Matiyu 2:13 - Jɔ Biibili ki

¹³ Sɔriniŋ tɔtɔnŋ kiri tirimaan ki kɔɔtɛ, Ŋuntiŋ ki wɔ mɛlɛkɛn bɛɛ i a yɛri ji Yusufu wu jii ru, ŋì i ǹʼbi ntiŋ tɛ tu : « Jɔrɔkɔ, ŋi i bili tiri daŋ ki fa a ɲiŋ ki wu Misira kɛniŋ ki ru. Ŋi i ta tu nmaŋ fɔ waaci wɔ̀ ru, míŋ na ǹʼbi tu a na. Sɛli ki ra, Ɛrɔdi a ǹʼbi tu a ra daŋ ki ceeli, a i ǹʼkilɛn. »

Matiyu 2:13 ပူးပေါင်းရင်းမြစ်များ

Matiyu 1:20

Jibi bɛɛ, ŋì i Yusufu tu niŋ bi kiri miiri-ra, ntiŋ i Ŋuntiŋ Kirinŋ wɔ mɛlɛkɛn ki bɛɛ ja jii ru, niŋ i ǹʼbi ntiŋ tɛ tu : « Yusufu, masa Dawuda nupo, fa kɛni Mariyamu shi bi ki ra nʼwɔ mari ki, sabu cii wɔ̀ i nmari ru, niŋ kila-i Ɲiniwɔlinŋ ki wɔ so ki baraka ra.

Matiyu 10:23

A kí na ji ábɛɛ cɔɔri-ra kili ki bɛɛ ra, á bili tiri kili tɔri ra. Sɛli ki ra, míŋ a ǹʼbi ábɛɛ tɛ, tu ábɛɛ ra na Isirayɛli kili kiri bataa ramaanni kɔ, Koŋ Danshuru ki na ki jɛŋ kì.

Matiyu 2:12

Niŋ kɔɔtɛ, Kirinŋ i sɔriniŋ tɔtɔnŋ kiri racin jii ru, tu kí fa de masa Ɛrɔdi tɛ kì. Niŋ na, nini i saa tɔri shi, kí i arì pwulu tiri arɔɔ kɛniŋ nu.

Matiyu 2:14

Yusufu i jɔrɔkɔ mìŋ cii tenŋ ki ru, ntiŋ i bili daŋ ki fa a ɲiŋ ki wu, kí i ta arì radu Misira kɛniŋ ki ru.

Matiyu 2:16

Masa Ɛrɔdi na-i ǹʼtɔ tu sɔriniŋ tɔtɔnŋ kiri afinŋ sunnɛɛn waarinŋ wɔ̀ ru, ntiŋ tɔnŋ i kwulu kusɛbɛ. Ntiŋ i ǹʼbi tu danshuru finŋ woo finŋ ji-i niŋ waaci ki ru, nwɔ̀ri shi ki fwuude-ri jiri fuuli sun sun kì, Bɛtilɛhɛmu fa a tonfan kili kiri bataa ru, tu nini bataa kilɛn. Ntiŋ niŋ ǹʼbi wuru, sabu ntiŋ ǹʼja wuru-i tu, niŋ waaci ki wuru kɛɲɛ-a sɔriniŋ tɔtɔnŋ kiri wɔ bimaan ki wu.

Matiyu 2:22

Yusufu na-i ǹʼnama waarinŋ wɔ̀ ru tu Arikilayɔsi sɔɔ faan ki sun Yude sɔɔta ki ŋununu a tiŋ Ɛrɔdi ta ru, ntiŋ i kɛni Yude sɔɔta ki ru tarama ki wu. Ŋuntiŋ ki wɔ mɛlɛkɛn ki i wulubi ntiŋ tɛ jii tɔri ru sɛbɛ, niŋ na, ntiŋ i tiri Galile sɔɔta ki ru.

