Matiyu 3:7 - Jɔ Biibili ki

⁷ Farinsiyɛnŋ kiri mwɔɔnna fa Sadusiyɛnŋ kiri mwɔɔnna wuru na-a arì wu-ri ntiŋ gbɛ. Ntiŋ wuru ǹʼbi-a kí tɛ tu : « Ábɛɛ fɔnfɔniŋ daŋ kari! Nkɛnŋ ábɛɛ racin tu á bili po san Kirinŋ wɔ tɔnkwulu naanna ki jɛŋ sa?

Matiyu 3:7 ပူးပေါင်းရင်းမြစ်များ

Matiyu 12:24

Farinsiyɛnŋ kiri niŋ nama-i waarinŋ wɔ̀ ru, kí tu : « Koŋ ka i ɲinijɛ kiri kwɔ po san-a konaŋ kiri ru ɲinijɛ kiri ŋununtiŋ Bɛlinsebulu wɔ so ki wu. »

Matiyu 12:34

Ábɛɛ fɔnfɔniŋ kari! Ábɛɛ ra so ji-i wulu shɔɔrinŋ bitɔnŋ ni á tɔnŋ na dɔɔkunŋ, ŋì i bijɛ ki faamaan ki tu ábɛɛ ciiru. Bi wɔ̀ faa koŋ cii ki ru, nʼtɔnŋ ki i ninki bi-a.

Matiyu 15:12

Niŋ ma-i, kalindaŋ kiri i arì kpari Yesu tɛ, kí i ǹʼbi ntiŋ tɛ : « Ábɛɛ ǹʼtɔ tu ábɔɔ wulu ki Farinsiyɛnŋ kiri yaa kì wa? »

Matiyu 16:1

Farinsiyɛnŋ kiri fa Sadusiyɛnŋ kiri i arì kpari Yesu tɛ, kí i arì bo ntiŋ fɛ, tu ntiŋ taanmashɛ ki bɛɛ ma, ŋì i po kirinpɔlila.

Matiyu 16:6

Yesu tu kí tɛ : « Á á yɛri paka tɔ Farinsiyɛnŋ kiri fa Sadusiyɛnŋ kiri wɔ bwuru tuutuufinŋ ki kɛlina dɛ! »

Matiyu 22:15

Niŋ ɲaan ki tɛ, Farinsiyɛnŋ kiri i tiri arì manja, nwɔma arì i Yesu pa a yɛrima ki daru wulu wu.

Matiyu 22:23

Sadusiyɛnŋ kiri wuru kpeeri i, nwɔ̀ri bili-li konkwuu kiri ŋmɛnibi ki ra kì. Nini bɛɛ ri i arì kpari Yesu tɛ, kí i ntiŋ nanɔri :

Matiyu 22:34

Farinsiyɛnŋ kiri na-i ǹʼtɔ tu Yesu wulu kɔ Sadusiyɛnŋ kiri daru waarinŋ wɔ̀ ru, nini i arì rakɔli na.

Matiyu 23:33

Ábɛɛ myɛɛn juumaan kari! Ábɛɛ fɔnfɔniŋ daŋ kari! Ábɛɛ cirasun tu ábɛɛ ra á mwu jaanama ki wu dɔɔkunŋ?

Matiyu 5:20

Sɛli ki ra, míŋ a ǹʼbi ábɛɛ tɛ ńʼtu ábɔɔ telibi ki ja ji fwuu sariya kalimɔɔ kiri fa Farinsiyɛnŋ kiri wɔ ki sun kì, ńʼtu ábɛɛ ra de kirinpɔlila Masabi ki ru kì. »

Maraka 12:13

Kí i ta Farinsiyɛnŋ kiri fa Ɛrɔdi wɔ tondaŋ kiri bɛɛ ri bo na Yesu tɛ, nwɔma nini i na wulu curu de ntiŋ daru, arì i so pa ŋuŋ kila-i ntiŋ na.

Maraka 12:18

Sadusiyɛnŋ kiri wuru kpeeri i, nwɔ̀ri bili-li konkwuu kiri ŋmɛnibi ki ra kì. Nini bɛɛ ri i arì kpari Yesu tɛ, kí i ntiŋ nanɔri :

Maraka 8:15

Yesu i ǹʼbi furu awɔ kalindaŋ kiri tɛ tu : « Á á yɛri paka tɔ Farinsiyɛnŋ kiri fa Ɛrɔdi wɔ bwuru tuutuufinŋ ki kɛlina. »

Luki 16:14

Jalinŋ ki bidi wɔ̀ tan-i Farinsiyɛnŋ kiri tɛ, nini Yesu wɔ wulu kari rama-i waarinŋ wɔ̀ ru, kí i yɛtan bo-ri ntiŋ sun.

Luki 18:11

Farinsiyɛnŋ ki i tu, wú i Kirinŋ nafɛ-ri a ciiru, wú tu : ‹ Kirinsinaŋ, míŋ i baraka bi-a ábɛɛ tɛ, sabu míŋ fa koŋ pyɛ kiri tenŋ i kì. Nini i kwunŋ tan-a, kí i bijɛ ma-ni, niŋ fa kí i kakaalibi ma-ni. Míŋ i baraka bi-a ábɛɛ tɛ, sabu míŋ miŋ tu ɲinisarakɔlɔtɔnŋ ka i kì.

Luki 7:30

Nka Farinsiyɛnŋ kiri fa sariya kalimɔɔ kiri arì kaan wuru arì wu Yuhana gbɛ, niŋ i ǹʼji tu kí arì kaan Kirinŋ wɔ bi gbɛbilimaan kiri tɛ arì tɛ.

