Matiyu 18:3 - Jɔ Biibili ki

³ ntiŋ i ǹʼbi tu : « Sɛli ki ra, míŋ a ǹʼbi ábɛɛ tɛ ńʼtu, a ábɛɛ á rapwulu ji miŋ tu daŋ pyaanŋ ni kì, ńʼtu ábɛɛ ra de kirinpɔlila Masabi ki ru fyewu kì.

Matiyu 18:3 ပူးပေါင်းရင်းမြစ်များ

Matiyu 13:15

Sabu ka shiya ka ru konaŋ kiri ciiru ɲakili ki furu-i, kí i arì tɔɔn kiri raye, kí i arì ɲaninaŋ kiri rala, nwɔma arì ɲaninaŋ kiri fa maannaja kì, arì tɔɔn kiri fa wulu lama kì, arì ciiru ɲakili kiri fa bi tɔ, arì i arì ɲaannu pwulu míŋ Kirinŋ tɛ, nwɔma ŋí i kí kene kì. ›  »

Matiyu 18:2

Niŋ waari ru, Yesu i daŋ pyaanŋ bɛɛ dɔri, ntiŋ i na niŋ tu kí faninmwuŋ,

Matiyu 18:4

Konwɔtiŋ i a yɛri sunjɛri-ra miŋ tu ka daŋ pyaanŋ kaa, nintiŋ ki gbɛ-i kirinpɔlila Masabi ki ru.

Matiyu 19:14

Yesu tu kí tɛ : « Á ncusun tiraŋ kiri na míŋ tɛ, á fa kí suu míŋ tɛ na ki sun kì, sabu konwɔtiŋ ni i miŋ tu tiraŋ ni, kirinpɔlila Masabi ki i nini wɔ. »

Matiyu 19:23

Yesu tu awɔ kalindaŋ kiri tɛ tu : « Sɛli ki ra, míŋ a ǹʼbi ábɛɛ tɛ, ńʼtu nafulutiŋ derama ki furu kirinpɔlila Masabi ki ru sa! »

Matiyu 5:18

Sɛli ki ra, míŋ a ǹʼbi ábɛɛ tɛ ńʼtu kirinpɔli ki fa pwɔkulinŋ ki bataa ra na fwuude, ńʼtu hali sariya ki gbɛnaŋ kulinŋ fɛ wɔ a san ǹʼna kì, walima ǹʼwulubaalinŋ tenŋ a san ǹʼna kì, fɔ ŋì i ta so finŋ fɔn bataa rafaa ki sun.

Matiyu 5:20

Sɛli ki ra, míŋ a ǹʼbi ábɛɛ tɛ ńʼtu ábɔɔ telibi ki ja ji fwuu sariya kalimɔɔ kiri fa Farinsiyɛnŋ kiri wɔ ki sun kì, ńʼtu ábɛɛ ra de kirinpɔlila Masabi ki ru kì. »

Matiyu 6:16

Yesu tu : « A ábɛɛ ji sunŋ na waarinŋ wɔ̀ ru, á fa á ɲaannuŋunu miŋ tu wulufuulibitɔnŋ kiri kì. Nini i arì ɲaannuŋunu-na, nwɔma konaŋ kiri i ǹʼtɔ tu arìbɛɛ sunŋ na. Sɛli ki ra, míŋ a ǹʼbi ábɛɛ tɛ, ńʼtu kí arɔɔ sali ki kila niŋ i kɔ.

Matiyu 6:2

A miŋ ji ǹʼtɛ ŋi i shɔɔrinŋ ma gbɛwɔ kiri tɛ, fa niŋ sunjo de mani bataa ru kì. Wulufuulibitɔnŋ kiri mabi kiri i nini i Yawutu kiri wɔ kalinfu kiri ru, niŋ fa kaninwulinŋ kiri fan, nwɔma konaŋ kiri i arì tɔ shɔɔrinŋ bi. Sɛli ki ra, míŋ a ǹʼbi ábɛɛ tɛ, ńʼtu nini arì sali ki kila niŋ i kɔ.

Matiyu 6:5

Ntiŋ tu sɛbɛ : « A ábɛɛ ji Kirinŋ nafɛ-a, á fa niŋ ji wulufuulibitɔnŋ ni sali kì. Kí i tu Yawutu kiri wɔ kalinfu ki ru, walima saa kiri tɔnŋ na, kí i Kirinŋ nafɛ-ri, ninki di-i kí tɛ. Kí i ǹʼma-a ninkunŋ, nwɔma konaŋ kiri i arì ja. Sɛli ki ra, míŋ a ǹʼbi ábɛɛ tɛ, ńʼtu kí arì sali ki kila niŋ i kɔ.

