋ sali, ŋì i kɛɲɛ a mabi wu.

Matiyu 6:16

Yesu tu : « A ábɛɛ ji sunŋ na waarinŋ wɔ̀ ru, á fa á ɲaannuŋunu miŋ tu wulufuulibitɔnŋ kiri kì. Nini i arì ɲaannuŋunu-na, nwɔma konaŋ kiri i ǹʼtɔ tu arìbɛɛ sunŋ na. Sɛli ki ra, míŋ a ǹʼbi ábɛɛ tɛ, ńʼtu kí arɔɔ sali ki kila niŋ i kɔ.

Luki 13:34

Yesu tu sɛbɛ : « Heyi! Yerusalɛmutiiri, Yerusalɛmutiiri, ábɛɛ wɔ̀ri i Kirinŋ wɔ cintɔnŋ kiri kilɛn-a, ŋì nwɔ̀ri cin na-i á tɛ, á i nini jɛri-ri kwɔ ra, fɔ á i kí kilɛn-ni. Waaci mwɔɔnna, míŋ wuru ǹʼtɛ, ŋí i ábɛɛ rakɔli bo ámaŋ sun, miŋ tu ɲaŋ ɲiŋ i a daŋ ni nakɔli-la a cibi fɛ ɲaan wɔ̀ tɛ, nka ábɛɛ á tu kì.

Luki 6:23

A kí ji niŋ ma-a ábɛɛ wu waarinŋ wɔ̀ ru, á á ciirudi, á i á yoori, sabu sali sinaŋ i ábɛɛ gbɛ kirinpɔli ki ra. Kí tiŋ cɛɛnni kiri fani Kirinŋ wɔ cintɔnŋ kiri cɔɔri wuru mìŋ ɲaan ka tɛ.

Luki 6:35

Nka á á ɲa kiri bidi á tɛ, á i shɔɔrinŋ ma-ni kí tɛ. A kɔni ki ye, á fa niŋ ma shɛsan ɲakili wu kì. Niŋ na, ábɔɔ sali ki a mwɔ, niŋ fa ábɛɛ ra ji Kirinsinaŋ daŋ ni i, sabu niŋ i shɔɔrinŋ ma-a shɔɔrinŋ tɔbali kiri fa koŋ jɛ kiri tɛ.

Mabikiri 16:25

Wɔkila ki ru, Pooli fa Silasi i Kirinŋ nafɛ-ri, kí i Kirinŋ gbɛ shu ri pɔri-ri. Nkasudaŋ pyɛ kiri i arì tɔɔnye-ri kí tɛ.

Mabikiri 5:41

Cindaŋ kiri i po san kitikwurumaŋ ki ru, kí i tiri. Kí ciirudi wuru-i, sabu kɔ́ɔ́ ɲaankwunŋ kilamaan ki Yesu bira, kí niŋ ji wuru gbɛbi i.

Ɔrɔmutɔnŋ kiri 5:3

Niŋ bantenŋ i kì, yi i yi ciirudi-a yi cɔɔri bi kiri bira sɛbɛ, sabu yibɛɛ ǹʼtɔ-i, tu cɔɔri ki cɛrukɔlibi wɔri-ra konanmini tɛ.

Korɛntitɔnŋ kiri (1) 3:8

Nwɔ̀tiŋ finŋ ki firi-i niŋ fa nwɔ̀tiŋ ju ki bo-i ǹʼna, nini koŋ fuuli ki fɔn i finŋ tenŋ ni i, Kirinŋ a na kí fɔn sali, ŋì i kɛɲɛ kí fɔn tenŋ tenŋ wɔ baara mamaan ki wu.

Korɛntitɔnŋ kiri (2) 4:17

Sɛli ki ra, yibɛɛ i cɔɔri wɔ̀ kila-a dɔɔ, niŋ gbɛ-i, nka niŋ finŋ tɔri kì, sabu yibɛɛ ra ta gbɛbi wɔ̀ kila niŋ cɔɔri ki bira niŋ gbɛ-i kusɛbɛ, ǹʼfani dumiŋ kɔ-a kì.

Filipitɔnŋ kiri 1:29

Kirinŋ ka shɔɔrinŋ ka ma ábɛɛ tɛ, nwɔma á i bili bantenŋ tan Kirisa ra kì dɛ! Nka ŋì ǹʼma-i, nwɔma ábɛɛ i cɔɔri ǹʼbira sɛbɛ.

