Matiyu 27:4 - Jɔ Biibili ki

⁴ Wú i ta ǹʼbi kí tɛ tu : « Míŋ bijɛ ma-i, ŋí i koŋ pɔlibali ki pa wɔri beŋ ki tɛ. » Nini tu wú tɛ : « Yibɔɔ saa niŋ na kì, niŋ i mɔɔn bi i. »

Matiyu 27:4 ပူးပေါင်းရင်းမြစ်များ

Yonasi 1:14

Niŋ na, kí i Ŋuntiŋ Kirinŋ ki rafɛ tu : « Ŋuntiŋ Kirinŋ, á fa yi haliki ka koŋ ka bira kì. Á fa ncusun yi i koŋ pɔlibali kilɛn kì, sabu ntiŋ bi tɔri ma yibɛɛ wu kì. Nwɔ̀ di-i ábɛɛ tɛ, ábɛɛ i ninki ma-a. »

Matiyu 27:19

Pilati sɔɔmaan ki tu-i kitikwurumaŋ ki ru, ntiŋ wɔ mari ki i koŋ cin ǹʼbi ntiŋ tɛ tu : « Fa ncusun nʼkanŋ i de ka koŋ telimaan ka wɔ bi ru kì dɛ! Sabu cii ru ciŋ, miŋ cɔɔri-i kusɛbɛ jii ru ntiŋ bira. »

Matiyu 27:54

Surudashi ŋununtiŋ wɔ̀ fa awɔ surudashi wɔ̀ri wuru Yesu ɲaannasuu-ra, nini pwɔkulinŋ ki sɛrɛsɛrɛka ɲaan ki fa niŋ bi mamaan kiri ja-i waarinŋ wɔ̀ ru, kɛmi sinaŋ i de kí ru. Kí tu : « Sɛli sɛli ki ra, koŋ ka wuru Kirinŋ Danshuru ki yɛrima ki i ncinŋ. »

Luki 23:22

Pilati wulubi kaan byantɔnŋ ki tu kí tɛ : « Wú bijɛ danwɔ ma sa? Wú bi wɔ̀ ma-i, niŋ i ji-a wú kilɛn ŋuŋ po, míŋ niŋ ja kì. Niŋ ki ra, míŋ a ǹʼbi tu kí wú bwɔ shɛnŋ na, ŋí i wú pani. »

Luki 23:41

Nwɔ̀ i yibɛɛ, ka cɔɔri ka kɛɲɛ-i yibɛɛ sun, sabu yibɛɛ bijɛ ma-i. Nka katiŋ kɔniŋ bi kulinŋ tɔri tenŋ ma kì. »

Luki 23:47

Surudashi kiri ŋununtiŋ ki niŋ bi kiri bataa ja-i waarinŋ wɔ̀ ru, niŋ i baraka bi Kirinŋ tɛ, niŋ i ǹʼbi tu : « Sɔsɔɔlinŋ ǹʼnu kì, koŋ ka wuru koŋ telimaan a. »

Yuhana 19:7

Yawutu kiri i ntiŋ nupwulu tu : « Sariya i yibɛɛ gbɛ, ŋì i kɛɲɛ niŋ sariya ki wu, ntiŋ kakan-i ntiŋ i kilɛn, sabu ntiŋ a yɛri ji-i Kirinŋ Danshuru u. »

Mabikiri 13:28

Kí bijɛ tɔri tenŋ kila ntiŋ mwɔɔn nu tu nwɔ̀ a ntiŋ kilɛn ŋuŋ po kì, nka niŋ fa a fɔn na, kí i Pilati rafɛ, tu niŋ ncusun ntiŋ i kilɛn.

Ɔrɔmutɔnŋ kiri 3:19

Yi i ǹʼtɔ tu sariya ki finŋ woo finŋ ǹʼbi-a tu niŋ i bili-la kpeeri sun, nwɔ̀ri i sariya ki fɛ. Ŋì i ninkunŋ, nwɔma wulu fa kila koŋ tɔri tenŋ daru kì, niŋ fa juniɲa nu tɔnŋ ki bataa i ji koŋ pɔlimaan ni i Kirinŋ ɲaanfɛ.

Timote (1) 4:2

Kí a na ncusun niŋ purubitɔnŋ wulufuulibitɔnŋ kiri i arì sunnɛɛn, bijɛ ki nini wɔ̀ri ciiru kiri mini-i bilibili, miŋ tu ciilinŋ.

Tite 1:16

Kí i arì yɛri ji-a Kirinŋ tɔtɔnŋ ni i, niŋ i faa kí mabi kiri i ǹʼji-ri tu niŋ sɛli i kì. Kí Kirinŋ dintɛ bi ri ma-a kì, kí bikwɔ-i Kirinŋ sun, niŋ ɲaan ki tɛ, kí so-a shɔɔrinŋ dantenŋ ma-i kì.

Iburu kiri 7:26

Sarakawɔrɔtɔnŋ kiri ŋununtiŋ wɔ̀ bi wuru yibɛɛ ra, niŋ i mìntiŋ i. Wɔlinŋ yɛ, pɔlimaŋ ntiŋ na kì, ntiŋ bijɛ ma kì. Ntiŋ shi po san-i bijɛmatɔnŋ kiri kanfɛ, ntiŋ i fɛshi kirinpɔli la finŋ kiri bataa ŋununu.

Pyɛɛri (1) 1:19

Nka, ŋì ábɛɛ ŋunsan-i cunŋ barakatiŋ wu, Kirisa cunŋ ki, ninwɔ̀ wɔri-i saraka, miŋ tu saa bulaaŋ nafaamaan, fyɛn nwɔ̀ ra kì.

Yuhana (1) 3:12

Yi fa ji Kayɛn bishi ri i kì, niŋ ji-i shitaanni wɔ koŋ i, niŋ ki ra, niŋ i a pwaŋ ki kilɛn. Wú a pwaŋ ki kilɛn nfɛnŋ na? Wúfinŋ mabi kiri juu wuru-i, wú pwaŋ ki wɔ kiri i teli.

Jafinŋ ki 11:10

Pwɔkulinŋ sun konaŋ ki ciiru a na di yìrì beŋ ki ra, fɔ kí i arì ɲaannabyɛ-ri, kí i buɲafinŋ ni wɔri ta-ri arìmaŋ tɛ, sabu ka cintɔnŋ fuuli kari pwɔkulinŋ ki sun konaŋ ki ɲaanfɛkwulu wuru kusɛbɛ.