Matiyu 10:7 - Jɔ Biibili ki

⁷ Á tirira ki, á ǹʼsunjo ta-ri konaŋ ki tɛ, tu kirinpɔlila Masabi ki myɛ kɔ.

Matiyu 10:7 ပူးပေါင်းရင်းမြစ်များ

Matiyu 10:8

Á i kiratɔnŋ kiri kene, á i konkwuu kiri ŋmɛni, á i tuutiŋ kiri wɔ tuu kiri kene, á i ɲinijɛtiŋ kiri wɔ ɲinijɛ kiri kwɔ po san kí ru. Ábɛɛ ǹʼkila-i ǹʼgbansanŋ i, á ǹʼwɔri ǹʼgbansanŋ i.

Matiyu 11:1

Yesu kɔ-i niŋ nacinwulu kiri ra awɔ kalindaŋ bwununfuuli ki tɛ waarinŋ wɔ̀ ru, ntiŋ i po, ntiŋ i ta niŋ sɔɔta ki ru kili kiri ra, ntiŋ i ta konaŋ kiri kali-li, ntiŋ i Wulujii ki sunjo-ri kí tɛ.

Matiyu 21:31

Ka daŋ fuuli kari ru, ǹʼdanwɔ ki arì tiŋ ki dintɛ bi ki ma sa? » Konaŋ kiri tu : « Danshuru jɔnɔ ki yɛ. » Yesu tu : « Sɛli ki ra, míŋ a ǹʼbi ábɛɛ tɛ, ńʼtu ɲinisarakɔlɔtɔnŋ kiri fa nankulunmari kiri ra ábɛɛ jɛnkwuru Kirinŋ wɔ Masabi ki ru.

Matiyu 21:43

Yesu tu : « Niŋ ki ra, míŋ a ǹʼbi ábɛɛ tɛ, ńʼtu Kirinŋ a awɔ Masabi ki po san ábɛɛ gbɛfɛ, ŋì i ǹʼwɔri shiya tɔri ri tɛ, nwɔ̀ri ra ǹʼdintɛ bi ki ma.

Matiyu 23:13

Yesu tu : « Bɔni i ábɛɛ sariya kalimɔɔ kiri fa ábɛɛ Farinsiyɛnŋ kiri tɛ, ábɛɛ i wulufuulibitɔnŋ ni i, sabu ábɛɛ i kirinpɔlila Masabi ki tɔnŋ nala-a konaŋ ki jɛŋ, ábɛɛ yɛrima kiri dumiŋ de-a ǹʼnu kì, nwɔ̀ri fani i ǹʼtɛ arì i de, á ncusun-a nini i de kì.

Matiyu 3:2

Ntiŋ wuru ǹʼbi-a kí tɛ tu : « Á ntɔri bi áwɔ bijɛ kiri ra, sabu kirinpɔlila Masabi ki waari ki myɛ-i. »

Matiyu 4:17

Ŋì i shi niŋ shikaŋ ki sun, Yesu i ǹʼsunjo de-ri tu : « Á ntɔri bi áwɔ bijɛ kiri ra, sabu kirinpɔlila Masabi ki waari ki myɛ-i. »

Maraka 6:12

Niŋ ɲaan ki tɛ, kalindaŋ kiri i po tiri kili kiri ra. Kí i ta ǹʼsunjo tu konaŋ kiri ntɔri bi arɔɔ bijɛ kiri ra, tu kí i na Kirinŋ tɛ.

Luki 16:16

Fɔlɔfɔlɔ, Kirinŋ wɔ sariya ki fa Kirinŋ wɔ cintɔnŋ kiri wɔ wulu kiri wuru sɔɔ-ra konaŋ kiri i kali-li, fɔ ŋì i na so Wutɔnŋ Yuhana wɔ waaci ki sun. Ŋì i shi niŋ sun sa, Kirinŋ wɔ Masabi ki ru Wulujii ki i sunjo-a konaŋ kiri tɛ. Koŋ bataa i a sunfuru-ra kí i demaŋ ceeli-li niŋ Masabi ki ru.

Luki 9:2

Niŋ ma-i, ntiŋ i kí cin tu kí ta Kirinŋ wɔ Masabi ki sunjo konaŋ kiri tɛ, niŋ fa kí i kiratɔnŋ kiri kene.

Luki 9:6

Niŋ ɲaan ki tɛ, kalindaŋ kiri i po tiri kili kiri ra. Kí i ta Kirinŋ wɔ Wulujii ki sunjo, niŋ fa kí i kiratɔnŋ kiri kene mani ki bataa ru.

Luki 9:60

Nka Yesu tu ntiŋ tɛ : « Ncusun konkwuu kiri arɔɔ konkwuu kiri ye, miŋ kɔniŋ, miŋ ta Kirinŋ wɔ Masabi ki sunjo. »

Yuhana 3:2

Ntiŋ i ta Yesu tɛ cii ru, ntiŋ i ǹʼbi ntiŋ tɛ tu : « Yɔɔ kalimɔɔ, yibɛɛ kɔniŋ ǹʼtɔ-i tu miŋ kalimɔɔ ɔ, nwɔ̀ po-i Kirinŋ nu, sabu miŋ i taanmashɛ wɔ̀ri ma-a, koŋ tɔri tenŋ a so nini ma-i kì, duu Kirinŋ i nwɔ̀ fan. »

Mabikiri 10:25

Pyɛɛri so-i nmaŋ waarinŋ wɔ̀ ru, Kɔrinɛyi i na ntiŋ ŋununafu. Ntiŋ i a sunbili fwuniŋ sun Pyɛɛri fɛ, ntiŋ i ntiŋ co gbɛbi wu.

Mabikiri 28:31

Pooli wuru Kirinŋ wɔ Masabi ki sunjo-a, ntiŋ i konaŋ kiri kali-li, ntiŋ i Ŋuntiŋ Yesu Kirisa bi ki ji-ri kí wu tɔnnafurubi wu. Koŋ fani ntiŋ fwuurapa ǹʼsun kì.

Mabikiri 4:2

Nini tɔnkwulu wuru-i, sabu Pyɛɛri fa Yuhana wuru Yesu ŋmɛnibi ki bi-a, kí i konaŋ ki kali-li tu mìŋ ɲaan tenŋ ki tɛ, tu konkwuu kiri ra na ŋmɛni.