Mabikiri 10:22

Kí i ǹʼnupwulu tu : « Kapitɛni Kɔrinɛyi yibɛɛ cin-i. Koŋ telimaan yɛ, ntiŋ i kɛni-ni Kirinŋ jɛŋ. Yawutu kiri fɔn i ntiŋ tɔ shɔɔrinŋ bi-a. Mɛlɛkɛn wɔlinŋ bɛɛ a yɛri ji-i ntiŋ wu, ŋì i ǹʼbi tu ntiŋ na miŋ dɔri ta awɔ mani nu, tu wulu bɛɛ miŋ gbɛ, ŋi i ǹʼbi ntiŋ tɛ. »

Mabikiri 10:7

Mɛlɛkɛn ki tirimaan ki kɔɔtɛ, Kɔrinɛyi i awɔ joŋ koŋ fuuli dɔri, ntiŋ i a dintɛ surudashi ki bɛɛ tenŋ bo kí sun, ninwɔ̀ wuru Kirinŋ jɛŋ kɛnitɔnŋ i.

Mabikiri 12:11

Mɛlɛkɛn ki tirimaan ki kɔɔtɛ, Pyɛɛri ɲakili ki i waa, ntiŋ i ǹʼbi tu : « Míŋ ǹʼtɔ-i dɔnsaŋ, ŋí i ǹʼfɔɔ tu Ŋuntiŋ ki awɔ mɛlɛkɛn ki bɛɛ bo na, ŋì i na míŋ mwu Ɛrɔdi wɔ faan ki fa Yawutu kiri wɔ janfa kɔlimaan kiri bataa wu. »

Mabikiri 12:7

Ŋuntiŋ ki wɔ mɛlɛkɛn ki bɛɛ i na de nkasufu ki ru. Manisarinŋ ki i nkasufu ki bataa faa. Mɛlɛkɛn ki i Pyɛɛri sunbwɔ bwɔ a yalaka ki ra, ŋì i ntiŋ ŋmɛni, ŋì i ǹʼbi : « Jɔrɔkɔ nukwululula. » Mìŋ manaanŋ tenŋ ki ru, jɔlɔkɔ kiri i fɛɛn san ntiŋ gbɛ kiri ra.

Mabikiri 16:36

Niŋ i ta ǹʼbi Pooli tɛ tu : « Kitikwurutɔnŋ kiri cinŋ bo na-i, tu míŋ ábɛɛ pani, niŋ na, á po, á i tiri. Kirinŋ de á shɔɔrinŋ wu. »

Mabikiri 5:19

Nka cii ki ru, Ŋuntiŋ ki wɔ mɛlɛkɛn ki bɛɛ i na nkasufu ki tɔnŋ kiri rawwulu, niŋ i kí po, ŋì i ǹʼbi kí tɛ :

Mabikiri 7:19

Niŋ masa ki i yibɛɛ tiŋ kiri sunnɛɛn, ntiŋ i kí makwulujuu, ntiŋ i kí po arì kaan sun arì daŋ kiri tɛ, nwɔma nini i beeni.

Jafinŋ ki 12:14

Mìŋ manaanŋ tenŋ ki ru, kɔniŋ sinaŋ cibi fuuli i wɔri mari ki tɛ, nwɔma nmari i mini ta jaŋ ki faninmwuŋ, awɔ mani ki ru, ninwɔ̀ fa nmari wɔ nufinŋ ki ramɔni bo wuru nmari jɛŋ. Nmari ra tu niŋ mani nu nmaŋ, fɔ jiri byaŋ fa ɲɛ taanmani, nwɔma myɛɛn bishi finŋ sinaŋ ki ɲaniŋ fa tu nmari ra kili kì.

Jafinŋ ki 12:4

Ǹʼjiŋ ki i kirinpɔli la sɔriniŋ kiri kila byantɔnŋ ki fira bo pwɔkulinŋ ki sun. Ŋì i ta tu mari ki jɛrimaanna ki ɲaanfɛ, nwɔma a nmari jɛri, a i nmari daŋ ki taa.

Jafinŋ ki 12:6

Nwɔ̀ i mari ki i, niŋ i bili tiri jaŋ faninmwuŋ, mani nu, Kirinŋ yɛrima ki ninwɔ̀ ramɔni bo wuru nmari jɛŋ, nwɔma nmari tɔnŋ na i fɛ niŋ mani nu sunŋ waatenŋ fa yaabwununbyaŋ (1.260) ciiru.