Matiyu 3:2 - Jɔ Biibili ki

² Ntiŋ wuru ǹʼbi-a kí tɛ tu : « Á ntɔri bi áwɔ bijɛ kiri ra, sabu kirinpɔlila Masabi ki waari ki myɛ-i. »

Matiyu 3:2 ပူးပေါင်းရင်းမြစ်များ

Matiyu 10:7

Á tirira ki, á ǹʼsunjo ta-ri konaŋ ki tɛ, tu kirinpɔlila Masabi ki myɛ kɔ.

Matiyu 11:20

Yesu awɔ botɔnsunbi mwɔɔnna kiri ma wuru kili wɔ̀ri ra, ntiŋ i jɛbi ki tɔnpa nini gbɛ, sabu yìrì ru konaŋ kiri ntɔri bi-ri arɔɔ bijɛ kiri ra kì.

Matiyu 12:41

Kiti kwuru shikaŋ ki ru, Nininfɛtɔnŋ kiri ra na jɔrɔkɔ tu, kí i kiti ki fɛɛn jiintɔnŋ ki sun, sabu kíbɛɛ ntɔri bi-i arɔɔ bijɛ kiri ra, cintɔnŋ Yonasi wɔ Kirinŋ wɔ wulu sunjomaan ki bira, kí i arì pwulu Kirinŋ tɛ. Nka nwɔ̀ i kwumaŋ jiŋ, niŋ fwuu-u Yonasi sun.

Matiyu 13:11

Ntiŋ i kí rupwulu tu : « Kirinpɔlila Masabi ki ɲaantɔ gonto ki wɔri-i ábɛɛ kiri tɛ, ǹʼwɔri kíbɛɛ tɛ kì.

Matiyu 13:24

Yesu i wulusuntalinŋ tɔri bi kí tɛ tu : « Kirinpɔlila Masabi ki fa finŋ wɔ̀ po-i, niŋ i kaa : Ji kaantɔnŋ bɛɛ bilantu shɔɔrinŋ ɲɛɛn-ɛ awɔ ji ki ru.

Matiyu 13:31

Yesu i wulusuntalinŋ tɔri bi kí tɛ tu : « Kirinpɔlila Masabi ki i miŋ tu mutaridi daŋ, koŋ ninwɔ̀ firi-i awɔ ji ru.

Matiyu 13:33

Yesu i wulusuntalinŋ tɔri bi awɔ kalindaŋ kiri tɛ tu : « Kirinpɔlila Masabi ki i miŋ tu lenfe. A mari niŋ pyaanŋ shi, nmari i ǹʼbo fani kulu sinaŋ tenŋ nu, nmari i ǹʼnusu, ǹʼyɔ fani ki bataa tuutuu-ra. »

Matiyu 13:47

Yesu tu : « Kirinpɔlila Masabi ki fa yɛrinŋ pa jɔ po-i sɛbɛ, konaŋ kiri i ninwɔ̀ kee-ra baa ju ki ru, kí i yɛrinŋ kwuru ki bataa pa-ri.

Matiyu 13:52

Ntiŋ tu kí tɛ : « Niŋ ɲaan ki tɛ, sariya kalimɔɔ finŋ woo finŋ kali-i kirinpɔlila Masabi ki bi sun, ntiŋ fa kanintiŋ po-i, nwɔ̀ i nafulu ŋunaŋ fa nafulu bwuumaan shi po-a awɔ nafulu bomaŋ ki ru. »

Matiyu 18:23

Ábɛɛ ǹʼshɛɛli, kirinpɔlila Masabi ki fa finŋ wɔ̀ po-i, niŋ i kaa : Masa bɛɛ jɔrɔkɔ-i tu a ra a tɛ baara matɔnŋ kiri ra kɔni kiri ɲaan shɛɛli.

Matiyu 20:1

Yesu tu awɔ kalindaŋ kiri tɛ tu : « Kirinpɔlila Masabi ki i miŋ tu kanintiŋ wɔ̀ sɔli po-i siira jona, ntiŋ i cinŋ matiiri ceeli bo awɔ ji ru.

Matiyu 22:2

« Kirinpɔlila Masabi ki fa finŋ wɔ̀ po-i, niŋ i kaa : Masashuru bɛɛ a danshuru wɔ maannaanŋ pofurunku si-i.