Yuhana 1:24

Koŋ wɔ̀ri bo na wuru Yuhana tɛ, nini wuru Farinsiyɛnŋ kiri wɔ kwuru ki ru.

Yuhana 8:44

Ábɛɛ tiŋ ki i shitaanni i, ábɛɛ i ǹʼtɛ á i ǹʼnaki a dintɛ bi ki ru. Kabi juniɲa tɔnpa waari ki ru, koŋ kilɛntɔnŋ yɛ, ŋì a tu ja-i sɛli ki ra sun kì, sabu sɛlitiŋ i kì. A ǹʼji puru ki bi-a waarinŋ wɔ̀ ru, ŋì i a yɛri ki ɲaan ki ji-a, sabu purubitɔnŋ yɛ, puru ki tiŋ ki i ji-i.

Yuhana 9:40

Farinsiyɛnŋ wɔ̀ri wuru niŋ mani nu nmaŋ, nini niŋ wulu ki rama-i, kí i Yesu ranɔri tu : « Yibɛɛ yɛrima kiri i ɲaanfwuu ri i wa? »

Mabikiri 15:5

Nka, bilinatɔnŋ bɛɛ ri wuru nmaŋ, nini wuru Farinsiyɛnŋ ni i. Nini bɛɛ ri i jɔrɔkɔ tu, kí i ǹʼbi tu : « Waajibi yɛ, tu shiya tɔri wɔ̀ri bili Yesu ra, tu kí kakan kí i sɔɔpeefɛ, niŋ fa kí kakan kí i Musa wɔ sariya kiri bataa rasɔɔ. »

Mabikiri 20:31

Niŋ ki ra, á á ɲakili tu á yɛri ra, á i ǹʼtu á ciiru tu jiri byaŋ ciiru, tu míŋ ábɛɛ bataa tenŋ tenŋ nacin cii fa sunŋ, fɔ ŋí i ɲaannaju po á bira.

Mabikiri 26:5

A kí ji ǹʼtɛ arì i sɛli bi, kí ǹʼtɔ-i waaci ŋmani na nmaŋ, tu míŋ wuru Farinsiyɛnŋ kiri wɔ toŋ ki ru, ninwɔ̀ i yibɔɔ dinɛ ki ru saa furumaan ki i.

Mabikiri 5:17

Niŋ ki ra, cindaŋ kiri ɲaannajuubi i de Kirinŋ tɛ sarakawɔrɔtɔnŋ kiri ŋununtiŋ sinaŋ ki fa a cɛfantɔnŋ kiri ru, nini wɔ̀ri wuru Sadusiyɛnŋ ni i.

Ɔrɔmutɔnŋ kiri 1:18

Sɛli ki ra, koŋ wɔ̀ri Kirinŋ gbɛ-a kì, kí i arɔɔ telibalibi kiri sɔɔ-ri, kí i ǹʼwɔ sɛli ki radu-ri, Kirinŋ awɔ tɔnkwulu ki ji-i nini bataa wu, ŋì i po kirinpɔli ki ra.

Ɔrɔmutɔnŋ kiri 5:9

Dɔnsaŋ, yibɛɛ jimaan ki koŋ telimaan ni i Kirisa cunŋ ki baraka ra, sii ǹʼna ǹʼnu kì, yibɛɛ ra yi mwu Kirinŋ wɔ tɔnkwulu ki wu ntiŋ baraka ra.

Tesalonikitɔnŋ kiri (1) 1:10

Niŋ fa tu ábɛɛ Kirinŋ Danshuru Yesu na ki sunsuu-ra, ŋì i po kirinpɔli ki ra, Kirinŋ ninwɔ̀ ŋmɛni po san-i konkwuu kiri kanfɛ, ŋì i yibɛɛ mwu-ni Kirinŋ wɔ tɔnkwulu naanna ki wu.

Iburu kiri 11:7

Bilinabi ki ncin-i, Nawu i Kirinŋ wɔ wulu ki pa a sɔbɛ ra, waarinŋ wɔ̀ ru ŋì i bi ri ji-i ntiŋ wu, nwɔ̀ri bishi ma ja-ri sun kì, ntiŋ i kwurinŋ sinaŋ pyirimaan namɔni, ntiŋ wɔ kaniŋ ki i a mwu. Niŋ ma-i, ntiŋ wɔ bilinabi ki i kiti ki fɛɛn juniɲa ki sun, Kirinŋ i ntiŋ wɔ bilinabi ki ji ntiŋ gbɛ telibi i.

Iburu kiri 6:18

Niŋ ɲaan ki tɛ, Kirinŋ i bi rapwulubali fuuli ji yibɛɛ wu, ŋì a puru bi nwɔ̀ri ru fyewu kì. Niŋ bi kiri i cunadi bi sinaŋ ni i yibɛɛ gbɛ, yibɛɛ wɔ̀ri yi gbɛ faa niŋ gbɛbilimaŋ tɔnŋ wɔrimaan ki ru.

Yuhana (1) 3:10

Kirinŋ daŋ kiri fa shitaanni daŋ kiri i tɔ po san-a arìmaŋ nu ka ɲaan ka tɛ : koŋ woo koŋ bi telimaan ma-a kì, nintiŋ po Kirinŋ nu kì, niŋ fa koŋ woo koŋ a tindaŋ ki bidi-a a tɛ kì, nintiŋ po Kirinŋ nu kì.