Matiyu 3:1 - Jɔ Biibili ki

¹ Niŋ waaci kiri ru, Wutɔnŋ Yuhana i a yɛri ji konaŋ kiri wu jaŋ ki faninmwuŋ Yude sɔɔta ki ru, ntiŋ i wulu ki sunjo-ri konaŋ ki tɛ.

Matiyu 3:1 ပူးပေါင်းရင်းမြစ်များ

Matiyu 11:11

Sɛli ki ra, míŋ i ǹʼbi-a ábɛɛ tɛ, ńʼtu mari tɔri dantenŋ daŋ ji konanmini kiri kanfɛ, tu Wutɔnŋ Yuhana gbɛ nwɔ̀ wu kì. Nka niŋ fa a fɔn na, kirinpɔlila Masabi ki ru koŋ pyaanŋ ki gbɛ-i ntiŋ wu.

Matiyu 11:7

Wutɔnŋ Yuhana wɔ kalindaŋ kiri arì pwulu-i waarinŋ wɔ̀ ru, Yesu i ntiŋ ɲaanbi-ri konaŋ ki tɛ, ntiŋ tu kí tɛ : « Ábɛɛ ta-ri nfɛnŋ shɛɛli jaŋ ki faninmwuŋ? Faa wɔ ɲɔɔnni nutimaanna wuru-i wa?

Matiyu 16:14

Kí i ntiŋ nupwulu tu : « Ǹʼbɛɛ ri gbɛ, Wutɔnŋ Yuhana yɛ, ǹʼtɔri ri gbɛ, Eli yɛ, ǹʼtɔri ri tu Yeremi, walima tu Kirinŋ wɔ cintɔnŋ tɔri. »

Matiyu 21:32

Sabu Yuhana na-i telibi saa ki wu ábɛɛ kiri tɛ, ábɛɛ á tu á i bili ntiŋ na kì, nka ɲinisarakɔlɔtɔnŋ kiri fa nankulunmari kiri i ji bili ntiŋ na. Niŋ bataa jamaan ki kɔɔtɛ, ábɛɛ so ntɔri bi-i á i so bilinabi ma-i ntiŋ na kì. »

Matiyu 3:8

Á bi shɔɔrinŋ ni ma, nwɔ̀ri ra ǹʼji tu ábɛɛ ntɔri bi áwɔ bijɛ kiri ra. Á fa ǹʼsunu tu ábɛɛ Aburahamu daŋ ni i, tu niŋ a ábɛɛ mwu kì dɛ! Míŋ a ǹʼbi ábɛɛ tɛ, ńʼtu nupobi ki ji i, ńʼtu Kirinŋ a so kwɔ kari ji-i Aburahamu daŋ ni i.

Maraka 1:15

Ntiŋ wuru ǹʼbi-a tu : « Kirinŋ wɔ waaci kubilimaan ki rafaa-a. Kirinŋ wɔ Masabi ki waari ki myɛ-i. Á ntɔri bi áwɔ bijɛ kiri ra, á i bili Wulujii ki ra. »

Maraka 1:2

Ǹʼsɛbɛ-i Kirinŋ wɔ cintɔnŋ Esayi wɔ sɛbɛ ki ru tu : « Ǹʼshɛɛli, míŋ i ńʼwɔ cintɔnŋ ki cin ta-a miŋ jɛŋ, ŋì i ta nʼwɔ saa ki ramɔni nʼjɛŋ.

Luki 1:76

Niŋ kɔɔtɛ, Jakaliya tu a daŋ ki tɛ : « Miŋ kɔniŋ, míŋ daŋ, miŋ a na dɔri-ri tu Kirinsinaŋ wɔ cintɔnŋ i, sabu miŋ a na tiri de Ŋuntiŋ ki jɛŋ, ŋi i ǹʼwɔ saa ki ramɔni,

Luki 7:24

Yuhana wɔ cintɔnŋ kiri pwulu tirimaan ki kɔɔtɛ, Yesu i Yuhana ɲaanbi-ri konaŋ ki tɛ. Ntiŋ i kí ranɔri : « Ábɛɛ ta-ri nfɛnŋ shɛɛli jaŋ ki faninmwuŋ? Ábɛɛ ta wuru ɲiŋ gbansanŋ nutimaanna shɛɛli faa gbɛ wa?