Matiyu 22:3 - Jɔ Biibili ki

³ Ntiŋ nufinŋ ki wulu ki bi wuru nwɔ̀ri tɛ, ntiŋ i a tɛ baara matɔnŋ kiri bo tiri nini dɔri, nka nini arì tu kí i na kì.

Matiyu 22:3 ပူးပေါင်းရင်းမြစ်များ

Matiyu 21:34

Ɛrɛnsɛnŋ kilɛn waari ki na-i so, ntiŋ i awɔ joŋ kiri bo na ɛrɛnsɛnŋ ji ki baara matɔnŋ kari tɛ, tu kí awɔ ɛrɛnsɛnŋ kilɛn lu ki mwu na a tɛ.

Matiyu 23:37

Yesu tu : « Heyi! Yerusalɛmutiiri, Yerusalɛmutiiri, ábɛɛ wɔ̀ri i Kirinŋ wɔ cintɔnŋ kiri kilɛn-a, ŋì nwɔ̀ri cin na-i á tɛ, á i nini jɛri-ri kwɔ ra fɔ á i kí kilɛn-ni, waaci mwɔɔnna, míŋ wuru ǹʼtɛ, ŋí i ábɛɛ rakɔli bo ámaŋ sun, miŋ tu ɲaŋ ɲiŋ i a daŋ ni nakɔli-la a cibi fɛ ɲaan wɔ̀ tɛ, nka ábɛɛ á tu kì.

Matiyu 3:2

Ntiŋ wuru ǹʼbi-a kí tɛ tu : « Á ntɔri bi áwɔ bijɛ kiri ra, sabu kirinpɔlila Masabi ki waari ki myɛ-i. »

Matiyu 9:15

Yesu i kí rupwulu tu : « Marishinŋ ki wɔ wɔshuru kiri ra so arì ɲaannuŋunu-i, ŋì i kí fa ntiŋ tu arìmaŋ fan wa? Waaci yirira i nmaŋ, ntiŋ a na shi san kí ra. Niŋ jibi kiri ra, kí a na sunŋ de-ri.

Luki 13:34

Yesu tu sɛbɛ : « Heyi! Yerusalɛmutiiri, Yerusalɛmutiiri, ábɛɛ wɔ̀ri i Kirinŋ wɔ cintɔnŋ kiri kilɛn-a, ŋì nwɔ̀ri cin na-i á tɛ, á i nini jɛri-ri kwɔ ra, fɔ á i kí kilɛn-ni. Waaci mwɔɔnna, míŋ wuru ǹʼtɛ, ŋí i ábɛɛ rakɔli bo ámaŋ sun, miŋ tu ɲaŋ ɲiŋ i a daŋ ni nakɔli-la a cibi fɛ ɲaan wɔ̀ tɛ, nka ábɛɛ á tu kì.

Luki 15:28

Danshuru cɛɛnni ki niŋ nama-i waarinŋ wɔ̀ ru, niŋ tɔnŋ i kwulu, fɔ wú tu a ra de kulu kì. Wú tiŋ ki i po, niŋ i na wulubi wú tɛ, ntiŋ i wú rafɛ.

Luki 19:27

Dɔnsaŋ, míŋ ɲa wɔ̀ri wuru ǹʼtɛ míŋ i sɔɔ arì ŋununu masa a kì, á na kí wu kaŋ, á i kí bataa yɛɛratɛri ńʼɲaanna. › »

Yuhana 5:40

Niŋ fa a fɔn na, ábɛɛ i ǹʼtɛ á i na míŋ tɛ, nwɔma á i ɲaninkulutɔnbi ki kila kì.

Mabikiri 13:45

Yawutu kiri niŋ konaŋ kiri ja-i waarinŋ wɔ̀ ru, tɛnbi i de kí ru, kí i Pooli sɔsɔ-ri, kí i ntiŋ nufyɛ-ri.

Ɔrɔmutɔnŋ kiri 10:21

Nka Isirayɛlitɔnŋ kiri bi sun, ntiŋ tu Kirinŋ ǹʼbi tu : « Míŋ ńʼgbɛ ki cu-i sunŋ ki bataa, shiya kulubali li fa shiya kaanmaan ni tɛ. »

Iburu kiri 12:25

Á á yɛri paka shɔ dɛ! Nwɔ̀ i wulu ki bi-a ábɛɛ tɛ, á fa á kaan niŋ wulu pa kì. Sabu, nwɔ̀ri Kirinŋ wɔ wulu ki bi-i konaŋ kiri tɛ pwɔkulinŋ sun, nwɔ̀ri arì kaan wuru nini wulu lama, nini arì mwu ɲaanfɛkwulu ki wu kì. Nwɔ̀ tu-i kirinpɔli ki ra, ŋì i wulubi yibɛɛ tɛ, a yibɛɛ yi kaan niŋ wulu pa, yibɔɔ ɲaanfɛkwulu ki a fwuu nini wɔ ki sun kì wa?

Iburu kiri 9:15

Niŋ ɲaan ki tɛ, Kirisa ji-i kaalipatɔnŋ i Kirinŋ fa konanmini kiri faninmwuŋ, tɔnwɔri ŋunaŋ nu, nwɔma Kirinŋ nwɔ̀ri dɔri-i, ŋì a tɔnŋ wɔri kí tɛ kani kɔbali wɔ̀ bira, nini i niŋ kila, sabu ntiŋ beeni-i, ntiŋ i kí ŋunsan, kíbɛɛ wɔ̀ri bijɛ ma wuru-i, ŋì i kí tu tɔnwɔri jɔnɔ ki wɔ sariya kiri fɛ.

Jafinŋ ki 22:17

Ɲiniwɔlinŋ ki fa cɛnmaannaanŋ ki tu : « Na! » Tu Konwɔtiŋ ka wulu ka rama, ntiŋ yɛri ki ǹʼbi sɛbɛ tu : « Na! » Jumwunu i konwɔtiŋ wu, ntiŋ i na. Nwɔ̀tiŋ i ɲaninkulutɔnbi ju ki tɛ, ntiŋ ǹʼshi ǹʼgbansanŋ i.