Matiyu 23:13

Yesu tu : « Bɔni i ábɛɛ sariya kalimɔɔ kiri fa ábɛɛ Farinsiyɛnŋ kiri tɛ, ábɛɛ i wulufuulibitɔnŋ ni i, sabu ábɛɛ i kirinpɔlila Masabi ki tɔnŋ nala-a konaŋ ki jɛŋ, ábɛɛ yɛrima kiri dumiŋ de-a ǹʼnu kì, nwɔ̀ri fani i ǹʼtɛ arì i de, á ncusun-a nini i de kì.

Matiyu 25:1

Yesu i ka wulusuntalinŋ ka bi awɔ kalindaŋ kiri tɛ tu : « Kirinpɔlila Masabi ki bi ki a na ji miŋ tu maannaannaanŋ byinŋ bɛɛ ri bi, nwɔ̀ri arɔɔ sifilɛn ni cu-i tu arì ta-a marishinŋ bɛɛ ŋununafu.

Matiyu 25:14

Yesu tu sɛbɛ tu : « Kirinpɔlila Masabi ki i miŋ tu shuru bɛɛ po tirira wɔru, ntiŋ i awɔ joŋ kiri dɔri, ntiŋ i awɔ nafulu ki biye kí gbɛsun.

Matiyu 4:17

Ŋì i shi niŋ shikaŋ ki sun, Yesu i ǹʼsunjo de-ri tu : « Á ntɔri bi áwɔ bijɛ kiri ra, sabu kirinpɔlila Masabi ki waari ki myɛ-i. »

Matiyu 4:23

Yesu i ta Galile sɔɔta ki mani ki bataa ru, ntiŋ i konaŋ ki kali-li Yawutu kiri wɔ kalinfu kiri ru, ntiŋ i kirinpɔlila Masabi ki Wulujii ki sunjo-ri, niŋ fa ntiŋ i konaŋ kiri wɔ kira kwuru ki bataa fa kɔ́ɔ́ bɔlɔmabi kwuru ki bataa kene-ni.

Matiyu 5:10

Kí i nwɔ̀ri cɔɔri-ra ǹʼkɔri ki i ji tu kí Kirinŋ dintɛ bi ma-a, nini wɔ shɔ-i, sabu kirinpɔlila Masabi ki i kɔ́ɔ́.

Matiyu 5:3

« Koŋ wɔ̀ri ǹʼtɔ-i tu so dantenŋ arìbɛɛ gbɛ Kirinŋ kɔɔtɛ kì, nini wɔ ki shɔ-i, sabu kirinpɔlila Masabi ki i kɔ́ɔ́.

Matiyu 6:10

Áwɔ masabi ki na. Ábɛɛ dintɛ bi ki ma pwɔkulinŋ ki sun, miŋ tu ŋì i ma-a kirinpɔlila ɲaan wɔ̀ tɛ.

Matiyu 6:33

Á Kirinŋ wɔ Masabi ki fa ǹʼwɔ telibi ki ceeli sun. A niŋ ma, Kirinŋ a niŋ finŋ kiri bataa bo ǹʼsun ábɛɛ gbɛ.

Maraka 1:15

Ntiŋ wuru ǹʼbi-a tu : « Kirinŋ wɔ waaci kubilimaan ki rafaa-a. Kirinŋ wɔ Masabi ki waari ki myɛ-i. Á ntɔri bi áwɔ bijɛ kiri ra, á i bili Wulujii ki ra. »

Maraka 1:4

Niŋ ɲaan ki tɛ, Yuhana i na a yɛri ji konaŋ kiri wu jaŋ ki faninmwuŋ. Ntiŋ wuru ǹʼsunjo-a konaŋ kiri tɛ tu, kí ntɔri bi arɔɔ bijɛ mamaan kiri ra, tu kí i wu, nwɔma Kirinŋ i kɔ́ɔ́ bijɛ kiri tu kí tɛ.

Maraka 6:12

Niŋ ɲaan ki tɛ, kalindaŋ kiri i po tiri kili kiri ra. Kí i ta ǹʼsunjo tu konaŋ kiri ntɔri bi arɔɔ bijɛ kiri ra, tu kí i na Kirinŋ tɛ.

Luki 1:16

Ŋì a na ji Isirayɛlitɔnŋ ki mwɔɔnna pwulu ŋuŋ u, kí i ǹʼpa arì Ŋuntiŋ Kirinŋ cɛfan.

Luki 11:20

Nka a míŋ dumiŋ ji ɲinijɛ kiri kalikali-la Kirinŋ wɔ so ki wu, niŋ i ǹʼji-a tu Kirinŋ wɔ Masabi ki so ábɛɛ tɛ.

