Matiyu 4:12 - Jɔ Biibili ki

¹² Yesu ǹʼnama-i tu Wutɔnŋ Yuhana pa bo nkasu ru waarinŋ wɔ̀ ru, ntiŋ i tiri Galile sɔɔta ki ru,

Matiyu 4:12 ပူးပေါင်းရင်းမြစ်များ

Matiyu 11:2

Niŋ waari ru, Wutɔnŋ Yuhana i tu nkasu ki ru, ntiŋ i Kirisa mabi kiri rakali wulu kiri rama-ni. Ntiŋ i awɔ kalindaŋ kiri bɛɛ ri cin Yesu ranɔri tu :

Matiyu 14:3

Sɛli yɛ, Ɛrɔdi Wutɔnŋ Yuhana pa kɔli bo wuru nkasu ru. Ntiŋ niŋ ma wuru a pwaŋ Filipu wɔ mari Ɛrɔdiyadi bira.

Maraka 1:14

Yuhana pa bo-i nkasu ki ru waarinŋ wɔ̀ ru, Yesu i ta Galile sɔɔta ki ru, ntiŋ i ta Kirinŋ wɔ Wulujii ki sunjo.

Maraka 6:17

Ɛrɔdi yɛrima ki ǹʼbi wuru tu Yuhana ta pa, kí i ntiŋ kɔli bo nkasu ru, sabu Yuhana jɛbi wuru ntiŋ gbɛ tu : « Ŋì i kɛɲɛ sariya ki wu, miŋ kakan ŋi i nʼtindaŋ ki wɔ mari ki cɛn ji nʼwɔ kì. » Yuhana niŋ bi wuru-i, sabu Ɛrɔdi a tindaŋ Filipu wɔ mari Ɛrɔdiyadi cɛn ji wuru awɔ mari i.

Luki 23:5

Nka kí i ǹʼbi furu Pilati tɛ sɛbɛ : « Ka koŋ ka i konaŋ kiri ruye-a, awɔ kalinŋ ki wu Yude sɔɔta ki bataa ru, ŋì i shi Galile fɔ ŋì i na so kwumaŋ. »

Luki 3:20

Ntiŋ i ǹʼbɛɛ bo awɔ bi kulinŋ mamaan ki sun sɛbɛ, ntiŋ i Yuhana pa bo nkasu ru.

Luki 4:14

Yesu a pwulu ta-i Galile sɔɔta ki ru, Ɲiniwɔlinŋ ki wɔ so ki wu. Ntiŋ tɔ ki i niŋ sɔɔta ki bataa rapo.

Luki 4:31

Yesu i ta Galile sɔɔta ki ru kili tɔri ra, nwɔ̀ tɔ ki i tu Kafarinawumu. Ntiŋ i konaŋ kiri kali-li Nufaan jibi kiri sun niŋ mani nu.

Yuhana 1:43

Niŋ sisarifuluntɔnŋ ki, Yesu wuru ǹʼtɛ a i tiri Galile sɔɔta ki ru. Ntiŋ fa Filipu i fu, ntiŋ tu niŋ tɛ : « Ǹʼpa míŋ cɛfan! »

Yuhana 2:11

Niŋ ji-i Yesu wɔ taanmashɛ jɔnɔ mamaan ki i, ntiŋ ninwɔ̀ ma-i Kana kili ki ra Galile sɔɔta ki ru, ntiŋ i a nɔɔri ki ji. Ntiŋ wɔ kalindaŋ kiri i bili ntiŋ na.

Yuhana 3:24

Niŋ waarinŋ ki ru, Yuhana bo-ri nkasu ki ru sun kì.

Yuhana 4:43

Niŋ sunŋ fuuli ki kɔɔtɛ, Yesu i a pwulu tiri Galile.

Yuhana 4:54

Niŋ i Yesu wɔ taanmashɛ fuluntɔnŋ mamaan ki i, ntiŋ pwulumaan ki kɔɔtɛ, ntiŋ i po Yude sɔɔta ki ru, ntiŋ i na Galile.