Matiyu 10:5 - Jɔ Biibili ki

⁵ Yesu awɔ cindaŋ bwununfuuli kari cin-i, ntiŋ i kí bosaara ka racinwulu ka wu : « Á fa ta shiya tɔri ri tɛ kì, á fa ta Samari sɔɔta ki ru kili ki tɔri ra kì.

Matiyu 10:5 ပူးပေါင်းရင်းမြစ်များ

Matiyu 22:3

Ntiŋ nufinŋ ki wulu ki bi wuru nwɔ̀ri tɛ, ntiŋ i a tɛ baara matɔnŋ kiri bo tiri nini dɔri, nka nini arì tu kí i na kì.

Matiyu 4:15

« Nsabulɔn kɛniŋ ki niŋ fa Nefitali kɛniŋ ki, á á tɔɔnye, ábɛɛ wɔ̀ri i Galile baa ki kɛlina Yurudɛn baa ki kuŋ nu, ábɛɛ wɔ̀ri i shiya tɔri kiri wɔ Galile ki i.

Maraka 6:7

Yesu awɔ kalindaŋ bwununfuuli ki dɔri-i, ntiŋ i kí bo ta koŋ fulunfulunŋ i, ntiŋ i so wɔri kí tɛ, kí i so ɲinijɛ kiri kalikali-i.

Luki 10:1

Niŋ kɔɔtɛ, Ŋuntiŋ ki i kalindaŋ koŋ yaabyaŋ fa bwununfuuli tɔri ɲaannashi. Ntiŋ kakan wuru ntiŋ i ta kili wɔ̀ri fa mani finŋ woo finŋ nu, ntiŋ i kí cin ta a jɛŋ nini na, koŋ fulunfulunŋ i.

Luki 10:33

Nka niŋ shuru kiri fwuudemaan ki kɔɔtɛ, Samaritɔnŋ bɛɛ tiri-ra wɔru, niŋ i na so weŋ ki fɛɛnmaan ki sun. Niŋ wú ja-i, wú makwulu i niŋ pa haali.

Luki 17:16

Nʼso-i Yesu tɛ waarinŋ wɔ̀ ru, ŋi i ta nʼkwushiri ntiŋ fɛ, ŋi i nʼɲaanfɛ ki da fwuniŋ sun, ŋi i baraka bi ntiŋ tɛ. Niŋ koŋ ki wuru Samaritɔnŋ i.

Luki 9:1

Niŋ bi kiri bataa kɔɔtɛ, Yesu i awɔ kalindaŋ bwununfuuli ki rakɔli, ntiŋ i sotinbi wɔri kí tɛ, kí i so ɲinijɛ kiri kalikali-i, kí i kiratɔnŋ ni kene-ni.

Luki 9:2

Niŋ ma-i, ntiŋ i kí cin tu kí ta Kirinŋ wɔ Masabi ki sunjo konaŋ kiri tɛ, niŋ fa kí i kiratɔnŋ kiri kene.

Yuhana 17:18

Miŋ tu ábɛɛ míŋ cin na-i juniɲa nu ɲaan wɔ̀ tɛ, míŋ yɛrima ki i kí cin-a juniɲa ki ru mìŋ ɲaan tenŋ ki tɛ.

Yuhana 20:21

Yesu i a pwulu, ntiŋ i ǹʼbi kí tɛ sɛbɛ tu : « Ɲaanfɛfili tu á fan. Tiŋ Kirinŋ míŋ cin-i ɲaan wɔ̀ tɛ, míŋ yɛrima ki i ábɛɛ cin-a mìŋ ɲaan tenŋ ki tɛ. »

Yuhana 4:20

Á sɛli bi ńʼtɛ : Yibɛɛ tiŋ cɛɛnni kiri Kirinŋ gbɛ-i ka tɔnŋ ka sun kwumaŋ, nka ábɛɛ i ǹʼbi-ri tu Kirinŋ kakan ŋì i gbɛ Yerusalɛmu dɔɔkunŋ? »

Yuhana 4:5

Niŋ ɲaan ki tɛ, ntiŋ i ta so Samari sɔɔta ki kili bɛɛ ra, nwɔ̀ tɔ i tu Sikari, niŋ mani ki nari Yakuba wɔ ji samaan ki ra kì, ntiŋ ninwɔ̀ wɔri wuru a danshuru Yusufu tɛ.

