Matiyu 23:3 - Jɔ Biibili ki

³ Kí finŋ woo finŋ bi á tɛ, á niŋ bataa ma, á i niŋ saa ki bataa tiri, nka á fa tiri kɛɲɛ kí yɛrima kiri mabi kiri wu kì dɛ! Sabu kí i nwɔ̀ bi-a, kí niŋ ma-a kì.

Matiyu 23:3 ပူးပေါင်းရင်းမြစ်များ

Timote (2) 3:5

Kí a na arì yɛri ji miŋ tu Kirinŋ jɛŋ kɛnitiiri i, konaŋ kiri ɲaanna, niŋ i faa Kirinŋ jɛŋ kɛni ki baraka ki i nwɔ̀, kí i arì kaan niŋ tɛ. Nʼyɛri paka tɔ niŋ koŋ kwuru kiri kɛlina dɛ!

Tite 1:16

Kí i arì yɛri ji-a Kirinŋ tɔtɔnŋ ni i, niŋ i faa kí mabi kiri i ǹʼji-ri tu niŋ sɛli i kì. Kí Kirinŋ dintɛ bi ri ma-a kì, kí bikwɔ-i Kirinŋ sun, niŋ ɲaan ki tɛ, kí so-a shɔɔrinŋ dantenŋ ma-i kì.

Mabikiri 5:29

Nka Pyɛɛri fa cindaŋ kiri i ǹʼnupwulu tu : « Ǹʼkakan-i yibɛɛ i Kirinŋ wulu ki pa, ŋì i fwuu konaŋ kiri wɔ ki sun.

Ɔrɔmutɔnŋ kiri 13:1

Dɔnsaŋ, tu koŋ bataa a kulu yi ŋununu faantiŋ kiri tɛ, sabu faantinbi tɔri tenŋ nmaŋ kì, tu nwɔ̀ po-a Kirinŋ gbɛ kì. Faantiŋ wɔ̀ri i yibɛɛ ŋununu, Kirinŋ yɛrima ki nini bataa sɔɔ-ɔ.

Matiyu 21:30

Tiŋ ki i mìŋ wulu tenŋ ki bi danshuru fuluntɔnŋ ki tɛ. Niŋ tu : ‹ Míŋ ŋuntiŋ ki, míŋ a tiri. › Nka wú ta mani tɔri ru nmaŋ kì.

Matiyu 23:2

«  Sariya kalimɔɔ kiri fa Farinsiyɛnŋ kiri wɔ baara ki i konaŋ ki kalimaanna ki i Musa wɔ sariya ki ra.

Matiyu 23:4

Kí i shii sinaŋ pwunmaan kiri kɔli sɔɔ-ra konaŋ kiri ŋununu, nka kí yɛrima kiri jɛɛn-na, kí i hali arì gbɛnaŋ tenŋ pa yìrì ra kì.