Luki 13:3

Niŋ i kì dɛ! Nka míŋ i ǹʼbi-a ábɛɛ tɛ, ńʼtu a ábɛɛ ntɔri bi áwɔ bijɛ kiri ra, á i á pwulu Kirinŋ tɛ kì, ńʼtu ábɛɛ ra haliki mìnkunŋ sɛbɛ. »

Luki 13:5

Niŋ i kì dɛ! Míŋ i ǹʼbi-a ábɛɛ tɛ, ńʼtu a ábɛɛ ntɔri bi áwɔ bijɛ kiri ra, á i á pwulu Kirinŋ tɛ kì, ńʼtu ábɛɛ ra haliki mìnkunŋ sɛbɛ. »

Luki 15:10

Yesu tu : « Mìŋ ɲaan ki tɛ, míŋ i ǹʼbi-a ábɛɛ tɛ ńʼtu bijɛmatɔnŋ tenŋ ntɔri bi awɔ bijɛ kiri ra, ntiŋ i a pwulu Kirinŋ tɛ, ńʼtu niŋ ji-a ciirudibi Kirinŋ wɔ mɛlɛkɛn kiri gbɛ. »

Luki 15:7

Yesu tu : « Mìŋ ɲaan tenŋ ki tɛ, míŋ i ǹʼbi-a ábɛɛ tɛ, ńʼtu bijɛmatɔnŋ tenŋ ja ji ntɔri bi awɔ bijɛ kiri ra, ntiŋ i a pwulu Kirinŋ tɛ, ciirudibi wɔ̀ i ji-a Kirinŋ wɔ ki ru niŋ bira, hali niŋ bishi ma-a koŋ telimaan yaapyiiraŋ fa bwununtenpɔni bira kì, nini wɔ̀ maku ntɔri bi bi ra kili kì. »

Luki 16:30

Nafulutiŋ ki tu : ‹ Aayi, míŋ tiŋ Aburahamu, niŋ a ǹʼpo kì, nka koŋ beenimaan ki bɛɛ ja ji bo ta wulubi kí tɛ, kí a bili niŋ na, kí i ntɔri bi arɔɔ bijɛ kiri ra, kí i na Kirinŋ tɛ. ›

Luki 21:31

Mìŋ ɲaan tenŋ ki tɛ, a ábɛɛ na niŋ bi kiri ja juu ma-a waarinŋ wɔ̀ ru, á ǹʼtɔ tu Kirinŋ wɔ Masabi ki myɛ.

Luki 24:47

Tu ŋì i tɔnpa Yerusalɛmu, ŋì a na sunjo ntiŋ tɔ ra juniɲa bataa ru, tu konaŋ kiri ntɔri bi arɔɔ bijɛ kiri ra, kí i ji Kirinŋ tɛ, nwɔma ŋì i kɔ́ɔ́ bijɛ kiri tu kí tɛ.

Luki 6:20

Niŋ ɲaan ki tɛ, Yesu i a ŋuniŋ fɛshi, ntiŋ i awɔ kalindaŋ kiri shɛɛli, ntiŋ i ǹʼbi : « Ábɛɛ wɔ̀ri i gbɛwɔ ri i, ábɛɛ i koŋ fɛrɛmaan ni i, sabu Kirinŋ wɔ Masabi ki i ábɔɔ.

Luki 9:2

Niŋ ma-i, ntiŋ i kí cin tu kí ta Kirinŋ wɔ Masabi ki sunjo konaŋ kiri tɛ, niŋ fa kí i kiratɔnŋ kiri kene.

Mabikiri 11:18

Konaŋ ki niŋ wulu kiri rama-i waarinŋ wɔ̀ ru, kí tɔnŋ kiri i fili. Kí i Kirinŋ gbɛ tu : « Sɛli ki ra, Kirinŋ ncusun-i shiya tɔri kiri i so ntɔri bi-i arɔɔ bijɛ kiri ru, nwɔma kí i ɲaninkulutɔnbi ki kila. »

Mabikiri 17:30

Niŋ kɔɔtɛ, Pooli tu : « Konaŋ kiri niŋ bi kulinŋ kiri wɔ̀ri ma-i kabi fɔlɔfɔlɔ, waarinŋ wɔ̀ ru kí wuru Kirinŋ tɔ-a kì, ŋì niŋ bi kiri bataa tu-i nmaŋ. Dɔnsaŋ, ŋì i kí bataa dɔri-ra mani bataa ru, tu kí ntɔri bi arɔɔ bijɛ kiri ru, kí i na afinŋ tɛ.