Maraka 4:12

nwɔma, kí i maannashɛɛli, nka kí fa ǹʼja kì. Kí i ǹʼnama, nka kí fa ǹʼdaŋ ki tɔ kì. A niŋ ji-i kì, a kí ǹʼdaŋ ki tɔ, kí a ntɔri bi arɔɔ bijɛ kiri ra, kí i na Kirinŋ tɛ, Kirinŋ ji-a kɔ́ɔ́ bijɛ kiri tu kí tɛ. »

Luki 13:24

« Á á banba, á i de demantɔnŋ pyaanŋ ki ra, sabu míŋ a ǹʼbi ábɛɛ tɛ, ńʼtu koŋ mwɔɔnna na demaŋ ceeli ǹʼna, nka kí a so de-i kì.

Luki 22:32

Nka míŋ Kirinŋ nafɛ-i miŋ Simɔŋ tɛ, nwɔma nʼwɔ bilinabi ki fa na li kì. A miŋ na ntɔri bi waarinŋ wɔ̀ ru, ŋi i nʼpwulu míŋ tɛ, ŋi i nʼtindaŋ kiri cunadi. »

Yuhana 1:51

Ntiŋ tu sɛbɛ : « Sɛli ki ra, míŋ a ǹʼbi ábɛɛ tɛ ńʼtu, ábɛɛ ra na kirinpɔli ki rawwulumaan ki ja, á i Kirinŋ wɔ mɛlɛkɛn kiri jɛrira ki ja pwɔkulinŋ sun, á i yìrì tunpaara ki ja kirinpɔli ki ru Koŋ Danshuru ki bira. »

Yuhana 3:3

Yesu i ntiŋ nupwulu tu : « Sɛli ki ra, míŋ a ǹʼbi miŋ tɛ, ńʼtu, a konwɔtiŋ ji ǹʼŋunaŋ i kì, ńʼtu ntiŋ a so Kirinŋ wɔ Masabi ki ja-i kì. »

Yuhana 3:5

Yesu tu ntiŋ tɛ tu : « Sɛli ki ra, míŋ a ǹʼbi miŋ tɛ ńʼtu koŋ woo koŋ ji ju fa Ɲiniwɔlinŋ ki baraka ra kì, ńʼtu ntiŋ a so de-i Kirinŋ wɔ Masabi ki ru kì,

Mabikiri 14:22

Niŋ kili kiri ra, kí wuru bilinatɔnŋ kiri siratu-a bilinabi ki ru, kí i kí racin-ni tu : « Waajibi yɛ tu cɔɔri mwɔɔnna yibɛɛ kila, yi i kila yi i de Kirinŋ wɔ Masabi ki ru. »

Mabikiri 28:27

Sabu ka shiya ka ru konaŋ kiri ciiru ɲakili ki furu-i, kí i arì tɔɔn kiri raye, kí i arì ɲaninaŋ kiri rala, nwɔma arì ɲaninaŋ kiri fa maannaja kì, arì tɔɔn kiri fa wulu lama kì, arì ciiru ɲakili kiri fa bi tɔ, arì i arì ɲaannu pwulu míŋ Kirinŋ tɛ, nwɔma ŋí i kí kene kì. ›  »

Mabikiri 3:19

Niŋ ki ra, á ntɔri bi áwɔ bijɛ kiri ra, á i na Kirinŋ tɛ, nwɔma ŋì i áwɔ bijɛ kiri tu á tɛ.

Korɛntitɔnŋ kiri (1) 14:20

Ńʼtindaŋ ni, á fa bi kiri shɛɛli miŋ tu tiraŋ ni kì. Nka nwɔ̀ i bijɛ ki i, á ji miŋ tu tiraŋ ni, nka bi shɛɛlika ɲaan ki tɛ, á ji bwuumaan ni i.

Pyɛɛri (1) 2:2

Ɲɛŋ ju tɔ i danjeelinŋ pa-a ɲaan wɔ̀ tɛ, Kirinŋ wɔ wulu ki wɔ̀ i miŋ tu ɲɛŋ ju yɛrima ki, á ncusun niŋ tɔ ki i á pa mìŋ ɲaan ki tɛ, nwɔma niŋ i á gbɛ, á i á mwu,

Pyɛɛri (2) 1:11

Niŋ ɲaan ki tɛ, yibɛɛ Ŋuntiŋ ki, ninwɔ̀ i yi Mwutɔnŋ Yesu Kirisa, ninwɔ̀ masabi kɔbali ki demantɔnŋ kiri bataa ra rawwulu ábɛɛ tɛ.