Matiyu 24:4 - Jɔ Biibili ki

⁴ Yesu i kí rupwulu tu : « Á á ɲakili tu á yɛri ra, nwɔma koŋ fa na á sunnɛɛn, ntiŋ i á bo fɔni saa sun kì.

Matiyu 24:4 ပူးပေါင်းရင်းမြစ်များ

Maraka 13:22

Sabu purubitɔnŋ ni a na jɔrɔkɔ, kí i ǹʼbi-ri tu arìbɛɛ Kirinŋ Ɲaannakonshimaan ki i, cintɔnŋ purubitiiri i na jɔrɔkɔ sɛbɛ, nini i taanmashɛ ri fa kabakobi ri ma-ni, nwɔma a ǹʼji-a so ma-i, arì i Kirinŋ ɲaannatɔnŋ kiri sunnɛɛn.

Luki 21:8

Yesu tu kí tɛ : « Á á ɲakili tu á yɛri ra, nwɔma koŋ fa na á sunnɛɛn, ntiŋ i á bo fɔni saa sun kì. Sabu, koŋ mwɔɔnna a na na, kí i míŋ tɔ ye arì yɛri ra, tu arìbɛɛ míŋ yɛrima ki i, tu juniɲa kɔ waaci ki so. Á fa bili nini na kì, á fa na ǹʼpa kí cɛfan kì.

Galasitɔnŋ kiri 6:3

A konwɔtiŋ ji a yɛri pari-ra koŋ pyɛ kiri wu, niŋ i faa ntiŋ finŋ tɔri i kì, nintiŋ i a yɛri sunnɛɛn-na.

Efɛsitɔnŋ kiri 4:14

Niŋ na, yibɛɛ ra tu tiraŋ ni i kili kì. Koŋ wɔ̀ri i konaŋ kiri sunnɛɛn-na puru kiri fa namarinŋ wulu kiri wu, nini a so yibɛɛ curu san-i saa shɔɔrinŋ ki sun kì, kí i yi i fifa de-ri kɛlinŋ ki fɔn tɛ kì, miŋ tu ju fa faa i buŋ curu-ra ɲaan wɔ̀ tɛ.

Efɛsitɔnŋ kiri 5:6

Á fa ncusun koŋ i á sunnɛɛn wulu tawɔ ri wu kì, sabu niŋ wulu bishi kiri i ncin-a Kirinŋ wɔ tɔnkwulu ki i so-ri awɔ wulu pabali kiri sun.

Kɔlɔsitɔnŋ kiri 2:18

Koŋ wɔ̀ri i arì ji-a koŋ sunjɛrimaan ni i, kí i mɛlɛkɛn kiri gbɛ-ri, á fa ncusun nini tɔri i á firi kilɛn kì. Niŋ koŋ kwuru kiri i arì gbɛ bili-la arɔɔ finŋ jamaan kiri sun, kí i arì yɛri ragbɛ-ri niŋ konanmini ciiru ɲakilililabi gbansanŋ kiri wu.

Kɔlɔsitɔnŋ kiri 2:8

Á á yɛri paka tɔ, nwɔma koŋ fa na á fɔni konanmini wɔ ɲakilitinbi wulu li wu kì. Niŋ ɲakilila ki cɛ sɔɔ-ɔ konanmini wɔ ladaŋ ni, fa juniɲa nu finŋ gbɛ wɔ̀ gbansanŋ ni sun, ǹʼcɛ sɔɔ Kirisa sun kì.

Tesalonikitɔnŋ kiri (2) 2:3

Á fa ncusun koŋ i á sunnɛɛn ɲaan tɔri tenŋ tɛ kì. Sabu Ŋuntiŋ ki a so na sun, konaŋ kiri ra arì kaan Kirinŋ tɛ sun, niŋ kɔɔtɛ, nwɔ̀ i dɔri-ra tu « Koŋ jɛ ki », ninwɔ̀ bo-i halikirama ki tɛ, niŋ i a yɛri ji.

Yuhana (1) 4:1

Míŋ tindaŋ byii ri, koŋ wɔ̀ri i ǹʼbi-a tu Ɲiniwɔlinŋ ki arìbɛɛ ru, á fa bili nini bataa ra kì. Nka á ɲini kiri rufɔɔka shɔ, a Kirinŋ wɔ ki ji-i walima a niŋ ji-i kì, ábɛɛ ra niŋ tɔ. Á ǹʼtɔ tu cintɔnŋ purubitɔnŋ kiri mwɔ juniɲa ki ru dɔɔ.