Efɛsitɔnŋ kiri 6:5 - Jɔ Biibili ki

⁵ Ábɛɛ joŋ kiri, ŋununtiŋ wɔ̀ri i ábɛɛ ra ka juniɲa ka ru kwumaŋ, á nini wulu pa, á i baara ki ma kí tɛ kɛmi fa gbɛbi fa ciirufɔɔbi wu, miŋ tu ábɛɛ ra ji ǹʼma-a Kirisa yɛri ki tɛ.

Efɛsitɔnŋ kiri 6:5 ပူးပေါင်းရင်းမြစ်များ

Matiyu 6:22

« Ɲaninaŋ kiri i firi ki wɔ lanpaŋ ki i. Niŋ ɲaan ki tɛ, a miŋ ɲaninaŋ kiri shɔɔrinŋ ni ji-i, miŋ firi ki bataa ra ji manisarinŋ nu.

Matiyu 6:24

Yesu tu sɛbɛ : « Koŋ tɔri tenŋ so-a cinŋ ma-i ŋununtiŋ fuuli tɛ kì, sabu tenŋ ki bi a kwɔ ntiŋ sun, tenŋ ki bi i di ntiŋ tɛ. Walima ntiŋ a a kulu tenŋ tɛ, ntiŋ na a kulu tenŋ tɛ kì. Mìŋ ɲaan tenŋ ki tɛ, ábɛɛ ra so baara ma-i Kirinŋ tɛ, á i ǹʼma jalinŋ ki tɛ mìŋ waaci tenŋ ki ru kì. »

Matiyu 8:9

Mìŋ ɲaan tenŋ ki tɛ, Ŋununtiŋ ni i míŋ na, míŋ yɛri ki i ji surudashi kiri bɛɛ ri ŋununtiŋ i. A míŋ ǹʼbi niŋ bɛɛ tɛ : ‹ Ta keŋ ›, niŋ i tiri-ra niŋ mani nu. A ŋí ǹʼbi ǹʼtɔri tɛ : ‹ Na ›, niŋ i na-a. A míŋ ǹʼbi ńʼwɔ joŋ ki tɛ : ‹ Ka ma ›, niŋ i niŋ ma-a. »

Mabikiri 2:46

Jibi woo jibi, kí wuru ta-a Kirinfusinaŋ ki ra, kí i ta Kirinŋ nafɛ-ri ɲakilila tenŋ wu. Kí cunadi wuru niŋ na kusɛbɛ, niŋ fa, kí wuru arìmaŋ fu-a arɔɔ fu kiri ru, kí i bwuru ki rucɛn lu-li arìmaŋ tɛ, kí i arɔɔ nufinŋ kiri nu-ni arìmaŋ fan, ciirudibi fa sunjɛribi wu.

Ɔrɔmutɔnŋ kiri 9:3

Sabu, hali míŋ ji-a danka kila, ŋí i po san Kirisa wɔ tindaŋ bi ki ru, ńʼtindaŋ Yawutu kiri bira, míŋ a ńʼtu niŋ na.

Korɛntitɔnŋ kiri (1) 2:3

Niŋ fa míŋ wuru ábɛɛ kanfɛ waarinŋ wɔ̀ ru, míŋ baraka ki kuru wuru ńʼyɛri ɲaanna, ŋí i kɛni-ni, ŋí i sɛrɛsɛrɛ-ri.

Korɛntitɔnŋ kiri (1) 7:22

sabu Ŋuntiŋ ki joŋ wɔ̀ dɔri-i, niŋ i Ŋuntiŋ ki wɔ koŋ ŋunsanmaan a. Mìŋ ɲaan tenŋ ki tɛ, konwɔtiŋ joŋ i ka juniɲa ka ru kì, a Ŋuntiŋ ki niŋ dɔri, nintiŋ i ji-a Kirisa wɔ joŋ i.

Korɛntitɔnŋ kiri (2) 1:12

Yibɛɛ ra so yi yɛri ragbɛ-i bi wɔ̀ wu, niŋ i kaa : yibɛɛ tirika ki ábɛɛ kanfɛ niŋ fa mani bataa ru, yibɛɛ cirasun tu yibɛɛ niŋ ma ciirufɔɔbi niŋ fa sɛli ki wu Kirinŋ ɲaanfɛ, ninwɔ̀ po konanmini wɔ ɲakilitinbi ru kì, fɔ Kirinŋ wɔ shɔɔrinŋ ki baraka ra.

Korɛntitɔnŋ kiri (2) 7:15

Dɔnsaŋ, ábɛɛ bi ki gbɛ-i Tite gbɛ haali! Ábɛɛ bataa ntiŋ ŋununafuka shɔ-i, á i ntiŋ gbɛ, kɛmi fa gbɛbi wu ɲaan wɔ̀ tɛ, niŋ po san ntiŋ ciiru kì dɛ!

Efɛsitɔnŋ kiri 5:22

Ábɛɛ mari kiri, á á kulu á shinŋ kiri tɛ miŋ tu ábɛɛ i á kulu-la Ŋuntiŋ ki tɛ ɲaan wɔ̀ tɛ,

Efɛsitɔnŋ kiri 6:24

Yi Ŋuntiŋ Yesu Kirisa bidi-i nwɔ̀ri tɛ kusɛbɛ arì sɔbɛ ra, tu Kirinŋ awɔ shɔɔrinŋ ki ma nini bataa tɛ.

Filipitɔnŋ kiri 2:12

Niŋ ki ra, míŋ tindaŋ byii ri, á Kirinŋ wɔ wulu ki pa tu, miŋ tu ábɛɛ ǹʼma-i waarinŋ bataa ru ɲaan wɔ̀ tɛ. Ŋì i míŋ tu ábɛɛ kanfɛ, ábɛɛ ǹʼwulu pa-i ɲaan wɔ̀ tɛ, dɔnsaŋ míŋ maŋ narimaan ki i tu ábɛɛ ra, á ji ǹʼwulupatiiri i, ŋì i fwuu niŋ sun. Á á mwu bi ki baara ki ma Kirinŋ jɛŋ kɛmi fa sɛrɛsɛri wu.

Filimɔn 1:16

Wú miŋ tu joŋ bantenŋ kili kì, wú fwuu niŋ sun, wú i tindaŋ byii i. Wú bi ki gbɛ-i míŋ gbɛ kusɛbɛ. Wú bi ki kakan-i ŋì i gbɛ miŋ gbɛ ŋì i fwuu mɔ́ɔ́n ki sun sɛbɛ, sabu konanmini yɛ, niŋ fa wú i ji bili-la Ŋuntiŋ ki ra.

Pyɛɛri (1) 3:2

nka ǹʼsababu ki i ji tu kí ábɛɛ tirika ɲaan ki ja fɔɔbi niŋ fa gbɛbi wu.