Matiyu 18:9 - Jɔ Biibili ki

⁹ Mìŋ ɲaan tenŋ ki tɛ, a miŋ ɲaninaŋ tenŋ ki ji-a ji sababu miŋ i bijɛ ma, ǹʼkaanni kee mani narimaŋ nu, sabu ŋi i ta de nʼɲaniŋ tenŋ i ɲaninkulutɔnbi ki ru, niŋ pari-i miŋ ɲaninaŋ fuulitiŋ ki keemaan wu jaanama tuu ki ru.

Matiyu 18:9 ပူးပေါင်းရင်းမြစ်များ

Matiyu 16:26

Juniɲa ki ru finŋ bataa kilamaan na nfɛnŋ shɔ konanmini sun, a ntiŋ bɔni a ɲinita ki ru? Konanmini na so nfɛnŋ wɔri-i Kirinŋ tɛ, nwɔ̀ a ntiŋ ɲini ki sa po?

Matiyu 18:8

Niŋ na, a miŋ gbɛ tenŋ ki, walima miŋ kanŋ tenŋ ki ji-a ji sababu miŋ i bijɛ ma, ǹʼkwuru kee mani narimaŋ nu, sabu ŋi i ta de nʼgbɛ tenŋ, walima nʼkanŋ tenŋ wu alijina ki ru, niŋ pari-i miŋ sun nʼgbɛ fuulitiŋ, walima nʼkanŋ fuulitiŋ ki keemaan wu tuu byibali ki ru.

Matiyu 19:17

Yesu tu ntiŋ tɛ : « Nfɛnŋ na, miŋ míŋ nanɔri-ri bi shɔɔrinŋ bi sun? Kirinŋ tenŋ pe shɔ-i. A miŋ ji ǹʼtɛ ŋi i ɲaninkulutɔnbi kɔbali ki kila, miŋ kakan-i ŋi i Kirinŋ wɔ sariya kiri saa ki tiri. »

Matiyu 5:22

Nka míŋ kɔniŋ na ǹʼbi ábɛɛ tɛ, ńʼtu konwɔtiŋ a tɔnkwulu a tindaŋ cɛfan, ńʼtu kiti ki kakan ŋì i fɛɛn nintiŋ sun. Konwɔtiŋ i ǹʼbi-a a tindaŋ ki tɛ tu ntiŋ konkulinŋ i, kiti ki kakan-i ŋì i kwuru nintiŋ sun kitikwurutoŋ ki gbɛ. A nwɔ̀tiŋ ǹʼbi a tindaŋ ki tɛ tu julutiŋ i, nintiŋ fa jaanama ki tuu ki kakan-i.

Matiyu 5:29

Niŋ na, a miŋ pantɛ ɲaninaŋ ki ji-a ji sababu ŋì i miŋ bo bijɛ ki ru, ǹʼpo kee, ŋi i bɔni nʼfiri ki mani ki bɛɛ tenŋ nu, niŋ pari-i nʼfiri ki kwuturu ki kee bo wu jaanama ki ru.

Maraka 9:47

A miŋ ɲaninaŋ ki ji-a ji sababu, ŋi i miŋ bo bijɛ ki ru, ǹʼkaanni po kee. Ŋi i de Kirinŋ wɔ Masabi ki ru nʼɲaniŋ tenŋ i, niŋ pari-i nʼɲaniŋ fuulitiŋ ki keemaan ki wu jaanama ki ru.

Mabikiri 14:22

Niŋ kili kiri ra, kí wuru bilinatɔnŋ kiri siratu-a bilinabi ki ru, kí i kí racin-ni tu : « Waajibi yɛ tu cɔɔri mwɔɔnna yibɛɛ kila, yi i kila yi i de Kirinŋ wɔ Masabi ki ru. »

Iburu kiri 4:11

Niŋ ki ra, yi bataa yi banba, yi i de niŋ nufaanmaŋ ki ru, nwɔma koŋ tɔri tenŋ fa na ji Kirinŋ wulu pabali, ntiŋ i fɛɛn miŋ tu yibɛɛ tiŋ cɛɛnni kiri kì.

Jafinŋ ki 21:27

Finŋ nɔɔmaan daŋ tenŋ a de nmaŋ kì. Mabali bi matɔnŋ walima purubitɔnŋ daŋ tenŋ a de nmaŋ kì. Koŋ wɔ̀ri tɔ kiri sɛbɛ-i Saanaŋ ki wɔ ɲaninkulutɔnbi sɛbɛ ki ru, niŋ kiri bantenŋ a de niŋ mani ki ru.