Matiyu 1:1 - Jɔ Biibili ki

¹ Yesu Kirisa po-i koŋ wɔ̀ri ru, nini tɔ kiri i kari i. Yesu i masa Dawuda nupo o, masa Dawuda i ji Aburahamu nupo o.

Matiyu 1:1 ပူးပေါင်းရင်းမြစ်များ

Matiyu 1:18

Dɔnsaŋ, nwɔ̀ i Yesu Kirisa ji bi ki i, niŋ ma-i ɲaan wɔ̀ tɛ, niŋ i kaa : Mariyamu, ninwɔ̀ i ntiŋ ɲiŋ ki i, niŋ sunpamaan wuru Yusufu gbɛ. Kí dɛbɛ ki jɛŋ, Mariyamu wuru cii wu, Ɲiniwɔlinŋ ki wɔ so ki baraka ra.

Matiyu 1:2

Aburahamu Ishaka ji-i, Ishaka i Yakuba ji, Yakuba i Yuda fa a tindaŋ kiri ji.

Matiyu 15:22

Kaanna mari bɛɛ sɔɔ wuru niŋ sɔɔta ki ru, niŋ i na Yesu tɛ, nmari i yaalinpo, nmari i ǹʼbi tu : « Ŋuntiŋ ki, Dawuda Danshuru, á míŋ sunmakwulupa, ɲinijɛ i míŋ danmari ki ru, ŋì i nmari cɔɔri-ra kusɛbɛ. »

Matiyu 3:16

Yesu wu-i, ntiŋ i po san ju ki ru. Mìŋ manaanŋ tenŋ ki ru, kirinpɔli ki i nawwulu, Yuhana i Kirinŋ Ɲini ki ja jɛri-ra miŋ tu kilaaŋ, ŋì i na sɔɔ ntiŋ sun.

Matiyu 9:27

Yesu i po san niŋ mani nu. Ntiŋ tirira ki, ɲaanfwuu fuuli bɛɛ i arì bo ntiŋ cɛfan, kí i fali-li, kí i ǹʼbi-ri tu : «  Dawuda danshuru, yi sunmakwulupa! »

Luki 1:33

Ŋì a na ji masabi ki sun Yakuba nupo kiri ŋununu waarinŋ bataa ru. Daŋ a na ji ǹʼwɔ masabi ki ra kì. »

Yuhana 7:42

Kí tu sɛbɛ : « Kirinŋ wɔ wulu sɛbɛ kiri ǹʼbi-a tu Kirinŋ Ɲaannakonshimaan ki kakan ntiŋ i ji masa Dawuda nupo o, tu ntiŋ i po Bɛtilɛhɛmu, masa Dawuda sɔɔ kili ki ra kì wa? »

Mabikiri 2:30

Dawuda wuru Kirinŋ wɔ cintɔnbi wulu bi-a. Ntiŋ ǹʼtɔ wuru tu Kirinŋ ǹʼbi afinŋ tɛ tu afinŋ nupo ki bɛɛ tenŋ a na sɔɔ afɔɔn masabi waalinŋ ki sun a kɔɔtɛ.

Ɔrɔmutɔnŋ kiri 1:3

Danshuru tenŋ pe wɔ̀ po-i Kirinŋ nu, niŋ Wulujii ki i wulubi-a niŋ bi sun, ninwɔ̀ ji-i masa Dawuda nupo gbɛ, ŋì i kɛɲɛ konanminibi ɲaan ki wu.

Ɔrɔmutɔnŋ kiri 4:13

Kirinŋ a tɔnŋ wɔri-i Aburahamu fa a nupo kiri tɛ, tu kí a juniɲa kila kani i. Niŋ tɔnwɔri ki shi Aburahamu tɛ ntiŋ wɔ sariya ki rasɔɔbi baraka ra kì dɛ! Nka ǹʼshi-i ntiŋ tɛ awɔ telibi baraka ra, bilinabi ki i ninwɔ̀ wɔri-ra.

Ɔrɔmutɔnŋ kiri 9:5

Yibɛɛ tiŋ cɛɛnni kiri po-i kíbɛɛ kiri ru, Kirisa i ji po kí ru ŋì i kɛɲɛ konanminibi saa ki wu. Niŋ Kirisa wɔ̀ i Kirinŋ i, ŋì i ji finŋ bataa ŋununu, niŋ gbɛ waarinŋ bataa ru. Amiina!

Galasitɔnŋ kiri 3:16

Mìŋ ɲaan ki tɛ, Kirinŋ a tɔnŋ wɔri wuru Aburahamu fa a nupo ki tɛ. Kirinŋ nupo mwɔɔnna wulu bi-ri kì, sabu ŋì i ǹʼbi-ri tu « ntiŋ fa a nupo ri » kì. Nka tu « ntiŋ fa a nupo ki. » Niŋ i ǹʼji-a tu Kirinŋ nupo tenŋ bantenŋ wulu bi-ri. Niŋ nupo ki i Kirisa.

Timote (1) 2:5

Sabu Kirinŋ i tenŋ i, kaalipatɔnŋ tenŋ i ji Kirinŋ fa konaŋ ki faninmwuŋ sɛbɛ. Niŋ i Yesu Kirisa a, ninwɔ̀ i konanmini i.

Timote (2) 2:8

Nʼɲakili tu Yesu Kirisa ra, Dawuda nupo ki, nwɔ̀ ŋmɛni po san-i konkwuu kiri kanfɛ, miŋ tu míŋ i ǹʼsunjo-a ɲaan wɔ̀ tɛ, ŋì i kɛɲɛ Kirinŋ wɔ Wulujii ki wu.

Jafinŋ ki 22:16

Míŋ Yesu, mínki ńʼwɔ mɛlɛkɛn ki cin-i, ńʼtu ŋì na niŋ bi kiri bi ábɛɛ bilinatɔnŋ kwuru kiri tɛ. Mínki i Dawuda kaninu ki, fa ntiŋ nupo ki i, ŋí i ji sisarimantɔnŋ sun sɔriniŋ i, nwɔ̀ i cucu-a. »