Matiyu 14:3 - Jɔ Biibili ki

³ Sɛli yɛ, Ɛrɔdi Wutɔnŋ Yuhana pa kɔli bo wuru nkasu ru. Ntiŋ niŋ ma wuru a pwaŋ Filipu wɔ mari Ɛrɔdiyadi bira.

Matiyu 14:3 ပူးပေါင်းရင်းမြစ်များ

Matiyu 11:2

Niŋ waari ru, Wutɔnŋ Yuhana i tu nkasu ki ru, ntiŋ i Kirisa mabi kiri rakali wulu kiri rama-ni. Ntiŋ i awɔ kalindaŋ kiri bɛɛ ri cin Yesu ranɔri tu :

Matiyu 14:6

Nka, Ɛrɔdi ji jibi ki jirirakwunu ki na-i so, Ɛrɔdiyadi danmari ki i wɔshɛ masa ki wɔ jɛ namaan kiri ɲaanfɛ. Niŋ i di ntiŋ tɛ kusɛbɛ,

Matiyu 4:12

Yesu ǹʼnama-i tu Wutɔnŋ Yuhana pa bo nkasu ru waarinŋ wɔ̀ ru, ntiŋ i tiri Galile sɔɔta ki ru,

Maraka 6:14

Masa Ɛrɔdi i na Yesu wulu ki rama, sabu ntiŋ tɔ ki po wuru kusɛbɛ mani ki bataa ru. Konaŋ kiri bɛɛ ri wuru ǹʼbi-a tu, Wutɔnŋ Yuhana wɔ̀ beeni, tu niŋ ŋmɛni po san konkwuu kiri ru. Tu niŋ ki ra, ntiŋ i so-ri ka botɔnsunbi kari ma-i.

Maraka 6:17

Ɛrɔdi yɛrima ki ǹʼbi wuru tu Yuhana ta pa, kí i ntiŋ kɔli bo nkasu ru, sabu Yuhana jɛbi wuru ntiŋ gbɛ tu : « Ŋì i kɛɲɛ sariya ki wu, miŋ kakan ŋi i nʼtindaŋ ki wɔ mari ki cɛn ji nʼwɔ kì. » Yuhana niŋ bi wuru-i, sabu Ɛrɔdi a tindaŋ Filipu wɔ mari Ɛrɔdiyadi cɛn ji wuru awɔ mari i.

Maraka 6:19

Ɛrɔdiyadi tɔnŋ i kwulu Yuhana cɛfan haali. Nmari wuru ǹʼtɛ Yuhana i kilɛn, nka nmari yɛrima ki wuru-ra so kì.

Maraka 6:22

Ɛrɔdiyadi danmari ki i ta wɔshɛ nini ɲaanfɛ. Niŋ i di masa Ɛrɔdi fa awɔ koŋ dɔrimaan kiri tɛ. Niŋ ma-i, masa ki tu maannaanŋ ki tɛ : « Finŋ woo finŋ di miŋ tɛ, ǹʼbi ńʼtɛ, míŋ a niŋ wɔri miŋ tɛ. »

Maraka 8:15

Yesu i ǹʼbi furu awɔ kalindaŋ kiri tɛ tu : « Á á yɛri paka tɔ Farinsiyɛnŋ kiri fa Ɛrɔdi wɔ bwuru tuutuufinŋ ki kɛlina. »

Luki 13:1

Niŋ waaci ki ru, Pilati Galiletɔnŋ bɛɛ ri kilɛn wuru-i, ŋì i kí tu saraka wɔri-ra Kirinŋ tɛ. Ntiŋ i nini cunŋ ki ɲaanmi kɔ́ɔ́ finŋ sarakamaan kiri cunŋ ki wu. Niŋ mamaan ki, koŋ bɛɛ ri i ta niŋ nakali Yesu tɛ.

Luki 13:31

Niŋ waaci ki ru, Farinsiyɛnŋ kiri bɛɛ ri i na ǹʼbi Yesu tɛ : « Po san kwumaŋ, ŋi i tiri, sabu Ɛrɔdi i ǹʼtɛ a i miŋ kilɛn. »

Luki 23:11

Ɛrɔdi fa awɔ surudashi kiri i Yesu rufyɛ, kí i yɛ kulinŋ tan bo ntiŋ sun, kí i masajɛrɛbi sinaŋ tɔtiŋ shɔɔrinŋ bɛɛ bo ntiŋ yɛɛra. Niŋ kɔɔtɛ, Ɛrɔdi i kí pwulu bo ta Yesu wu Pilati tɛ sɛbɛ.

Luki 23:7

Pilati ǹʼtɔ-i waarinŋ wɔ̀ ru tu Yesu po-a Galile sɔɔta ki ru, kɛnintiŋ Ɛrɔdi wuru wɔ̀ ŋununu, ntiŋ tu konaŋ kiri tiri Yesu wu Ɛrɔdi tɛ. Sabu, niŋ shikaŋ, Ɛrɔdi wuru Yerusalɛmu kili ki ru nmaŋ sɛbɛ.

Luki 3:1

Masa sinaŋ Tibɛri wɔ faan ki jiri bwununtaantɔnŋ ki, Pɔnsi Pilati wuru Yude kɛniŋ ki ŋununtiŋ ki i. Ɛrɔdi i ji Galile kɛniŋ ki ŋununtiŋ ki i, wú tindaŋ Filipu i ji Iture niŋ fa Tarakoniti sɔɔta kiri ŋununtiŋ ki i. Lisaniyasi wuru Abilɛni sɔɔta ki ŋununu.

Luki 8:3

Mari tɔri wuru nmaŋ, tu Yahanɛ, ninwɔ̀ wuru Ɛrɔdi wɔ nafulu lakparitɔnŋ Kunsa wɔ mari i. Mari tɔri wuru nmaŋ sɛbɛ, nwɔ̀ tɔ wuru tu Sunsani, ŋì i bo mari mwɔɔnna tɔri ri sun. Nini bataa wuru ye-a Yesu fa awɔ kalindaŋ kiri tɛ arì gbɛfɛfinŋ ni wu.

Mabikiri 12:1

Niŋ waaci ki ru, masa Ɛrɔdi bilinatɔnŋ kiri bɛɛ ri pa wuru-i, ntiŋ i kí makwulujuu.

Mabikiri 4:27

Sɛli ki ra, Ɛrɔdi fa Pɔnsi Pilati, fa Isirayɛli konanbi ki fa shiya tɔri kiri fu-i ǹʼsun, ka kili ka ciiru kwumaŋ, kí i jɔrɔkɔ ábɛɛ tɛ baara matɔnŋ wɔlinŋ ki Yesu cɛfan, ábɛɛ ninwɔ̀ ɲaannashi-i.