1 Yesu kɔ-i niŋ nacinwulu kiri ra awɔ kalindaŋ bwununfuuli ki tɛ waarinŋ wɔ̀ ru, ntiŋ i po, ntiŋ i ta niŋ sɔɔta ki ru kili kiri ra, ntiŋ i ta konaŋ kiri kali-li, ntiŋ i Wulujii ki sunjo-ri kí tɛ.
Yesu i ta Galile sɔɔta ki mani ki bataa ru, ntiŋ i konaŋ ki kali-li Yawutu kiri wɔ kalinfu kiri ru, ntiŋ i kirinpɔlila Masabi ki Wulujii ki sunjo-ri, niŋ fa ntiŋ i konaŋ kiri wɔ kira kwuru ki bataa fa kɔ́ɔ́ bɔlɔmabi kwuru ki bataa kene-ni.
Yesu wuru ta-a kili sinaŋ kiri fa kili pyaanŋ kiri ra, ntiŋ i konaŋ ki kali-li Yawutu kiri wɔ kalinfu kiri ru, ntiŋ i kirinpɔlila Masabi ki Wulujii ki sunjo-ri, niŋ fa ntiŋ i konaŋ kiri wɔ kira kiri fa kɔ́ɔ́ bɔlɔmabi kwuru ki bataa kene-ni.
Niŋ kɔɔtɛ, Yesu wuru ta-a kili sinaŋ kiri fa kili pyaanŋ kiri ra, ntiŋ i Kirinŋ wɔ Masabi ki Wulujii ki sunjo-ri kí tɛ. Ntiŋ wɔ kalindaŋ bwununfuuli ki wuru ntiŋ fan.
A ábɛɛ ji mɔ́ɔ́n cinŋ bimaan kiri ma-a, ábɛɛ ra tu mɔ́ɔ́n bidintɛbi ki ru, miŋ tu míŋ ńʼTiŋ ki wɔ cinŋ bimaan kiri ma-i, ŋí i tu kɔ́ɔ́ bidintɛbi ki ru.
Kirinŋ Yesu Nansarɛtitɔnŋ ki ɲaannashi-i ɲaan wɔ̀ tɛ, ŋì i ntiŋ faa Ɲiniwɔlinŋ ki wɔ sotinbi ki ra, ábɛɛ niŋ tɔ-i. Á i ǹʼtɔ-ri tu Kirinŋ wuru ntiŋ fan, tu ntiŋ wuru a maanni de-a kɛniŋ ki ru, ntiŋ i bi shɔɔrinŋ ni ma-ni, ntiŋ i shitaanni wɔ konaŋ cɔɔrimaan kiri bataa kene-ni.
Ntiŋ ǹʼbi-i yibɛɛ tɛ, tu yi ǹʼsunjo konaŋ ki bataa tɛ, yi i ǹʼfɔɔ tu Kirinŋ afinŋ ki sɔɔ, tu a i ji ɲaninkulutɔnŋ kiri fa konkwuu kiri wɔ kitikwurutɔnŋ ki i.
Míŋ tindaŋ ni, yibɛɛ ra nwɔ̀ bi furu ábɛɛ tɛ, yi Ŋuntiŋ Yesu Kirisa tɔ ki bira, niŋ i tu : bilinatɔnŋ wɔ̀ri i arì yɛri ji-a jurubitiŋ ni i, kí i arì maanni de-ri, kí jɛɛn-na kí i yibɔɔ kalinŋ kiri pa-ri kì, tu á á kila san niŋ koŋ kwuru kiri ra.