Efɛsitɔnŋ kiri 6:8 - Jɔ Biibili ki

⁸ Á ǹʼtɔ tu koŋ fɔn tenŋ tenŋ, joŋ bili ŋununtiŋ sun, tu yi bataa ra ta yɔɔ sali ki kila Ŋuntiŋ ki gbɛ, ŋì i kɛɲɛ yɔɔ shɔɔrinŋ mamaan kiri wu.

Efɛsitɔnŋ kiri 6:8 ပူးပေါင်းရင်းမြစ်များ

Matiyu 16:27

A Koŋ Danshuru ki na na Tiŋ ki nɔɔri ki ru, niŋ fa awɔ mɛlɛkɛn kiri wu, ntiŋ a na koŋ fɔn tenŋ tenŋ sali, ŋì i kɛɲɛ a mabi wu.

Matiyu 20:7

Kí tu : ‹ Sabu, koŋ yibɛɛ shi cinŋ na kì. › Ntiŋ tu kí tɛ : ‹ Niŋ na, ábɛɛ yɛrima kiri tiri cinŋ ma mɔ́ɔ́n ji ki ru sɛbɛ. › Nini i ta bo cinŋ matɔnŋ jɔnɔ kiri sun sɛbɛ.

Matiyu 5:12

Á á yoori á i á ciirudi, sabu sali sinaŋ i ábɛɛ gbɛ kirinpɔli ki ra. Á bili ǹʼna tu cintɔnŋ wɔ̀ri de-i ábɛɛ jɛŋ, tu kí nini cɔɔri mìŋ ɲaan ki tɛ. »

Matiyu 6:1

Yesu tu sɛbɛ : « Dɔnsaŋ, á á yɛri paka tɔ, á fa áwɔ Kirinŋ saa tirimaanna ki ji konaŋ ni ɲaanna bi i kì dɛ! A niŋ ji-i kì, ábɛɛ ra sali kila áwɔ kirinpɔlila Tiŋ ki gbɛ kì.

Matiyu 6:4

Niŋ ɲaan ki tɛ, nʼwɔ shɔɔrinŋ ki ma du ru, miŋ Tiŋ wɔ̀ i bi radumaan kiri bataa ja-a, niŋ a mɔɔn sali ki wɔri nʼtɛ. »

Luki 14:14

A niŋ ma, miŋ a ji koŋ fɛrɛmaan a, sabu nini a so mɔɔn ki tɔ ki kila wɔri-i nʼtɛ kì. Miŋ i ta-a niŋ kila koŋ telimaan kiri ŋmɛni shikaŋ ki ru. »

Luki 6:35

Nka á á ɲa kiri bidi á tɛ, á i shɔɔrinŋ ma-ni kí tɛ. A kɔni ki ye, á fa niŋ ma shɛsan ɲakili wu kì. Niŋ na, ábɔɔ sali ki a mwɔ, niŋ fa ábɛɛ ra ji Kirinsinaŋ daŋ ni i, sabu niŋ i shɔɔrinŋ ma-a shɔɔrinŋ tɔbali kiri fa koŋ jɛ kiri tɛ.

Korɛntitɔnŋ kiri (1) 12:13

Sabu, miŋ tu ŋi Yawutu woo, ŋi shiya tɔri woo, ŋi joŋ walima ŋi joŋ i kì woo, yi bataa wu-i Ɲiniwɔlinŋ tenŋ baraka ra, nwɔma yi i ji firi tenŋ i. Yi bataa i ji mìŋ Ɲiniwɔlinŋ tenŋ ki kila.

Korɛntitɔnŋ kiri (2) 5:10

Sabu yibɛɛ bataa kakan-i yi i ta tu Kirisa ɲaanfɛ, nwɔma kiti ki i kwuru yi sun, koŋ bataa i awɔ sali kila ŋì i kɛɲɛ yi tenŋ tenŋ ki fɔn wɔ shɔɔrinŋ mamaan walima yɔɔ bi kulinŋ mamaan ki wu, yɔɔ ɲaninkulutɔnbi ki ru pwɔkulinŋ ka sun.

Galasitɔnŋ kiri 3:28

Niŋ ki ra, Yawutu kiri fa shiya pyɛ kiri fɔn i tenŋ i, joŋ kiri fa jiyɛrɛtɛ kiri i ji tenŋ i, shuru kiri fa mari kiri i ji tenŋ i, sabu ábɛɛ bataa i tenŋ i Yesu Kirisa ra.

Kɔlɔsitɔnŋ kiri 3:11

Niŋ ɲaan ki tɛ, koŋ Yawutu kiri fa shiya tɔri kiri san-a arìmaŋ nu kili kì, koŋ dumiŋ koŋ sɔɔpeefɛmaan ni fa koŋ sɔɔpeefɛbali li san-a arìmaŋ nu kì. Jɛ ri fa koŋ kalibali fa ɲiinkanfɛtɔnbi walima jonbi walima danjibi, niŋ tɔri tenŋ shɛɛli-la kili kì, Kirisa i ji-a finŋ bataa a, mìntiŋ ki i ji yi bataa ŋununu.

Kɔlɔsitɔnŋ kiri 3:24

Sabu, á ǹʼtɔ tu Ŋuntiŋ ki a tɔnŋ wɔri awɔ kiri tɛ finŋ wɔ̀ bira, tu ábɛɛ ra lu kila, nwɔ̀ a ji ábɔɔ sali ki i. Ábɛɛ Ŋuntiŋ sɛlɛsɛli ki, niŋ i Kirisa, á baara ki ma niŋ tɛ.

Kɔlɔsitɔnŋ kiri 3:25

Konwɔtiŋ i baara jɛ ma-a, á ǹʼtɔ tu Kirinŋ a nintiŋ sali, ŋì i ǹʼkɛɲɛ ntiŋ wɔ baara jɛ ki wu, sabu Kirinŋ koŋ san-a koŋ nu kì.

Iburu kiri 10:35

Niŋ ki ra, á fa ncusun niŋ gbɛbilimaŋ ki i a mwu á wu kì, sabu sali sinaŋ i niŋ nu.

Iburu kiri 11:26

Ntiŋ i a tu, ntiŋ i nufyɛ Kirisa sali, ntiŋ niŋ shɛɛli-i nafulu sinaŋ i, ŋì i fwuu Misira kɛniŋ ki fa a ru nafulu mwɔɔnna ki sun, sabu ntiŋ wuru-ra na sali wɔ̀ kila, ntiŋ ɲaniŋ wuru niŋ na.