Matiyu 3:5 - Jɔ Biibili ki

⁵ Konaŋ ki wuru po yiri-ra Yerusalɛmu, fa Yude sɔɔta ki mani ki bataa ru, niŋ fa Yurudɛn baa ki tonfan mani kiri bataa ru, kí i na-ni Yuhana tɛ.

Matiyu 3:5 ပူးပေါင်းရင်းမြစ်များ

Matiyu 2:1

Yesu ji-i niŋ ɲaan ki tɛ Bɛtilɛhɛmu, Yude sɔɔta ki ru, masa Ɛrɔdi wɔ sunŋ ki ra. Ntiŋ jimaan ki ra, bitɔtɔnŋ bɛɛ ri i po sunfalimwuŋ, kí i na so Yerusalɛmu. Nini wuru sɔriniŋ tɔtiiri i.

Matiyu 4:25

Konaŋ mwɔɔnna wuru ntiŋ cɛfan. Nini nu, ǹʼbɛɛ ri wuru po-a Galile sɔɔta ki ru, ǹʼtɔri ri po-ri Dekapɔli fa Yerusalɛmu, niŋ fa Yude fa Yurudɛn baa ki kɔɔtɛ kɛniŋ kiri ru.

Maraka 1:5

Yude sɔɔta ki ru tɔnŋ kiri fa Yerusalɛmutɔnŋ kiri bataa wuru po tiri-ra ntiŋ tɛ. Kí wuru arì tu-a arɔɔ bijɛ kiri ra, niŋ kɔɔtɛ, Yuhana i kí wu-ri Yurudɛn baa ki ru.

Luki 16:16

Fɔlɔfɔlɔ, Kirinŋ wɔ sariya ki fa Kirinŋ wɔ cintɔnŋ kiri wɔ wulu kiri wuru sɔɔ-ra konaŋ kiri i kali-li, fɔ ŋì i na so Wutɔnŋ Yuhana wɔ waaci ki sun. Ŋì i shi niŋ sun sa, Kirinŋ wɔ Masabi ki ru Wulujii ki i sunjo-a konaŋ kiri tɛ. Koŋ bataa i a sunfuru-ra kí i demaŋ ceeli-li niŋ Masabi ki ru.

Luki 3:3

Niŋ ki ra, Yuhana i tiri Yurudɛn baa tonfan mani kiri bataa ra. Ntiŋ wuru ǹʼsunjo-a konaŋ kiri tɛ tu kí ntɔri bi arɔɔ bijɛ mamaan kiri ra, kí i na Kirinŋ tɛ, kí i wu, nwɔma Kirinŋ i kɔ́ɔ́ bijɛ kiri tu kí tɛ.

Luki 3:7

Jama wɔ̀ri wuru ta-a Yuhana tɛ, tu arì wu, ntiŋ wuru ǹʼbi-a nini tɛ : « Ábɛɛ fɔnfɔniŋ daŋ kari! Nkɛnŋ ábɛɛ racin á i bili po san-ni Kirinŋ wɔ tɔnkwulu naanna ki jɛŋ sa?

Yuhana 3:23

Yuhana yɛri ki i konaŋ kiri wu-ri Ayinɔn, ninwɔ̀ i Salimu tɔntɛ, sabu ju ki mwɔ wuru niŋ mani nu, konaŋ ki i na-ni ntiŋ tɛ nmaŋ.

Yuhana 5:35

Sɛli ki ra, Yuhana ji-i miŋ tu sifilɛn cumaan, nwɔ̀ sarinŋ i po-a ábɛɛ faninmwuŋ, nka ábɛɛ á ciirudi-i ǹʼsarinŋ ki tɛ, waarinŋ pyaanŋ bantenŋ nu.