Mabikiri 2:38

Pyɛɛri i ǹʼnupwulu tu : « Á ntɔri bi áwɔ bijɛ kiri ra, á i na Kirinŋ tɛ, á fɔn bataa tenŋ tenŋ i á wu Yesu Kirisa tɔ ra, nwɔma Kirinŋ i áwɔ bijɛ kiri tu á tɛ. A ábɛɛ niŋ ma, Kirinŋ a Ɲiniwɔlinŋ ki wɔri ábɛɛ tɛ.

Mabikiri 20:21

Míŋ ǹʼbi-i Yawutu kiri fa shiya tɔri kiri tɛ tu kí ntɔri bi arɔɔ bijɛ kiri ra Kirinŋ ɲaanfɛ, ńʼtu kí i bili yibɛɛ Ŋuntiŋ Yesu ra.

Mabikiri 26:20

Míŋ niŋ bi kiri sunjo de-i Damasi kili ki ru sun, niŋ kɔɔtɛ, ŋí i ǹʼsunjo Yerusalɛmu, niŋ fa Yude sɔɔta ki bataa ru, fɔ ŋí i ta so shiya tɔri kiri sun. Míŋ ǹʼbi-i kí bataa tɛ, tu kí ntɔri bi arɔɔ bijɛ kiri ra, kí i na Kirinŋ tɛ. Bi wɔ̀ri i ǹʼji-a tu kí ntɔri bi arɔɔ bijɛ kiri ra, kí i nini ma-ni.

Mabikiri 3:19

Niŋ ki ra, á ntɔri bi áwɔ bijɛ kiri ra, á i na Kirinŋ tɛ, nwɔma ŋì i áwɔ bijɛ kiri tu á tɛ.

Korɛntitɔnŋ kiri (2) 7:10

Sabu ɲaannuŋunu wɔ̀ i Kirinŋ dintɛ bi i, niŋ i ye-a koŋ tɛ, ntiŋ i awɔ bijɛ ki tɔnbo, koŋ ntɔri bi-a niŋ mamaan ki ra kì. Nka ka juniɲa ka ru ɲaannuŋunu ki i na-a beŋ wu.

Kɔlɔsitɔnŋ kiri 1:13

Ŋì yibɛɛ mwu san-i mancinŋ ki wɔ faan ki ru, ŋì i yi de a dintɛ Danshuru ki wɔ masabi ki ru.

Timote (2) 2:25

Nwɔ̀ri i ntiŋ wɔ wulu ki sɔsɔ-a, ntiŋ i nini nacin-ni tɔnsunfili wu, sabu ŋì a so ji-i Kirinŋ i kí ɲakili ki rapwulu, kí i sɛli ki tɔ,

Iburu kiri 6:1

Niŋ ki ra, yi fa tu Kirisa bi ki sun kalinŋ tɔnpa wulu kiri sun kì, nka yi ta jɛŋ kalinŋ ni wu, nwɔ̀ri ra yibɛɛ kɔɔ. Yi fa yi pwulu kalinŋ tɔnpa wulu kari sun kì. Niŋ kalinŋ wɔ̀ri i ǹʼbi-a tu koŋ kakan, ŋi i ntɔri bi nʼwɔ bi kulinŋ kiri ra, ŋi i bili Kirinŋ na,

Pyɛɛri (2) 3:9

Ǹʼbɛɛ ri i ǹʼmiiri-ra ɲaan wɔ̀ tɛ, ŋì i ninkunŋ kì, a Ŋuntiŋ ki a tɔnŋ wɔri bi wɔ̀ ra, ŋì cin-a niŋ pobali a saa tɛ kì. Nka ǹʼyɔ a tɔnsunfili-la ábɛɛ kiri tɛ, sabu ŋì ǹʼtɛ koŋ tɔri tenŋ i ta haliki kì, ŋì i ǹʼtɛ koŋ bataa i ntɔri bi awɔ bijɛ kiri ra.

Jafinŋ ki 2:21

Míŋ waaci tu-i nmari tɛ, nwɔma nmari i ntɔri bi awɔ bijɛ kiri ra. Nka, nmari ǹʼtɛ a i nankulunbi ki tɔnbo kì.

Jafinŋ ki 2:5

Miŋ wuru ɲaan wɔ̀ tɛ sun, nʼɲakilila bo niŋ tɛ, ŋi i ntɔri bi, ŋi i pwulu nʼmabi jɔnɔ kiri sun. A miŋ niŋ ma kì, míŋ a na mɔɔn sifilɛnduŋ ki shi san a ta ru.