Matiyu 10:41 - Jɔ Biibili ki

⁴¹ Konwɔtiŋ i Kirinŋ wɔ cintɔnŋ ki bɛɛ paka shɔ-a, awɔ cintɔnbi ki bira, nintiŋ a cintɔnŋ ki wɔ sali ki bishi kila. Konwɔtiŋ i koŋ telimaan paka shɔ-a awɔ telibi ki bira, nintiŋ a koŋ telimaan ki wɔ sali ki bishi kila.

Matiyu 10:41 ပူးပေါင်းရင်းမြစ်များ

Matiyu 16:27

A Koŋ Danshuru ki na na Tiŋ ki nɔɔri ki ru, niŋ fa awɔ mɛlɛkɛn kiri wu, ntiŋ a na koŋ fɔn tenŋ tenŋ sali, ŋì i kɛɲɛ a mabi wu.

Matiyu 25:44

Niŋ na, nini yɛrima kiri ra na Ŋuntiŋ ki ranɔri tu : ‹ Ŋuntiŋ ki, yibɛɛ ábɛɛ bɛɛkɔni ki ja, yi i á jumwunukɔni ki ja, yi i á ja jɛ ɛ, yi i á sunwɔ ki ja, yi i á kiratɔnŋ ja, walima yi i á ja nkasu ru jibi danwɔ, yi i bi tɔri ma kì? ›

Matiyu 25:45

Masa ki a na nini nupwulu tu : ‹ Sɛli ki ra, míŋ a ǹʼbi ábɛɛ tɛ, ńʼtu a ábɛɛ ji niŋ bi shɔɔrinŋ ki bishi ma, hali míŋ tindaŋ kiri bataa ru pyaanŋ ki bɛɛ tɛ kì, ábɛɛ ǹʼma míŋ yɛrima ki tɛ niŋ i kì. ›

Matiyu 6:1

Yesu tu sɛbɛ : « Dɔnsaŋ, á á yɛri paka tɔ, á fa áwɔ Kirinŋ saa tirimaanna ki ji konaŋ ni ɲaanna bi i kì dɛ! A niŋ ji-i kì, ábɛɛ ra sali kila áwɔ kirinpɔlila Tiŋ ki gbɛ kì.

Matiyu 6:18

nwɔma konaŋ kiri fa ǹʼtɔ tu miŋ sunŋ na kì, duu miŋ Tiŋ wɔ̀ i mani nadumaan kiri ru. A niŋ ma, miŋ Tiŋ wɔ̀ ki i bi radumaan kiri ja-a, ninki a miŋ sali. »

Matiyu 6:4

Niŋ ɲaan ki tɛ, nʼwɔ shɔɔrinŋ ki ma du ru, miŋ Tiŋ wɔ̀ i bi radumaan kiri bataa ja-a, niŋ a mɔɔn sali ki wɔri nʼtɛ. »

Matiyu 6:6

Nka, a miŋ ji-a Kirinŋ nafɛ, de nʼwɔ fu ciiru fudaŋ ki bɛɛ ru, ŋi i ǹʼtɔnŋ ki sɔɔn nʼsun, miŋ Tiŋ Kirinŋ wɔ̀ i mani nadumaan kiri ru, ŋi i niŋ nafɛ. Ninwɔ̀ ɲaniŋ i bi radumaan kiri ra, ninki a miŋ sali.

Matiyu 7:8

Sabu koŋ woo koŋ i ǹʼnafɛ-a, ŋì i wɔri-ra ntiŋ tɛ, nwɔ̀tiŋ i ǹʼceeli-la, nintiŋ i ǹʼkila-a, nwɔ̀tiŋ i faatɔnŋ ki buŋ ki sunkɔkɔ-a, ǹʼtɔnŋ ki i nawwulu-la nintiŋ tɛ.

Mabikiri 16:15

Nmari fa awɔ konanbi ki bataa i wu. Niŋ kɔɔtɛ, nmari i yibɛɛ rafɛ tu : « Ábɛɛ yɛrima kiri ǹʼja-i tu míŋ bili Ŋuntiŋ ki ra ábɛɛ sali, á ǹʼma niŋ bira, á i na jɛri mɔ́ɔ́n mani nu. » Nmari i a kɔli yibɛɛ ra, fɔ yibɛɛ i na yi tu.

Ɔrɔmutɔnŋ kiri 16:23

Míŋ jɛshi Gayusi i á co-a. Bilinatɔnŋ kwuru kiri bataa jɛshi ki yɛ. Kili ki wɔ wari maritɔnŋ, Erasitusi fa yi tindaŋ Karitusi i á co-ri.

Korɛntitɔnŋ kiri (1) 9:17

A ǹʼji wuru tu míŋ baara ka ɲaannashi-ri ńʼdintɛ bi ra, míŋ wuru-ra sali ceeli-li ǹʼnu. Nka baara ki biye-i míŋ gbɛsun, ǹʼma ki i faan a.

Iburu kiri 6:10

Kirinŋ shɔɔrinŋ tɔbali, tu ŋì a na a ɲakililafɔni ábɛɛ mabi kiri tɛ kì. Ábɛɛ ǹʼbidi-i á tɛ ɲaan wɔ̀ tɛ, á i ye ǹʼwɔ wɔlinŋ kiri tɛ ɲaan wɔ̀ tɛ, niŋ fa á i ji faa ye-a kí tɛ hali jiŋ, ŋì a a ɲakililafɔni niŋ tɛ kì.

Yuhana (2) 1:8

Á á ɲakili tu á yɛri ra, nwɔma áwɔ baara ki fa na ji ǹʼtawɔ ɔ kì, nka á i ǹʼtɔnɔ rafaamaan ki kila.