Matiyu 24:3 - Jɔ Biibili ki

³ Yesu ta-i sɔɔ Olinfyetɔnŋ ki sun, ntiŋ wɔ kalindaŋ kiri i arì kpari ntiŋ tɛ arì cinancinŋ, kí i ntiŋ nanɔri tu : « Á niŋ bi kiri ma waaci ki bi yi tɛ. Taanmashɛ wɔ̀ri a na ábɛɛ na waari ki fa juniɲa nakɔ waari ki ji, á nini bi yi tɛ. »

Matiyu 24:3 ပူးပေါင်းရင်းမြစ်များ

Matiyu 13:36

Ka wulu kari bimaan ki kɔɔtɛ, Yesu i konaŋ ki tu niŋ mani nu, ntiŋ i de kulu. Ntiŋ wɔ kalindaŋ kiri i arì kpari ntiŋ tɛ, kí i ntiŋ nanɔri tu : « Á ji ru ɲiŋ jɛ ki wulusuntalinŋ ki kɔri ki bi yi tɛ. »

Matiyu 13:49

Ŋì a na ma ninkunŋ juniɲa nakɔ waaci ki ru. Mɛlɛkɛn kiri ra na koŋ jɛ kiri rubi po san koŋ telimaan kiri ru,

Matiyu 15:12

Niŋ ma-i, kalindaŋ kiri i arì kpari Yesu tɛ, kí i ǹʼbi ntiŋ tɛ : « Ábɛɛ ǹʼtɔ tu ábɔɔ wulu ki Farinsiyɛnŋ kiri yaa kì wa? »

Matiyu 16:27

A Koŋ Danshuru ki na na Tiŋ ki nɔɔri ki ru, niŋ fa awɔ mɛlɛkɛn kiri wu, ntiŋ a na koŋ fɔn tenŋ tenŋ sali, ŋì i kɛɲɛ a mabi wu.

Matiyu 16:28

Sɛli ki ra, míŋ a ǹʼbi ábɛɛ tɛ, ńʼtu nwɔ̀ri fɔn i kwumaŋ, ńʼtu nini bɛɛ ri ra beeni Koŋ Danshuru ki naanna ki jabali awɔ Masabi ki ru kì. »

Matiyu 17:19

Niŋ na, kalindaŋ kiri i arì kpari ntiŋ tɛ arì cinancinŋ, kí i ntiŋ nanɔri tu : « Nfɛnŋ na, yibɛɛ so ka ɲinijɛ ka kalikali-i kì? »

Matiyu 21:1

Yesu fa a cɛfantɔnŋ kiri i ta myɛ Yerusalɛmu tɛ, kí i ta so Olinfyetɔnŋ ki sun, Bɛtifagɛ kili ki tɔntɛ. Yesu i awɔ kalindaŋ koŋ fuuli cin ta arì jɛŋ.

Matiyu 24:27

Sabu kirinŋ ki i ŋani-na sunfalimwuŋ, ŋì i ta po sunfyirimwuŋ ɲaan wɔ̀ tɛ, Koŋ Danshuru ki ra ji ninkunŋ, a na shikaŋ ki ru.

Matiyu 24:30

Niŋ waaci ki ru, Koŋ Danshuru ki taanmashɛ ki a na ja kirinpɔli ki ra. Niŋ waari ru, konaŋ ki a na ŋuntan-ni kusɛbɛ. Kí i Koŋ Danshuru ki yirira ja kirinpɔli ki ra, sotinbi fa nɔɔri sinaŋ wu.

Matiyu 24:37

Bi wɔ̀ri ma-i Nawu wɔ sunŋ ki ra, nini bishi kiri ra na ma Koŋ Danshuru ki na jibi kiri ra.

Matiyu 24:39

Kí wuru arì miiri-ra bi tɔri ra kì, fɔ ju ki i na kí haliki. Koŋ Danshuru ki na shikaŋ ki a na ji mìŋ ɲaan tenŋ ki tɛ.

Matiyu 24:43

Á ǹʼtɔ tu futiŋ ki ji wuru kwunŋ ki na waari ki tɔ-a cii ki ru, ntiŋ wuru-ra tu a ɲaanna, nwɔma a i kwunŋ ki suu awɔ fu ki buŋ ki yali ki sun.

Matiyu 28:20

Míŋ finŋ woo finŋ ji-i ábɛɛ wu, á i kí kali nini bataa ra, tu kí tiri kɛɲɛ nini wu. Míŋ kɔniŋ a tu ábɛɛ fan jibi woo jibi, fɔ ka juniɲa ka i ta kɔ. »

Luki 21:7

Kí i Yesu ranɔri : « Kalimɔɔ, bi kari ra na ma waarinŋ danwɔ ru? Taanmashɛ danwɔ ra na ǹʼji tu niŋ bi kiri ma waari ki so? »

Mabikiri 1:7

Ntiŋ i ǹʼbi kí tɛ : « Nwɔ̀ i niŋ jibi ki i, niŋ fa niŋ bi kiri ra na ma ɲaan wɔ̀ tɛ, míŋ Tiŋ ki niŋ kubili-i awɔ so ki wu. Niŋ tɔ ŋuŋ kɔ ábɛɛ gbɛ kì.

Iburu kiri 9:26

A niŋ ji wuru-i kì, kabi juniɲa tɔnpa waari ki ru, ntiŋ wuru-ra ji cɔɔri kaan mwɔɔnna. Nka, waaci rakɔɔra ki ru, ntiŋ na-i kaan tenŋ pe, ntiŋ i a yɛri wɔri saraka, nwɔma Kirinŋ i bijɛ kiri tu konaŋ kiri tɛ.