Matiyu 2:5 - Jɔ Biibili ki

⁵ Nini tu ntiŋ tɛ tu, Kirinŋ Ɲaannakonshimaan ki kakan ntiŋ i ji Bɛtilɛhɛmu, Yude sɔɔta ki ru, sabu Kirinŋ wɔ cintɔnŋ ki nwɔ̀ sɛbɛ-i, niŋ i kaa :

Matiyu 2:5 ပူးပေါင်းရင်းမြစ်များ

Matiyu 2:1

Yesu ji-i niŋ ɲaan ki tɛ Bɛtilɛhɛmu, Yude sɔɔta ki ru, masa Ɛrɔdi wɔ sunŋ ki ra. Ntiŋ jimaan ki ra, bitɔtɔnŋ bɛɛ ri i po sunfalimwuŋ, kí i na so Yerusalɛmu. Nini wuru sɔriniŋ tɔtiiri i.

Matiyu 2:4

Ntiŋ i Kirinŋ tɛ sarakawɔrɔtɔnŋ kiri ŋununtiŋ kiri fa sariya kalimɔɔ kiri bataa rakɔli, ntiŋ i na kí ranɔri tu, ŋì i kɛɲɛ Kirinŋ wɔ cintɔnŋ kiri wɔ wulu kiri wu, tu Kirinŋ Ɲaannakonshimaan ki kakan ŋì i ji da?

Yuhana 7:42

Kí tu sɛbɛ : « Kirinŋ wɔ wulu sɛbɛ kiri ǹʼbi-a tu Kirinŋ Ɲaannakonshimaan ki kakan ntiŋ i ji masa Dawuda nupo o, tu ntiŋ i po Bɛtilɛhɛmu, masa Dawuda sɔɔ kili ki ra kì wa? »

Uruti 1:1

Ŋununtiŋ kiri waari ki ru, bɛɛ ki wuru Isirayɛli kɛniŋ ki ru sɛbɛ. Bɛtilɛhɛmutɔnŋ bɛɛ fa awɔ mari fa a danshuru fuuli i jɔrɔkɔ, kí i po Yuda sɔɔta ki ru, kí i na sɔɔmaŋ ceeli Mowabu sɔɔta ki ru.

Uruti 1:19

Kí koŋ fuuli ki i tiri arìmaŋ fan, kí i ta so Bɛtilɛhɛmu. Kí ta-i so waarinŋ wɔ̀ ru, niŋ i bo niŋ kili ki ra tɔnŋ kiri bataa tɔnŋ sun. Mari kiri i arìmaŋ nanɔri-ri : « Taa, Nawomi i ji-i kili wa? »

Uruti 2:4

Niŋ shikaŋ, Boonsi i po Bɛtilɛhɛmu, ntiŋ i so ji ki ru. Ntiŋ i bilaŋ tɛritɔnŋ kiri co tu : « Ŋuntiŋ Kirinŋ tu á fan. » Kí i ntiŋ nupwulu tu : « Kirinŋ baraka de á ru. »

Uruti 4:11

Cɛɛnni kiri fa koŋ wɔ̀ri wuru nmaŋ, nini bataa i ǹʼbi : « Aawe, yibɛɛ i yìrì shɛɛri ri i. Mari wɔ̀ a de mɔɔn kaniŋ ki sun, Ŋuntiŋ Kirinŋ baraka mwɔɔnna de nmari ru. Ŋì i nmari ji miŋ tu Arashɛɛli niŋ fa Leya, Isirayɛli konanbi ki bataa po-i nini wɔ̀ri ru. Ŋì i tumaŋ sinaŋ wɔri nʼtɛ Efarata sɔɔta ki ru, ŋì i tɔ sinaŋ wɔri nʼtɛ Bɛtilɛhɛmu ciiru!