Yuhana 4:9

Yesu ǹʼbi wɔ̀ tan-i, tu niŋ Samarimari ki ju wɔri a tɛ, niŋ i bo nmari tɔnŋ sun, nmari tu : « Miŋ i Yawutu, miŋ i ǹʼbi-ri tu míŋ Samaritɔnŋ ju wɔri nʼtɛ wa? » (Yawutu kiri wuru ǹʼtɛ arì fa Samaritɔnŋ kiri i dɛbɛ bi dantenŋ sun kì.)

Yuhana 7:35

Niŋ ki ra, ntiŋ wɔ wulu ki ramatɔnŋ kiri i arìmaŋ nanɔri-ri tu : « Wú a ta da, nwɔma yibɛɛ fa wú ja kì? Yawutu wɔ̀ri jeɲe-i shiya tɔri kiri kanfɛ, wú fa ji ǹʼtɛ a i ta nini tɛ kì dɛ? Walima wú fa ji ǹʼtɛ a i ta awɔ kalinŋ ki wɔri shiya tɔri kiri tɛ kì dɛ?

Yuhana 8:48

Yawutu kiri i ntiŋ nupwulu tu : « Yibɛɛ jii wuru-i, yi i ǹʼbi tu miŋ Samaritɔnŋ i, niŋ fa tu ɲinijɛ i ji nʼnu. »

Mabikiri 1:8

Nka ábɛɛ kakan-i á i nwɔ̀ tɔ, niŋ i kaa : Ɲiniwɔlinŋ ki a na jɛri ábɛɛ sun, niŋ na, ábɛɛ ra na sotinbi kila, á i ji míŋ shɛɛri kiri i. Á i míŋ wulu ki bi mani ki bataa ru, ŋì i tɔnpa Yerusalɛmu, Yude, fa Samari, ŋì i ta so juniɲa ki daŋ ki ra. »

Mabikiri 10:45

Yawutu bilinatɔnŋ wɔ̀ri na wuru Pyɛɛri fan, nini ǹʼja-i waarinŋ wɔ̀ tu Ɲiniwɔlinŋ ki jɛri shiya tɔri ru konaŋ kiri sun arìbɛɛ fan sɛbɛ, niŋ i bo nini tɔnŋ sun.

Mabikiri 8:1

Sɔɔli yɛrima ki a tu wuru Ecɛni kilɛn ki ra. Ntiŋ beenimaan ki kɔɔtɛ, Kirinŋ jɛŋ kɛnitɔnŋ bɛɛ ri i ta ntiŋ kwuu ki shi, kí i ta ǹʼye. Kí i ntiŋ beŋ ŋuntan kusɛbɛ. Mìŋ shikaŋ tenŋ ki ru, Yawutu kiri i cɔɔri sinaŋ shi tu ki tɔnpa bilinatɔnŋ kiri ra Yerusalɛmu. Bilinatɔnŋ kiri bataa i jeɲe ta Yude fa Samari sɔɔta kiri bataa ru, cindaŋ kiri bantenŋ i tu Yerusalɛmu nmaŋ.

Tesalonikitɔnŋ kiri (1) 2:16

Kí i ǹʼtɛ arì i yibɛɛ suu Kirinŋ wɔ mwubi ki wulu ki sunjo ki sun shiya tɔri kiri tɛ. Niŋ ɲaan ki tɛ, kí i ǹʼbɛɛ bo ta-ri arɔɔ bijɛ kiri sun waarinŋ bataa ru. Nka, Kirinŋ wɔ tɔnkwulu ki rakɔɔra a fɛɛn kí sun.