Matiyu 2:23 - Jɔ Biibili ki

²³ Ntiŋ i ta sɔɔ kili bɛɛ ra, nwɔ̀ tɔ wuru tu Nansarɛti i. Niŋ i ma ninkunŋ, ŋì i Kirinŋ wɔ cintɔnŋ kiri wɔ wulu kiri rafaa Kirinŋ Ɲaannakonshimaan ki bi ki sun tu : « Ŋì a na dɔri tu Nansarɛtitɔnŋ i. »

Matiyu 2:23 ပူးပေါင်းရင်းမြစ်များ

Matiyu 1:22

Niŋ bi kiri bataa ma-i, nwɔma Ŋuntiŋ Kirinŋ wɔ cintɔnŋ ki wulu wɔ̀ bi wuru-i, niŋ i ma a ɲaan tɛ.

Matiyu 21:11

Konaŋ wɔ̀ri wuru Yesu cɛfan, nini i ǹʼbi-ri tu : « Yesu yɛ, cintɔnŋ wɔ̀ i po-a Nansarɛti kili ki ra, Galile sɔɔta ki ru. »

Matiyu 26:71

Niŋ kɔɔtɛ, Pyɛɛri i de ta-ri pomaŋ tɔnŋ ki ra, jonmari tɔri i ntiŋ ja, niŋ i ǹʼbi niŋ mani nu tɔnŋ kiri bataa ɲaanna ntiŋ tɛ tu : « Ka shuru ka i Nansarɛtitɔnŋ kiri wɔ Yesu fan tɔnŋ ki bɛɛ ɛ. »

Maraka 1:24

« Heyi! Nansarɛtitɔnŋ kiri wɔ Yesu! Nfɛnŋ yibɛɛ fa miŋ faninmwuŋ? Miŋ na-i yibɛɛ tu kɔ wa? Miŋ i nwɔ̀, míŋ niŋ tɔ-i, miŋ i Kirinŋ wɔ Cintɔnŋ Wɔlinŋ ki i. »

Maraka 1:9

Niŋ waari ki ru, Yesu i po Nansarɛti, Galile sɔɔta ki ru, ntiŋ i na Yuhana maŋ ki ru. Yuhana i ntiŋ wu Yurudɛn baa ki ru.

Luki 1:26

Elisabɛti wɔ cii ki ɲɛ taanmanitɔnŋ ki, Kirinŋ mɛlɛkɛn Jibirili cin ta-i maannaanŋ bɛɛ tɛ, kili bɛɛ ra, nwɔ̀ i Galile sɔɔta ki ru, niŋ kili ki tɔ ki wuru tu Nansarɛti. Maannaanŋ shurubitɔbali wuru-i, nwɔ̀ sunpamaan wuru shuru bɛɛ tɛ. Niŋ shuru ki tɔ ki wuru tu Yusufu. Yusufu wuru masa Dawuda nupo o. Maannaanŋ ki tɔ ki i ji tu Mariyamu.

Luki 18:37

Kí tu wú tɛ tu Yesu, Nansarɛtitɔnŋ ki fwuuderama i.

Luki 2:39

Waarinŋ wɔ̀ ru, ladannabi kiri bataa ma kɔ-i, ŋì i kɛɲɛ Ŋuntiŋ Kirinŋ wɔ sariya ki wu, Yusufu fa Mariyamu i arì pwulu tiri arɔɔ kili ki ra, Nansarɛti, Galile sɔɔta ki ru.

Yuhana 18:5

Kí i ntiŋ nupwulu tu : « Yesu Nansarɛtitɔnŋ ki. » Ntiŋ i ǹʼbi kí tɛ tu : «  MÍŊ YƐ.  » Yudasi, ninwɔ̀ wuru-ra ntiŋ wɔri a ɲa kiri tɛ, niŋ wuru kí fan.

Yuhana 18:7

Yesu i a pwulu, ntiŋ i kí ranɔri tu : « Ábɛɛ nkɛnŋ ceeli-la? » Kí tu ntiŋ tɛ : « Yesu Nansarɛtitɔnŋ ki. »

Yuhana 19:19

Pilati i sɛbɛ tan lɔ kpinkpisuu ki ra cuunŋ. Ntiŋ ǹʼsɛbɛ wuru tu : Yesu Nansarɛtitɔnŋ, Yawutu kiri wɔ masa ki.

Mabikiri 2:22

Isirayɛlidaŋ ni, á á tɔɔnye ka wulu ka tɛ. Yesu Nansarɛtitɔnŋ ki i koŋ wɔ̀, Kirinŋ niŋ wɔ sotinbi ki ji-i ábɛɛ wu, botɔnsunbi ri fa kabakobi ri niŋ fa taanmashɛ ri wu, miŋ tu ábɛɛ yɛrima kiri i niŋ tɔ-a kɔ.

Mabikiri 24:5

Yibɛɛ ǹʼja-i, tu koŋ kaa finŋ jɛ yibɔɔ konanbi ki kanfɛ. Ntiŋ yibɔɔ konanbi ki bataa ciiru ɲakili lapwulu-i, mani ki bataa ru. Niŋ fa Nansarɛtitɔnŋ kiri wɔ pariti jɛntɔnŋ ki yɛ.