Matiyu 17:3 - Jɔ Biibili ki

³ Mìŋ manaanŋ tenŋ ki ru, kalindaŋ kiri i cintɔnŋ Musa fa cintɔnŋ Eli ja wulubi-a Yesu tɛ.

Matiyu 17:3 ပူးပေါင်းရင်းမြစ်များ

Matiyu 17:2

Niŋ mani nu, ntiŋ ɲaanfɛ ki i rapwulu kíbɛɛ yɛri kiri ɲaanna, ntiŋ sunjuulinŋ kiri i fɔɔ pɛlipɛli, ntiŋ ɲaanfɛ ki i cucu-ri miŋ tu sunŋ sarinŋ.

Matiyu 17:4

Pyɛɛri tu Yesu tɛ : « Ŋuntiŋ ki, yibɛɛ jimaan ki kwumaŋ, niŋ shɔ-i dɛ! A ábɛɛ á tu míŋ a juulinfu byaŋ tan, ábɔɔ tenŋ, Musa wɔ tenŋ, niŋ fa Eli wɔ tenŋ. »

Maraka 9:4

Eli fa Musa i arì yɛri ji kí wu, nini fa Yesu i wulubi-ri.

Luki 1:17

Ŋì a na tiri Ŋuntiŋ ki jɛŋ Ɲiniwɔlinŋ ki wɔ so wu, miŋ tu cintɔnŋ Eli, ŋì i ǹʼwɔ saa ki ramɔni. Nwɔma, tiŋ fa daŋ wulu i fu, koŋ kaanmaan kiri ɲakili kiri i rapwulu, fɔ ŋì i koŋ telimaan ɲakili wɔri kí tɛ, kí i ji koŋ kulumaan ni i Kirinŋ wɔ saa ki fan. Niŋ ɲaan ki tɛ, ŋì a konanbi ki bɛɛ ramɔni bo Ŋuntiŋ ki jɛŋ, nwɔ̀ a ji ǹʼwɔ konanbi i. »

Luki 16:16

Fɔlɔfɔlɔ, Kirinŋ wɔ sariya ki fa Kirinŋ wɔ cintɔnŋ kiri wɔ wulu kiri wuru sɔɔ-ra konaŋ kiri i kali-li, fɔ ŋì i na so Wutɔnŋ Yuhana wɔ waaci ki sun. Ŋì i shi niŋ sun sa, Kirinŋ wɔ Masabi ki ru Wulujii ki i sunjo-a konaŋ kiri tɛ. Koŋ bataa i a sunfuru-ra kí i demaŋ ceeli-li niŋ Masabi ki ru.

Luki 24:27

Niŋ kɔɔtɛ, Sɛbɛ kiri wulu finŋ woo finŋ bi-i ntiŋ bi ki sun, ntiŋ i niŋ bataa ɲaanbi fɔɔ kí tɛ. Ntiŋ i ǹʼtɔnpa wulu wɔ̀ri bi-i Kirinŋ wɔ cintɔnŋ Musa wɔ sariya sɛbɛ kiri ru, ŋì i ta so Kirinŋ wɔ cintɔnŋ kiri wɔ wulu kiri sun.

Luki 24:44

Niŋ kɔɔtɛ, ntiŋ tu kí tɛ : « Míŋ wuru faa-a ábɛɛ fan waarinŋ wɔ̀ ru, míŋ wuru mìŋ ka bi-a ábɛɛ tɛ, ńʼtu bi wɔ̀ri sɛbɛ míŋ bi ki sun, Kirinŋ wɔ cintɔnŋ Musa wɔ sariya sɛbɛ ki ru, niŋ fa nwɔ̀ri sɛbɛ-i Kirinŋ wɔ cintɔnŋ kiri wɔ wulu ki fa Kirinŋ tɛ shu kiri sɛbɛ kiri ru, ńʼtu nini bataa kakan yìrì i ma, miŋ tu yìrì bi-i ɲaan wɔ̀ tɛ. »

Luki 9:33

Niŋ shuru fuuli ki ji-a arì san Yesu tɔntɛ waarinŋ wɔ̀ ru, Pyɛɛri i ǹʼbi : « Kalimɔɔ, yibɛɛ jimaan ki kwumaŋ niŋ shɔ-i dɛ! Á ncusun yi bwɔ byaŋ namɔni kwumaŋ, ábɔɔ tenŋ, Musa wɔ tenŋ, niŋ fa Eli wɔ tenŋ. » Ntiŋ niŋ wulu ki bi wuru a ŋununtɛ.

Yuhana 1:17

Kirinŋ sariya ki wɔri-i yibɛɛ tɛ Musa gbɛ, nka ŋì shɔɔrinŋ ki fa sɛli ki wɔri-i yibɛɛ tɛ Yesu Kirisa gbɛ.