Matiyu 10:4 - Jɔ Biibili ki

⁴ Simɔŋ, nwɔ̀ wuru dɔri-ra tu Nselɔti, niŋ fa Yudasi Isikariyɔti, ninwɔ̀ a na Yesu janfa.

Matiyu 10:4 ပူးပေါင်းရင်းမြစ်များ

Matiyu 26:14

Niŋ waari ru, Yudasi Isikariyɔti, ninwɔ̀ wuru Yesu wɔ kalindaŋ bwununfuuli ki bɛɛ tenŋ i, niŋ i ta Kirinŋ tɛ sarakawɔrɔtɔnŋ kiri ŋununtiŋ kiri tɛ,

Matiyu 26:15

wú i kí ranɔri tu : « A míŋ Yesu de ábɛɛ gbɛfɛ, ábɛɛ ra nfɛnŋ wɔri míŋ tɛ? » Kí i warifɔ daŋ kɔniŋ fa byinŋ wɔri wú tɛ.

Matiyu 26:2

« Ábɛɛ i ǹʼtɔ-a tu ǹʼpyɛ tu sunŋ fuuli, Jonbikɔ ɲaannabyɛ ki i so. Nwɔ̀ i Koŋ Danshuru ki i, kí a ta niŋ de konaŋ kiri gbɛfɛ, tu ntiŋ kpinkpi suu sun. »

Matiyu 26:47

Yesu tu-i niŋ wulu ki bi-a, ntiŋ wɔ kalindaŋ bwununfuuli ki ru, nwɔ̀ wuru dɔri-ra tu Yudasi, niŋ i na, konaŋ kwuru mwɔɔnna i ji ntiŋ cɛfan. Baamwuru ri fa juju ri wuru nini gbɛɛra. Kirinŋ tɛ sarakawɔrɔtɔnŋ kiri ŋununtiŋ kiri fa Yawutu cɛɛnni kiri wɔ cintɔnŋ ni wuru-i.

Matiyu 27:3

Yudasi wɔ̀ Yesu wɔri wuru-i, wúfinŋ ǹʼtɔ-i tu kí a ntiŋ kilɛn waarinŋ wɔ̀ ru, wú i ntɔri bi awɔ bi kulinŋ ki ra. Kí warifɔ kɔniŋ fa byinŋ wɔ̀ wɔri wuru wú tɛ, wú i a pwulu tiri niŋ wu Kirinŋ tɛ sarakawɔrɔtɔnŋ ŋununtiŋ kiri fa Yawutu cɛɛnni kiri tɛ.

Maraka 14:10

Yudasi Isikariyɔti, ninwɔ̀ wuru Yesu wɔ kalindaŋ bwununfuuli ki bɛɛ tenŋ i, niŋ i ta ǹʼbi Kirinŋ tɛ sarakawɔrɔtɔnŋ kiri tɛ tu afinŋ a so Yesu de-i kí gbɛfɛ.

Maraka 14:43

Yesu tu-i niŋ wulu ki bi-a, Yudasi, ninwɔ̀ wuru ntiŋ wɔ cindaŋ bwununfuuli ki bɛɛ ɛ, niŋ i na konaŋ kwuru ki wu. Baamwuru ri fa bali li wuru kí gbɛ. Kirinŋ tɛ sarakawɔrɔtɔnŋ kiri ŋununtiŋ kiri fa sariya kalimɔɔ kiri fa Yawutu cɛɛnni kiri wɔ cintɔnŋ ni wuru-i.

Luki 22:3

Niŋ waaci ki ru, shitaanni i ɲakilila jɛ de Yudasi ru, kí wuru nwɔ̀ dɔri-ra tu Isikariyɔti. Niŋ wuru Yesu wɔ kalindaŋ bwununfuuli ki bɛɛ ɛ.

Luki 22:47

Yesu tu-i niŋ wulu ki bi-a awɔ kalindaŋ kiri tɛ, konaŋ kwuru bɛɛ i po. Kí wuru kalindaŋ wɔ̀ dɔri-ra tu Yudasi, Yesu wɔ kalindaŋ bwununfuuli ki ru, niŋ i ǹʼpa kí jɛŋ. Kí na-i so Yesu ri maŋ ki ru, Yudasi i a kpari ntiŋ tɛ, tu a ra ntiŋ co arɔɔ bidintɛbi coolinŋ tanka ɲaan ki ra.

Yuhana 13:2

Yesu fa awɔ kalindaŋ kiri wuru ciiku ki nu-a. Shitaanni ɲakilila jɛ ki de wuru Simɔŋ Isikariyɔti danshuru Yudasi ciiru kɔ, nwɔma a i Yesu wɔri a ɲa kiri tɛ.

Yuhana 6:64

Niŋ fa a fɔn na, kpeeri i ábɛɛ ru, nwɔ̀ri bilinabi ma-a kì. » Koŋ wɔ̀ri wuru bilinabi ki ma-a kì, Yesu wuru nini tɔ-a kabi awɔ cinŋ ki tɔnpa waari ki ru, niŋ fa koŋ wɔ̀ wuru-ra na ntiŋ janfa, ntiŋ wuru niŋ tɔ-a.

Yuhana 6:71

Ntiŋ niŋ wulu ki bi san wuru Yudasi bi sun, ntiŋ wɔ cindaŋ bwununfuuli ki tenŋ, ninwɔ̀ wuru-ra na ntiŋ janfa. Niŋ shuru ki wuru Simɔŋ danshuru, ntiŋ i po-ri Isikariyɔti kili ki ra.

Mabikiri 1:13

Kí so-i waarinŋ wɔ̀ ru, kí i tunpa ta sankasoŋ ki sun, kí wuru dali-la kí i sɔɔ-ri ninwɔ̀ ru. Koŋ wɔ̀ri wuru nmaŋ, nini wuru kari i : Pyɛɛri, Yuhana, Yakuba, Andire, Filipu, Toma, Baritelemi, Matiyu, Alife danshuru Yakuba, Simɔŋ wɔ̀ wuru yawutubi ki ŋununu kari tan-a, niŋ fa Yakuba danshuru Yudasi.

Mabikiri 1:25

ntiŋ i ji áwɔ cindaŋ i Yudasi ta ru, sabu niŋ po san-i cindanbi ki ra, wú i ta a yɛri kilɛn, niŋ ɲaan ki tɛ, wú wuru nwɔ̀ ceeli-la, wú niŋ kila-i. »