Matiyu 11:7 - Jɔ Biibili ki

⁷ Wutɔnŋ Yuhana wɔ kalindaŋ kiri arì pwulu-i waarinŋ wɔ̀ ru, Yesu i ntiŋ ɲaanbi-ri konaŋ ki tɛ, ntiŋ tu kí tɛ : « Ábɛɛ ta-ri nfɛnŋ shɛɛli jaŋ ki faninmwuŋ? Faa wɔ ɲɔɔnni nutimaanna wuru-i wa?

Matiyu 11:7 ပူးပေါင်းရင်းမြစ်များ

Matiyu 11:8

A niŋ ji-i kì, ábɛɛ ta-ri nfɛnŋ shɛɛli? Juulinŋ tɔtiŋ botɔnŋ wuru-i wa? Á ǹʼtɔ tu juulinŋ tɔtiŋ botɔnŋ kiri masafu ri ru dɛ!

Matiyu 12:20

Ntiŋ a na ɲɔɔnni filɛkɛmaan ki pyɛ ki yali kì. Ntiŋ a na sifilɛn pirɛmaan ki pyɛ ki byi kì. Ntiŋ a tu ninki sun, fɔ telibi ki i na so kila mani ki bataa ru.

Matiyu 21:25

Yesu tu : « Nkɛnŋ Wutɔnŋ Yuhana cin-ni tu ntiŋ konaŋ kiri wu? Kirinŋ daa konaŋ ni? » Niŋ na, kí i ǹʼbi arìmaŋ tɛ tu : « A yibɛɛ ǹʼbi tu Kirinŋ i, ntiŋ a yibɛɛ ranɔri tu nfɛnŋ na yibɛɛ bili Yuhana na kì.

Matiyu 3:5

Konaŋ ki wuru po yiri-ra Yerusalɛmu, fa Yude sɔɔta ki mani ki bataa ru, niŋ fa Yurudɛn baa ki tonfan mani kiri bataa ru, kí i na-ni Yuhana tɛ.

Luki 8:18

Niŋ na, ábɛɛ i wulu wɔ̀ rama-a míŋ gbɛ, á ǹʼpaka shɔ dɛ! Sabu finŋ i nwɔ̀tiŋ gbɛ, ǹʼbɛɛ ra na bo niŋ sun, finŋ nwɔ̀tiŋ gbɛ kì, ntiŋ ɲakilila tu ǹʼpyaanŋ wɔ̀ afinŋ gbɛ, niŋ fɔn a na mwu san ntiŋ wu. »

Yuhana 1:38

Yesu a ɲaannupwulu-i, ntiŋ i kí ja a cɛfan waarinŋ wɔ̀ ru, ntiŋ i kí ranɔri tu : « Ábɛɛ nfɛnŋ ceeli-la? » Kí tu ntiŋ tɛ tu : « Arabi, (niŋ kɔri ki i tu kalimɔɔ) ábɛɛ jɛri mani danwɔ ru? »

Yuhana 5:35

Sɛli ki ra, Yuhana ji-i miŋ tu sifilɛn cumaan, nwɔ̀ sarinŋ i po-a ábɛɛ faninmwuŋ, nka ábɛɛ á ciirudi-i ǹʼsarinŋ ki tɛ, waarinŋ pyaanŋ bantenŋ nu.

Efɛsitɔnŋ kiri 4:14

Niŋ na, yibɛɛ ra tu tiraŋ ni i kili kì. Koŋ wɔ̀ri i konaŋ kiri sunnɛɛn-na puru kiri fa namarinŋ wulu kiri wu, nini a so yibɛɛ curu san-i saa shɔɔrinŋ ki sun kì, kí i yi i fifa de-ri kɛlinŋ ki fɔn tɛ kì, miŋ tu ju fa faa i buŋ curu-ra ɲaan wɔ̀ tɛ.

Yakuba 1:6

Nka, ntiŋ Kirinŋ nafɛ bilinabi wu, ntiŋ fa sii sii ǹʼna kì. Konwɔtiŋ i sii sii-ra, nintiŋ i miŋ tu jukwululuŋ, faa ki i ninwɔ̀ shi kee de-a mani bataa ru. Niŋ kɔri ki i tu ntiŋ bili-la Kirinŋ na kì.