Filipitɔnŋ kiri 2:17

Hali míŋ cunŋ ki ji-a kɔnkɔli, niŋ i sɔɔ ábɔɔ bilinabi baara ki i nafaa Kirinŋ ɲaanfɛ, míŋ a ńʼciirudi niŋ na, ŋí i ńʼyoori ábɛɛ bataa fan.

Kɔlɔsitɔnŋ kiri 1:24

Dɔnsaŋ, míŋ i ńʼyoori-ra ńʼwɔ cɔɔri kilamaan ki ra ábɛɛ bira, sabu nwɔ̀ cin wuru Kirisa wɔ cɔɔri ki ra, míŋ i niŋ nafaa-ra ńʼfiri ki wu, Kirisa firi ki tɛ, ninwɔ̀ i bilinatɔnŋ kwuru kiri i.

Kɔlɔsitɔnŋ kiri 3:24

Sabu, á ǹʼtɔ tu Ŋuntiŋ ki a tɔnŋ wɔri awɔ kiri tɛ finŋ wɔ̀ bira, tu ábɛɛ ra lu kila, nwɔ̀ a ji ábɔɔ sali ki i. Ábɛɛ Ŋuntiŋ sɛlɛsɛli ki, niŋ i Kirisa, á baara ki ma niŋ tɛ.

Tesalonikitɔnŋ kiri (1) 2:15

Mìŋ Yawutu kiri Ŋuntiŋ Yesu kilɛn-i, kí i cintɔnŋ kiri kilɛn sɛbɛ. Kí i ji yibɛɛ yɛrima kiri cɔɔri. Kɔ́ɔ́ bidi Kirinŋ tɛ kì, niŋ fa kí i ji koŋ bataa ɲa a.

Iburu kiri 10:34

Sɛli ki ra, ábɛɛ nkasudaŋ kiri sunmakwulupa-i arɔɔ ɲaanfɛkwulu ki ru. Á i ji á tu, á i á gbɛfɛfinŋ kiri tu arì mwu santɔnŋ kiri gbɛ ciirudibi wu, sabu ábɛɛ tu nafulu tɔri ábɛɛ gbɛ, tu nwɔ̀ pari niŋ wu, niŋ fa tu nwɔ̀ kɔ-a kì.

Iburu kiri 11:26

Ntiŋ i a tu, ntiŋ i nufyɛ Kirisa sali, ntiŋ niŋ shɛɛli-i nafulu sinaŋ i, ŋì i fwuu Misira kɛniŋ ki fa a ru nafulu mwɔɔnna ki sun, sabu ntiŋ wuru-ra na sali wɔ̀ kila, ntiŋ ɲaniŋ wuru niŋ na.

Iburu kiri 11:33

Bilinabi ki ncin-i, nini i so kila masa ri sun. Bilinabi ki i ncin, kí i bi telimaan ni ma, kí i finŋ tɔnŋ wɔrimaan ni kila, kí i jari ri tɔnŋ nakɔli,

Iburu kiri 11:6

A bilinabi ki sababu ji-i kì, koŋ tɔri tenŋ bi a so di-i Kirinŋ tɛ kì, sabu nwɔ̀tiŋ i a kpari-ra Kirinŋ tɛ, nintiŋ kakan-i ntiŋ i bili ǹʼna, tu Kirinŋ i nmaŋ, ŋì i a ceelitɔnŋ kiri sali-li.

Yakuba 1:2

Ńʼtindaŋ ni, a cɔɔri finŋ woo finŋ á kila Yesu bira, á niŋ ji á ciirudi ŋuŋ i.

Yakuba 5:10

Ńʼtindaŋ ni, Kirinŋ wɔ cintɔnŋ wɔ̀ri wulubi-i Ŋuntiŋ ki bi sun, á ji nini nakitiiri i arɔɔ ɲaanfɛkwulu ki fa arɔɔ tɔnsunfili ki ra.

Pyɛɛri (1) 4:13

Nka, ábɛɛ kakan-i á i á ciirudi, sabu ábɛɛ lu kila-i Kirisa wɔ cɔɔri ki ra, nwɔma a Kirisa na na awɔ nɔɔri ki wu waaci wɔ̀ ru, á i so á ciirudi-i, á i á yoori kusɛbɛ.

Uruti 2:12

Miŋ ninwɔ̀ ma-i, Ŋuntiŋ Kirinŋ nʼsali nini bataa ra. Aawe, Ŋuntiŋ Kirinŋ ki, Isirayɛlitɔnŋ kiri wɔ Kirinŋ ki nʼsalika shɔ nʼwɔ shɔɔrinŋ mamaan ki ra, miŋ na-i nʼbiye ninwɔ̀ gbɛsun. »